BAROMA 6

1Acinna bu aji waji dan ke hun? í foji abu wa baba wa tsai tsatsa jiji wa sansan bu Ci­ don ku foji wa kwankwan kiyo yaya ki pyen? 2pukyakya, cia numa ba ko dzundzun. Ai waa aki ndi gaidi ba abu wa baba ra iri tsanini ri foji abu wa baba wa tsatsa yaya ki pyen? 3Ai baa anyunu wa hun be tsai batisma ra, ī kan abu dzundzun ba Yesu Kiristi, ī hu aki ki dzun baku rá, ni yini ba? 4Anyunu waa be tsai batisma ra, ī hu aki ki dzun baku hun, bekà hoi jì ki dzun ki shi baku hun. Ci tsadzu waa Atai do Yesu don ki bye aki ki bye gben­ tsòn'a ra, ci numa ra, ai dú ī ci byecui ki bye cindi wa ripye. 5Waa ī kan abu dzundzun baku ki bye akia waa ku hu ra, iri do don ki bye aki anu dzun­ dzun baku ki dzun. 6Ī yinu danra mikyin'i wa ndi gbogbo waa ī ndi ci baku ra, be ndeku kan bwan ki cin hin wa shon gege ki dzun ba Yesu Kiristi. Ki cin waa abu baa baba baa ndi ri vyai ki fin mikyin'i ra, be hu bá jinni ra. Ki cin wakara ī cii nyà bu abu wa baba riba. 7Ki cin waa apa wama hu ya kindo ra, ku baani ki vo bu abu wa baba wa tsatsa ri. 8Ci tsadzu waa ī hu aki ki dzun ba Yesu Kiristi ra, ī yi wajinderi danra iri ci bye dzundzun baku ba cindi. 9Ī yinu danra waa Ci­ don do Yesu don ki bye aki ra, kuri mbyā hua aki riba, aki tsa­ kaaku abu dzun ki cin riba. 10Ku hu aki dzwa dzundzun ki cin bu apa wani kata. Abu wa baba tsa­ kaa abu dzun ki cin'a riba. Cindi waa ku ci baku tanma ci abu wa ki vo bu Cidon. 11Ci numa ra, ani du, ní kyepan danra, ni ndi hu gadi ba abu wa babani ra, tanma numa ra, nī ci ba cindi, nī ban vyon ba Cidon ki bye Yesu Kiristi ra. 12Ci numa ra, niká zen nde yi abu dzun wa baba ku na tsòn ki cinni jiji ni tsa abu wari vyaku ki hwan ba. 13Niká dada zen nde fan abèn dini dzun tsa abu wa baba ba. Ní vuvu dini kyoo numa yi Cidon ki vo. Ki cin waa nī ci pajukun baa ndi hu, ka do don ba cindi ra. Ní fan bye wani kata ki dini yi abu wa sansan wa tsatsa. 14Abu wa baba dzun ri tsakaa abu dzun ki cinni riba, ki cin waa ni cini ki vo bu dòn ba, ama wa sansan bu Cidon bani ci dzun. 15Cinna bu aji waji dan ke hun? Ki cin waa í cii ki vo bu dòn riba ra, í foji abu wa baba wa tsatsa ki cin waa wa sansan bu Cidon bai ci dzun? Cidon ku be abu kiyo. 16Nima fan dini yi apa dzun ki cin waa ní nde cin na jinni yiku, tà danra ni kan nya bu apa waji ra hun rá, ni yini ba? Nima fan dini kan nya bu abu wa baba, niri huhu. Ama pajukun baa nde cinbe na jinni yi Cidon ra, beri kan pajukun baa sansan numa ki pyen bu Ci­ don, 17Ama tanma í mbu mikyin yi Cidon, andi gbogbo ni fan dini kan nya bu abu wa baba, ama tanma nina nde cinni na jinni ba mikyinni ki bye abu wa fyenfyen waa ī ndi nde kwani ki voni ra. 18Be nwàdzuni ki vo bu abu wa baba, ni zayo bi kan nya bu Ci­ don nina tsa abu wa sansan ra. 19Mna zen aji pi ci fa byeya numa ki di bu abu baa ki fin tswen kire, ki cin waa ní hwayi ba aji waji ki byeya numa. Ki cin waa ni cini pajukun baa hwayi ba aji wa dzondzon mwamwa ba. Andi gbogbo ni fan dini kata yi abu só wa baba, ba nwe wa nwa­ nwa foji wa tsa na yaya ki pyen. Ci numa ra, tanma ní fan dini yi abu wa sansan wa tsatsa jiji ní ci nyenye numa. 20Andi gbogbo waa ni ci nya bu abu wa baba wa tsatsa ra, abu dzun kwan'ani ba abu dzun wa sansan wa tsatsa ba. 21Abu dzun waa ni ndi du ki bye abu wa baba waa ni ndi na tsa hwa tsenni na panni tanma ra, ci kake? Nī ken nu abu baaji ba aki wa bwan apa. 22Ama tanma ra, be nwādzuni ki vo bu abu wa baba, ni kan nya bu Cidon ra. Abu waa ni du kiyo ciri, Cidon tsonyeni ra. Abu wa ken niken waa niri bi du ciri cindi wa ci kenken. 23Apa wama tsa abu wa baba vokwin'a ci aki, ama abu wa sansan waa Cidon ri gayi apa azota numa ci cindi wa ci kenken wari dzu bye Cindoi Yesu Kiristi ribi.

will be added

X\