1 KORENTENGOLU 8

1Awa, saasa ń badinŋolu, ń be nala alu jaabila bolisosubolu la kuwo to. Tonɲa le mu n x'a lon xo lonŋo be n bee la. Bari lonŋo xa tari le xa moxo bula a fan bunɲala, x'a tara xanuya si do kafu n barako ma. 2Nin moxo men b'a miirila xo a xa ku lon, wo man lonŋo ke folo í xo a tun xa xan x'a ke ɲa men. 3Bari moxo men be Ala xanula, Ala xa wo tigo lon. 4Awa, n si bolisosubo domo no ba? N x'a lon xo boli fusi nte duniya to, anin xo ala xote nte je, nin a bota Ala kilinpe ma. 5Haali nin sanxulo to fenŋo dolu anin duguxulo xan fenŋo dolu be kilila xo ala, anin xo wo ɲoxon ala kiika nin marigi kiika be je, 6ntelu bulu, Ala kilinpe le ken be je, nin wo mu n Fa ti. Ate le xa fen bee da; n be i nila ate le du ɲen. Marigi kilinpe le du be je, nin wo mu Isa Kirisita ti. Fenŋo bee be je ate le barako to; anin n be i nila ate le barako to. 7Bari bee man wo lon. Moxo dolu tunnu be dalinin bolikuwo la, haalibi nin i be wo subolu domola, i b'a jaatenin xo wo subo sadaxata bolo lelu ɲen tonɲa la. X'a la a xan i jusukunŋo barako xa doxo, wo domolo be i jusukunŋo noxola. 8Domolifen ken nte n nin Ala te sutiyala. Nin n man wo domo, wo me fen bo n na. Nin n xa wo domo du, wo nte fen kafula n ma. 9Bari wo bee nin a ta, alu i korosi; walasa yanmaro men be n bulu xa n diyanɲo ke, wo xana ke sabaabu ti xa barakentanŋolu bula junubo xono. 10Awa, ite men xa lonŋo ke, nin í badin barakentanŋo do xa ite je siginin bolibatusuwo xono í b'a subo ma x'a domo, a du me a ja xoleya ba xa bolisosubu in domo? 11Wo to, í la lonŋo keta sabaabu ti, barakentanŋo xa halagi, Kirisita sata wo badinŋo men ɲen. 12Nin alu x'alu badinŋolu haxxo ta ten, xa i jusukun barakentanŋo joogi, alu be Kirisita fan ne haxxo tala. 13Wo le x'a tu, nin domolifenŋo do le si ke sabaabu ti xa nte badinŋo do bula junubo xono, nte me subu si domo tugun; walasa nte xana ke sabaabu ti xa ń badinŋo bula junubo xono.

will be added

X\