BAROMA 10

1Bazhenza, abu waa mna nyà, m kana pya ki pyen bu Cidon ciri Cidon ku nwàdzu bazhenzhen Isra'ila bandomi. 2M̀ mbyà yinu danra, be ci ba mikyin wa bà Cidon ajinderi byenbyen numa, ama be hwa yibe nyaco wa byenbyen ajinderi numa ba. 3Be hwa yibe nyaco waa Cidon ri yi apa ri kan apa wa sansan numa ki pyen'a raba. Be nghabe wa fan dibe yi Cidon jiji ku yibe kan pajukun baa sansan ki pyen'a, ama bena nga jiji be kan pajukun baa sansan ba dibe. 4Yesu Kiristi tsa bàn abu waa adòn ndi nga jiji ku tsa rara, jiji apa wama yi wajinderi ki byea ku kan apa wa sansan ki pyen bu Cidon. 5Aji ki ein waa apa ku kan apa wa sansan numa ki pyen bu Cidon ki cin dòn wa konkon waa Musa ta ki fin Afa danra, "Apa wama kon vinni don kata dzu don dzwa­ dzwa ki jinni, apa waji ri du cindi ki bye adòn waji." 6Ama nyaco wari hwa apa ri ci sansan numa ki pyen bu Cidon ra ci ki bye wajinderi wa yiyi ki bye Yesu Ki­ risti. Be tā ki fin Afa danra, "Niká na tsa mikyinni pyinna na danra, 'Ákani ri ne kari ya hwadon?'" (ku ya nde Yesu Kiristi bi dui ki jinni kire). 7Niká kà danra, "Ákani ri ya kaari ki kindo?" (jiji ku ya bado Yesu Kiristi ki bye aki pwa­ dzu bi). 8Ama Afa bu Cidon dan dan ke? Aji bu Cidon danra, "Aji bu Cidon ci na dzubye bani. Aji waji ci aji waa ina dan aji ki cin'a yini danra, ni yi wajinderi ki bye Yesu Kiristi ra. 9Ki cin waa apa wama dan ba nua ki fin mikyin'a numa danra Yesu ci Cidon, kuma kà yi wajinderi ba mikyin'a danra Cidon do Yesu don ki bye aki apa waji ri du wa nwàdzudzu. 10Ki cin waa apa wama yi wajinderi ba mikyin'a ki bye Cidon, apa waji ri kan apa wa sansan ki pyen bu Cidon. Kuma ka dan ba nua zan myi danra ku yi wajinderi Yesu Kiristi ci Cindoa apa waji ri nwà­ dzu." 11Afa bu Cidon danra, "Apa wama yi wajinderi ki bye Cidon tsenni ri pan'aku ba." 12Aji wakara ci abu ko kani kata, Ki cin waa ko apa wama ci Yahudawa, ko kuma ci tsu dzun ken, kata be ci abu dzundzun. Ki cin waa Cidon ci Cindo bu ko kani kata. Pajukun kata baa na bānde bu Cidon ra, Cidon yi ason'a na mbu dzwabe ki di suu numa. 13Ci tsadzu waa be tā ki fin Afa danra, "Ko kani kata wama bānde bu Cidon kuri dù wa nwàdzudzu." 14Pajukun ma yibé wajinderi ki bye Yesu Kiristi ba, tsanini beri vo Yesu Kiristi jiji ku tsa­ zabe yo? Pajukun ma fobé aji ki cin bu Yesu Kiristi ba, tsanini beri yi wajinderi ki bye Yesu Kiristi? Apa dzun ma dan'a aji bu Cidon yibe ba, beri tsanini fo aji ki cin bu Yesu Kiristi? 15Pajukun ma tsonbe apa dzun tson ba, apa ri tsanini ya dan aji bu Cidon yi pajukun? Ci tsadzu waa be tā ki fin Afa bu Cidon danra, "Ayo waa pajukun ma bi zen aji bu Cidon numa, aji waji vya wa fofo." 16Ama pajukun baa fo aji bu Cidon ra, bà katabe yi wajinderi ki bye aji waji ba. Ishaya apa wa da don bu Cidon danra, "Cindo, akani yi wajinderi ki bye ajii rari?" 17Pajukun ma kapyen fo aji bu Cidon hunnu be hun ri yi wajinderi. Ci ken apa ma zen aji ki cin bu Yesu hunnu pajukun ri hun du fo. 18Ama mna mbye danra, aji wajinderi byenbyen pajukun fobe aji waji ba? Be fonu, ki cin waa be tā ki fin Afa danra, "Aji waa zhentsōn bu Cidon dan ra, kapyo fye hou fin tswen kata ra. Tete ki bye waa fin tswen teyo kata pajukun fo vinni aji waji ra." 19M̀ kana mbye danra, aji wajinderi byenbyen numa danra bazhenzhen bu Isra'ila fo yibe cinna bu aji waji ba? Be fo yinu. Musa ndi kapyen zen aji ki fin Afa bu Cidon dan­ ra, "Cidon ri tsa tsu pajukun badati baa kenbe abu dzun ba, abu wa sansan jiji ani Yahudawa ní mbyà ní fifi. Mri tsa tsu pajukun baa jeje numa abu wa sansan jiji ní mbyà ní ngongo." 20Kati, Ishaya gban mikyin dan aji danra, "Pajukun baa na nyàmí bara, be fyomi ri, m fumi dimi tiri tà yi pajukun baa na mbyebe ajimi bara." 21Ama Cidon zen aji ki cin bazhenzhen Isra'ila danra, "Ko anyunuku wa ki don wani kata mna ndafan vomi na yi bazhenzhen baa gban cin, baa fobe tson ba, mna babe nde jiji be bi byemi."

will be added

X\