BAFILIBI 4

1Bazhenzami baa concon, baa mna pya jiji m mbyà zoni. Nī ciri pajukun baa yimi mikyin wa mbumbu ko nukon. Nī kà ciri pajukun baa mna caco ki cinni danra, nī ciri àtābàmi. Ani ba­ ndomi baa concon, ní pantse gbangban numa ki nyaco bu Cin­ doi. 2Mna vo Afodiya, ba Sintiki danra, be gbagba be zen nde be ci abu dzundzun ba dibe ki bye Cindoi. 3Au wa ci ajo butsomi ra, u tsaza bawuwa baakara yo, ki cin waa be ndi bami kofyin tsa butso ki dzun nde aji bu Cidon na dan yi pajukun, ci tsadzu waa Klement ba pajukun bandomi badati ndi bai na tsa butso waji ra. Cidon ho zènbe ta ki fin afa waa beri ta azèn bu pajukun baa ci ba cindi kiyo rara. 4Ní mbu mikyin ki cin waa nī ci bu Cindoi ko nukon. Mkà mbyā na dan yini kwan yo danra, ní mbu mikyin. 5Ní tsa abuni kata ki bye nyaco waa pajukun be mbyà yinu dan­ ra, ni ci pajukun baa gban mikyin. Cindoi naben wa bibi ra. 6Níká tu mikyin ki cin abu dzun ba, Ama ki bye ndedzwani waa nima dzwa kata ni dan yi Cidon abu waa nina nya. Ní pyaku, ní voku, ní mbu mikyin yiku. 7Ci-don ri yini mikyin wa na jinni wa kagben waa pajukun be hwayi cinnaa. Kuri kon mikyinni, ba aji wa gagani ki cin bu Yesu Kiristi. 8Bazhenza, ajimi wa ken niken ci kara, ko kake wama ci wajinderi byenbyen numa, ko kake wama ken waa apa ku yiku hwe, ko kake wama ci wa san­ san, ko kake wama ci wa nyenye numa, ko kake wama ci wa zun­ zun, ko kake waa pajukun ma dan aji ki cin'a sansan numa, abu baaji ma ci abu baa tsa cin, bema ci abu baa apa ri nya asonbe, ní ho mikyinni so bye abu baaji. 9Abu baakara baa m ndi fyen ta yini, m ndi nde kwani ki voni nī ndi fo ki numi, ba waa nikà mbyà ki bye abu baa mna tsa ra, ní tsa abu baaji baakara numa, Cidon wari yi apa mikyin wa na jinni ra, ku bani ci bye dzun­ dzun. 10Mna mbu mikyin ki pyen bu Cindoi suu numa ki cin waa nī jo nwo wana somi hwan ki di tanma kwan yo foji wana yaya ki pyen. Ko avo ndi gbogbo ma nina kyepan bami, ama nī ndi du kani nyaco wa tsa numa ba. 11Mna danmi aji wakara ki cin waa m nyani ba abu ki vo ba. Ama ki cin waa m fyen nyaco wa gban mikyin ho mikyinmi we jin­ ni ki fin ayo waa mma ci fin'a kata. 12M yi abu waa mri tsa nu ki bye ayo waa abu ma nya tutu. Mkà yi abu waa mri tsa nu ki bye ayo waa abu ma gbànna tswen. Abu baa yuyu baakara kata m yibe nu ko nukon ki bye ko kake kata. M fyen bà byecu wa ki fin zu ra, mkà fyen bà byecu wa ki fin mbo ra, ko m du abu ki vomi, ko m dumi abu ki vomi ba. 13Mri tsayi wa tsa koke kata ki di bu gben waa Yesu Kiristi na yimi ra. 14Ama waa nī tsazami yo ki fin fyin waa m̀ ci fin'a ra, nī tsa numa mba tiri. 15Ani Bafilibi ba dini, ni yinu danra, ayo waa m ndi kapyen do ki Makidoniya nde aji bu Cidon na dan yi pa­ jukun ra, m za fomi avo numa ba abi bu pajukun baa bà Cidon dzun numa fo raba, se ani maari vinni tsazami ri yo. 16Ayo waa m ndi ci tiri ki Tasalonika ra, nī ndi na tson atswén baa tsazami yo na yimi te dzun te dzun numa. 17Mna nyàmi avyon wa vyon­ vyon ki byeni ba, ama mna pya Cidon ku kwanni wa sansan'a kiyo ki cin abu waa nī tsa ra. 18Nī yimi abu wa fye waa ní yimi ra, nikà kwan abu kiyo ki cin'a suu numa kagben waa mna ga ra. Abu baa ni ho tsōn Apafradi-tus bi yimi ra, kenmi ra. Abu baaji ci tsadzu abu wa nufyin sansan numa, bekà ci tsadzu abu waa apa ri tsòn wa Cidon kiyo ri vyaku ra. 19Cidonmi wa sen abu suu numa ra, abu baa nima nya kata ku yini ki di bu Kiristi wa ci ba hwe. 20Ahwè ku ci abu Atai Cidon keke numa yaya ko nukon. Ku ci numa. 21Ní nà pajukun baa bà Yesu Kiristi kata kiyo. Bandoi baa na kire ra na nani jen kiyo. 22Pa-jukun baa bà Cidon kire kata na nani jen kiyo, tuntun pajukun baa ki ndo Kaisar ba. 23Cindoi Yesu Kiristi ku sanni sansan ka­ ta ken cin dini.

will be added

X\