AZO MBU BU YOHANNA 13

1Ki nyaken wakara se m wezo numa m mbyà bupon dzun cì sán pwadzu ki fin jape nabi myi. Bupon waji nga cin kwan dzun tsupyen, kukà nga ahyu kwan dzun dzwe. Àtābà adzundzun bena ki cin ahyu baa­ ji ken cin dibe kata. Bekà tā azèn wa nà Cidon kyin ki cinbe ken cin dibe kata. 2Bupon waji waa m mbyà ra dzu afyì kagben, abea dzu abe bu bupon dzun waa beri baku danra bear ra ka­ gben, a nua ci tsadzu anu bu zenku. Anyo wa kwakyi ra ten kùa ba adudu bu amàa ba gben'a kata nde yi bupon waji ki vo, 3Bupon waji acin'a dzun ci tsadzu be tenku fo wari bwan'aku ya kindo kiyo. Ama afo waji byen ji ban jinni rito numa ra. Kati pajukun baa ki bye waji nwobe ken jinni, bena bà bupon waji ki nyaken na kyen. 4Ko kani kata na wa anyo wa kwakyi waji na yiku hwe ki cin waa ku ten akùa yi bupon ra, Bekà wa bupon waji du, ana danra, "Apa wa gban ba bupon wakara mba dzun ci kani? Apa wa ken wa nu kaa ken baku ci kani?" 5Be yi bupon waji apyo waa ku caco ku zèn aji tsaba zèn bu Cidon, bekà zèn nde yiku nyaco waa ku du gben wa tsa numa fo ason dipa pyinna nwa pyinna. 6Bupon waji jo nwo wa zen aji tsaba Cidon ba zen'a ba bye waa ku ciyo ba pajukun baa ki don kata, 7Bekà zen nde yiku nyaco jiji ku nu pajukun baa bà Cidon ken, kú ji ken ki cinbe. Be yiku gbentsòn jiji ku tsa tsòn ki cin bu atsu pajukun kata ki cin­ cin ki bye wani kata ki fin tswen, baa ri zen nene ki cincin kata ki fin tswen ra. 8Pajukun baa ki fin tswen kata ri tu ben jinni ki pyen bu bupon ra ri waku. Apa baa ri wa beku bara se pajukun baa ndi tā zenbe avo ndi gbogbo ki fin afa bu Nwudòn ra avo waa be ndi màbe fin tswen raba. 9Apa wama fotson ku gon tson ku fo aji wakara! 10Apa waa bema so­ ku danra, ku ci apa wari kan nya, ci ken kuri kan nya. Apa waa bema soku danra, beri ge bwanku ba gisingiri ci ken beri ge bwanku ba gisingiri. Ci numa pajukun baa bà Cidon bé gban mikyin wa fyin be pansan wajinderi so don. 11Ki nyaken wakara se mka wezo numa m mbyà bupon dzun pwadzu dzu ki vivi ki jinni pantse don. Ku nga ahyu kwan dzun pyinna, ahyu baaji dzu ahyu bu Nwudòn, ama akyua dzu akyu bu anyo wa kwa­ kyi ra. 12Bupon wa hwa pyinna ra nwafan zoa na tsa tsòn'a waa bupon wa ndi kapyen ra ten nde yiku ra, duzo bu bupon wa ka­ pyen waji. Bupon wa hwa pyinna ra hwa yi pajukun baa ki fin tswen tu ben jinni wa bupon wa ndi tenfo afo waji kà byen ji ban jinni rito numa ra. 13Kukà tsa abu badati baa ken nwo. Ku yi pyu dzu don bi jinni duzo bu pajukun kata. 14Ki cin abu baa ken nwo baakara waa be zen nde yiku nyaco jiji ku tsa duzo bu bupon wa kapyen ra, ku puji pajukun baa ki fin tswen wakara kata. Ku dan yibe danra jiji be myi bakindo dzun jiji bu bupon waa be ndi tenku fo ba gisingiri ama ku ci tiri riju ba cindi ra. 15Be zen nde yi bupon wa hwa pyinna ra nyaco jiji ku ven ba­ kindo waa be myi jiji bu bupon wa kapyen ra awo jiji kú ho nwo, ku zen aji, Apa wama nghaa wa wa bakindo waji kú ge bwan'aku don. 16Kukà te pajukun kata danra, ci ken baci ba baco, ba apa wa du abu ki vo, ba apa wa nyani bu ki vo, ba nwutswen ba nwu nya, ci ken be kyi sin ki vo wunube ko ki mupyenbe. 17Ki cin waa apa wama kyia sin ba, beri zenbe nde yiku ku hwen ti ba. Asin waji ci azèn bu bupon wa ndi kapyen ra hun, abu wa hwènhwen ra ci cinna bu azèn'a waji hun. 18Abu wakara fye apa wa gayi aji ahunnu kuri hwayi ba cinna bu abu wa hwènhwen bu bupon ra. Ki cin waa abu wa hwènhwen waji ci cinna bu pa­ jukun. Abu wa hwènhwen bu bupon waji zan deri shizhen ba dipa tsara nwa shizhen.

will be added

X\