1 KORENTENGOLU 5

1A meta dula bee xo jadoya be alu tema, haali jadoya men ɲoxon nte kela Alalonbalolu bata. Wo mu ɲin ne ti xo: Alu do x'a fa musu ta. 2Haalibi, alu dunnu be alu fannu bunɲala! Alu tunnu xa xan xa nitokuwa bete le, walasa men xa ɲin ku in ke, wo xa xoyi alu to. 3Haali nin nte xunturo nte alu bata, ń be alu bata ń niyo la. Men xa ɲin kujaxu in ke, n Marigi Isa toxo la, nte xa kiito tege wo tigo xan xa ban, í xo nin ń tun be le alu bata. Nin alu kamarita, alu nin nte, niyo la, n Marigi Isa la sintigiya si ke n fe. 5Wo to, alu wo moxo di Sentane ma, a balasubo tiɲalo xanma, walasa a niyo xa kisi Marigi nalunŋo. 6Alu la fanbunɲa kunŋo man ɲin. Alu xa don lon xo: «Farinfuunulanŋo dondin si mungo bee lafuunu.» 7Alu i senuya, xa farinfuunulan xoto bo alu to, walasa alu xa ke farin nooninin kuto ti, x'a la a xan farinfuunulan nte alu to. Bawo n na Tanbinxansallo sadaxo faxata, nin wo mu Kirisita ti. 8Wo to, n xa wo sallo ke, n nin farinfuunulan xoto xana a ke, nin wo mu jaxuya nin jigojaxuya ti, bari n nin buuru fuunubalo le x'a ke, wo xoto: Senuya to, anin tonɲa la. 9Nte xa safe men ki alu ma, nte x'a fo alu ɲen xo alu nin jado xana ku kafu. 10Nte nte ɲin duniya in jadolu nin a wasabalolu nin a sunŋolu walla a bolibatulalu ma. Nin wo le tun mu, alu tunnu si bo le duniya xono. 11Ń tun b'a fe xa men fo alu ɲen, wo mu ɲin ne ti xo: Alu nin moxo xana ku kafu moxo men, nin lannayabaxo toxo be lanin a la, bari jado nin wasabalo, nin bolibatula, nin naafigo, nin dolominnaba, walla sunŋo le mu. Alu nin wo moxo sifa man xan xa haali kafu xa domoli ke. 12A xa bantatomoxolu la kiito bo nte ɲen ba? Ala le be nala wolu la kiito tegela. Bari alu man xan ba xa kiito tege alu la jama moxolu xan? Í xo Kitaabo b'a fola ɲa men xo: «Alu kujaxukela xoyi alu to.»

will be added

X\