BAROMA 3

1Ma ci numa Yahudawa kā tsu pajukun badati ki bye ke hun? Abuku wa kyukyu ci abu wa tsake kiyo? Ku ci abu wa sansan. 2Wa kapyen, pajukun baa Cidon ndi nde ajia kwabe ki vo ra, be ci Yahudawa. 3Tsanini Yahudawa badati nghabe wa tsa butso ba aji waji? Ko waa be nghabe wa tsa butso ba aji waji ndafan jinni ra, wakara ri hwa yi Cidon ri zen pukan nu? 4Andi kini fora? Cidon ri pukan'a anu ki bye aji ba. Ko pajukun kata ma kankan aji bu Cidon ci tiri aji wa byenbyen ko nukon, ci tsadzu waa be ta so fin Afa bu Cidon danra, "Au Cidon, aji buu waa uma dan kata ci aji wa byenbyen ki byeya numa, pajukun ma ken mbafou ùna ji cin ki cinbe." 5Pajukun mana ga danra abu wa rimyi waa ina tsa ra hwa pajukun na mbyà danra Cidon ci apa wa sansan iri dan dan ke? Dede waa Cidon ma naten'i ki bye abu baa baba baa ina tsa ra, ku tsa abu wa rimyi? (Wakara mna dan aji bu apa). 6Andi kini fora. Cidon rima kyan ci apa wa tsa abu wa rimyi, tsanini kuri fo pajukun baa ki fin tswen kwen? 7Pajukun badati na ga danra ki bye akan waa bena kan ra ri hwa pajukun ri mbyàyi aji wa byen­ byen bu Cidon ki byeya numa jiji be yiku hwe. Rima ci numa tsa­ nini Cidon na pan pajukun kwen ki cin abu wa baba bu akan wa kankan? 8Ma ci numa akake denri waa í foji abu wa baba wa tsatsa jiji pajukun be mbyàyi wa sansan bu Cidon ci tsadzu waa pajukun badati na ge aji na bemi ki nu danra mna dan numa ra? Cidon ri ta pajukun baaji fyin mba tiri. 9Ci numa ra iri dan ke? Yahudawa sanka tsu pajukun badati ki bye kake waji? Be san­ kabe tsu badati ba, ko titi. Avo ndi gbogbo m ndi dan yini danra Yahudawa ba tsu badati kata abu wa baba pan nabe ki cin. 10Ci tsadzu waa be ta ki fin Afa danra, "Apa dzun wa tsaka abu wa sansan numa dzu don dzwadzwa ki jinni numa baani ko dzundzun. 11Apa dzun wa hwayi ba aji wa byenbyen numa baani ko dzundzun. Apa dzun wa nyà Cidon baani. 12Pajukun kata pukan nyaken yi Cidon ra. Be tsabe cin bá kata nu dzundzun. Ko ngyikan dzundzun tori numa baani. 13Anube ci ashimbi wa pofanfan ci nu yo. Afinbe muna azo akyan bu nyo numa, bena zen aji bwan pajukun ba aji wa dzu nube, 14Be tsoce ki nube kagben. Aji wa ki nube ba zadi. 15Be cici ri bwan apa ba. 16Abye waa bema te abē kà kiyo kata, se bema tsaba abu, gbe mikyin wa pepe hwa. 17Be yibe nyaco wari yi apa mikyin wa na jinni ba. 18Be cibe ba azin bu Cidon ki mikyinbe bá ko dzundzun." 19Adòn waa Cidon ndi yi Musa ra go pajukun baa ku ndi nde adòn waji kwabe ki vo ra kata. Ci numa ra apa dzun wari tson nwa dia don ki vo bu adòn waji baani. Ko kani kata ki fin tswen wakara ribi pantse pyen bu Cidon ri dan nua, 20Apa dzun wari kon adòn ndafan jinni acoa numa dzwadzwa ki jinni jiji Cidon ku mbyàku danra ku d apa wa sansan numa ki zoa ki cin adòn wa konkon baani. Ki cin waa butso bu adòn ciri ku tà yi apa adaa ba abu wa babaa. 21Ama tanma Cidon pofan nya­ co wa ban vyon ba apa jinni ra. Abu dzun wa kwan nyaco waji wakara ba aji bu adòn waa Cidon yi Musa ra baani. Adòn waa Ci­ don yi Musa ra ba pajukun baa da dòn bu Cidon be ndi zen aji ki cin'a avo ndi gbogbo numa ra. 22Cidon mbyà pajukun kan pajukun baa sansan numa ki zoa ki cin waa be yi wajinderi ki bye Yesu Kiristi ra, numa ra ku ndebe so abu dzundzun kata ki zoa. 23Ki cin waa pajukun kata tsa abu wa baba be kenbe wa du hwe waa Cidon ndi ma ku yibe raba. 24Ki bye wa sansan bu Cidon ku mbyà pajukun kan pajukun baa sansan ki zoa dzu di bu Yesu Kiristi apa wa nwàdzui. 25Yesu waa Cidon ceku jiji ku hu aki nde asaa we jinni yi Cidon ku hwa penre pajukun ki bye abu wa bababe, ku tsonye abu wa baba bu pajukun baa yi wajinderi don. Cidon tsa numa jiji ku tà yii danra ku ci apa wa sansan. Andi gbogbo Cidon ndi na gban mikyin fan abu wa baba bu pajukun na tswanbe yo. 26Ama tanma ku tà yi pajukun ki byeya numa danra ku ci apa wa sansan, kuri fan abu wa baba bu apa ri yi apa kú kan apa wa sansan numa ki zo bu Cidon ki cin waa apa waji yi wajinderi ki bye Kiristi ra. 27Ma ci numa ī ci ba abu dzun wa zama kiyo? Baani ko titi. Ki cin ke? Adòn wa konkon bu Musa waa ina kon ra yiiri kan pajukun baa sansan ki bye Ci­ don? M'm, abu wa tsa ī kan pajukun baa sansan ki pyen bu Cidon ra ki cin wajinderi waa ī yi ki bye Yesu Kiristi ra. 28Mna danra apa ri ci sansan numa ki pyen bu Cidon ki cin wajinderi waa ku yi ra, bà ki cin abu dzun waa ku tsaka ki bye adon wa konkon ba. 29Mna mbyeni aji danra ko Cidon ci abu Yahuda­ wa maari vinni, ku cia Cidon bu tsu pajukun badati hora ba? Ku ci Cidon bu ko kani kata. 30Ki cin waa Cidon ci dzundzun tori numa maari vinni. Kuri nwàdzu pajukun baa ci Yahudawa aji­ nderi byenbyen baa kyu abuku­ be ki bye wajinderi waa be yi ki fin mikyinbe ki bye Yesu Kiristi ra. Ku kari nwàdzu tsu pajukun baa kyube abukube ba ki cin wajinderibe. 31Ko ki cin wajinderi waa ī yi ki bye Yesu Kiristi ra ina mbyà adon ci abu wa dán numa nya hwan azota? Cidon ku be abu kiyo! Ina zen nde nde cin na jinni yi don.

will be added

X\