AZO MBU BU YOHANNA 9

1Ki nyaken wakara nwutsōn wa hwa tswanna ra nwe hyu bua. Se m wezo m mbyà atswí dzu wa ndi dzu don dzu sen jinni ra, be nde abu wa pofan nu nyakyon yiku ki voa. Abu wa pofan nu nyakyon waji ci abu wa pofan anu ashi wa dzon tea ki jinni bara. 2Waa ku pofan anu ashi waji numa, se m wezo mbyà apyu na ben vyon pwadzu ki fin shi waji kurududu numa ci tsà­ dzu apyu ji ndo. Avyinpyu wa pwadzu ki fin ashi waji ra be tsuken anyunu ki don yi bye nà tsuken jinni gyu numa. 3Apo-kwin pwadzu ki fin vyenpyu waji webi jinni. Be yibe gben wa tā apa ci tsadzu waa anē ri tā ra. 4Be nube don danra, béká ji tsa­ ba abyen, ba hin, ba koke wama nga pwadzu ki jinni ba. 5Ama be dan yibe danra, pajukun baa nyani ba sin bu Cidon ki zobe ra, bé tàbe fyin zan son tswanna, ama béká bwanbe ba. Afyin waji waa beri tà apa ra, tu mba dzun ba waa ane ri tā apa ra. 6Dede waji pajukun ri nyà aki wa bwan apa ba ame ki zo jiji be pwindzu ki vo bu afyin waji ama aki ri mbyàbe ri shebe sheshe. 7Apo-kwin baaji ci tsadzu avin baa be mbyābe di wa ya ken, be ho abu dzun be cinbe ci tsadzu àtābà waa be mbyā ba zinariya. Azén­ be ci tsadzu azén bu pajukun. 8Ajin wa ki cinbe gon zoro zoro numa ci tsadzu ajin bu bawuwa. Be nga nyibe ci tsadzu anyi bu zenku. 9Be we buken ashó wa nuken ki dibe. Ake savobe na tsunde tsadzu bena gbe kyekye wa nuken naya nuken. 10Ashen-be ci tsadzu àtswè bu anē. Be ci ba gben wa ten pajukun afo ba shenbe waji, beri tà pajukun fyin zan son tswanna. 11Akube ci nwutsōn wana tsa tsòn ki fin shi wa dzon tea ki jinni bara. Beri ba zèn'a ki nu Yahudawa danra abadan, beri baku ki nu Hele­ nawa danra apoliyan. (Cinna bu azèn waji danra, "Apa wa tsaba bye.") 12Afyin wa kapyen wa za­ di ra nwādzu ra, fan afyin baa zadi kwan dzun pyinna nabi ki tiri ki pyen. 13Ki nyaken wakara nwutsōn wahwa shizhen ra nwe hyu bua se m fo akyu na pwadzu ki bye cin pwe nyena bu kyèn­ kyèn waa be myi ba zinariya pantse pyen bu Cidon ra. 14Akyu waji dan yi nwutsōn wa hwa shi­ zhen wa nde ahyu mbe voa ra danra, "Fenfan zhentsōn baa kwan dzun nyena baa be ndi webe kan so bye anú waa beri baku danra, Yufretis ra jinni." 15Zhentsōn baaji baa be ndi ho­ be konso hun bazo ayo wakara, ba anyunu wakara ba ason wa­ kara wa ki fin ju wakara ra, be fenfanbe jinni ra, jiji be bwanji pajukun ndo dzun ki fin ndo tsara. 16Be dan yimi danra, pa­ jukun baa nuken ki cin vin be zan dubu didzun ndo dubu dzwe. 17Tswi vin baaji baa be tà yimi m mbyà ki zo mbu ra ci kara! Baa nā ne vin baaji ra be we buken ashó ki dibe nyo joro numa ci tsadzu pyu, badati ci huru huru numa ci tsadzu zarigi­ na, baadzun dibe ci turi-turi numa ci tsadzu abu wa nè mbupyu. Avin baaji acinbe ci tsadzu acin zenku, apyu na se ben vyon pwadzu ki nube ba abu wa nè mbupyu. 18Abu baa kwan dzun tsara baa tenfo baakara bwanji pajukun ndo dzundzun ki fin ndo tsara be bwanbe ba pyu, ba vyenpyu, ba abu wa nè mbu pyu wa kd nube ra. 19Agben bu avin baaji ci nube ba ashenbe. Ashenbe ci tsadzu anyo nga cin, beri ten pajukun afo ba ashenbe waji. 20Ama pajukun badati baa abu baa tenfo baaji bwan'abe bara, be nghabe waa be gadi ba aki wa wawa baa be hwabe ba avo dibe ra. Be foji jon baa baba wana wawa, ba aki baa be myibe ba zinariya, ba baa be myibe ba azurufa, ba baa be ngyo ba ashó wa nyonyo, ka ba abàn, ba ahin baa hwahwa. Abu baakara tsa yìbe wa mbyàka azo ba, be tsa yìbe wa foka aji ba, bekà tsa yìbe wa kyenkyon ba. 21Be ngha fan­ be pajukun wa bwanbwan jinni raba tiri, ba ahyen wa tsatsa, ba agya wa tsatsa, ba avyu wa vyi­ vyibe.

will be added

X\