TITUS 2

1Ama ci ken numa, ú zen aji we dzun ba abu wa fyenfyen wa byenbyen. 2Baco be ci kyoo numa, be pan cinbe bi dzun san­ san, be pantse ba gben gangan numa ki bye aji bu Cidon waa be yi wajinderi kiyo ra. Be con pajukun, be ci ba mikyin wa ta­ shuma. 3Kà ci numa ba baco bawuwa du, be tsa abuu Cidon ndafan jinni byenbyen numa. Béká zen aji tsaba pajukun ba. Béká wa jan fan dibe kan nya bu ajan wa wawa ba, Be fyen abu wa sansan wa tsatsa. 4Ki cin waa jiji be fyen abe zhen mafan bawuwa jiji be con anube ba zhenzhenbe. 5Bé pan cinbe bi dzun sansan. Mikyinbe ku ci nyenye numa. Be pan ndobe sansan numa. Be nde cinbe na jinni yi anube, ki cin waa jiji apa dzun kúká du nyaco wa zen aji tsaba aji bu Cidon ba. 6Kà ci numa du, ú nu zhen mafan dòn jiji be pan cinbe sansan. 7Ki bye abu baa uma tsa kata ú tsa san­ san jiji pajukun badati be ten beu kiyo. Úká jojo ba abu wa fyenfyen ba, ú pan diu sansan. 8Ú zen aji baa dzu cin jiji tsenni ku pan pajukun baa na zen aji tsaba zen u ra. Ki cin waa bē dube abye waa be nde vo pan yo be zen aji tsabai kiyo ba. 9Ábe zhen nya, bé nde cin na jinni fo tson bu cindobe. Bé tsa abu wa vya hwan bu cindobe ki bye abu waa bema tsa kata. Bé­ ká sunnu ba cindobe ba. 10Béká vyi vyu ba, ama be tsa abu baa byenbyen ndafan jinni wari hwa yi pajukun ri zen nde babe byen­ byen numa dzwadzwa ki jinni. 11Ki bye wakara numa hunnu ri hwa yi pajukun ri nyā aji bu abu wa fyenfyen bu Cidon wa nwà­ dzui. Cidon tà yi pajukun wa sansan ki fa byeya numa jiji pa­ jukun kata be du nyaco wa nwà­ dzudzu. 12Wa sansan waji na fyen tà yii danra, abu wama vyaa hwan bu Cidon ba, íká tsa abu waji ba. Íká ho mikyin'i so bye abu baa vyai ki di wa tsatsa baa ki fin tswen kire raba. Í ho mikyin'i we jinni, í ci byecui ki fin tswen kire kyoo numa, í tsa abu wa byenbyen, í bà Cidon ndafan jinni. 13Ci tsadzu waa ī ci na ge cin bu anyunu wa cu cucu waa ī ho hwan'i so nyaco na ge cin'a jiji í mbyà, ki bye anyunu waa Cidon ba apa wa nwa apa waa beri baku danra, Yesu Kiri­ sti ribi ta hwea kiyo ra. 14Ku nde dia ka aki ki cin'i jiji ku nwàdzui ki fin abu wa baba kata, jiji ku wo nyei, í ci nyenye numa, jiji í kan pajukun bua kenken baa ri so hwan ki bye abu wa sansan wa tsatsa. 15Ú zen aji ki cin abu baakara bàvo kiyo gbangban numa yi pa­ jukun, ú nube don, ú gbebe tson ba gben u kata, ki cin waa jiji apa dzun kúká sinniu ba.

will be added

X\