BAFILIBI 3

1Bazhenza, aji wa ken niken ciri ní mbu mikyin ki cin waa ni ci bu Cindoi. Cia abu wa tutu ki byemi jiji m mbyā tā aji baa ci kara yini ba. Aji baaji ci jiji wa rito bu dini. 2Ní wà dini sansan ba abá hora. Abe pajukun baa baba. Abe baa na bàvo ki bye aji bu abuku wa kyukyu ra. 3Ai ciri pajukun baa kyu abukui wajinderi byenbyen numa ci ka­ ra. Ina wa Cidon ki bye Denden bu Cidon. Ina caco ki di bu Yesu Kiristi. Ī fan'i voi ba abei zan ki di bu abu dzun wa tsatsa ki di ba. 4Ko waa m tsayi wa caco ki cin bu abu wa ki di. Apa wa mana so dia danra, ku ci ba abu dzun waa ku nde dia zan kiyo ki myi kire, ami ka ko kani ri kata. 5Be kyumi abukumi yo ki fin anyunu wa kwan tsuntsa. M ci tsu bu zhenzhen bu Isra'ila, m ci bando Banyami. M ci nwu Ibra­ niyawa waa abe Ibraniyawa mba. Ki bye aji bu adòn bu Yahudawa m ci Farisawa. 6Aji ki cin mikyin wa nyònyó, m ndi ci apa wari tà pajukun baa bà Cidon fyin. M̀ ngyami ngyo abu dzun ko titi numa ki bye adòn bu Yahudawa ba. Apa dzun ri mbyàa bomi ki bye abu dzun ba. 7Abu baakara baa m ndi sobe danra, be ci abu baa dzu cin ki byemi, ama tanma numa mna mbyàbe ci abu wa nya hwan numa azota ki byemi ki cin aji bu Yesu Kiristi. 8Aji wajinderi byenbyen numa, abu baa m ci babe hora kata, m mbyàbe ci abu wa nya hwan azo­ ta numa ki zomi. Ki cin bu Yesu Kiristi m zen nde fan abu kata be jinni. M mbyà koke kata ci tsadzu amyi numa ki zomi, ki cin waa jiji m du Yesu Kiristi, 9jiji m ci baku. Wakara cia abu wa san­ san dzun bumi waa m tsa ba dimi ki bye adòn bu Yahudawa ba, ama ki bye wajinderi waa m yi ki bye Yesu Kiristi Cidon hwa yimi kan apa wa sansan ki di bu wajinderi waa m yi ki bye Yesu Kiristi ra. 10Abu waa mna nya kata ciri jiji m yì Yesu Kiristi ba gben'a waa ku do don pwadzu ki shimbi ra. M kana con jiji m wa fyin baku ki bye fyin'a jiji m ci tsadzu ku numa ki bye aki. 11Ki cin waa ko ma tsanini ba, m do don pwadzu ki shimbi du. 12M̀ danmi danra, m̀ du abu baaji raba. M̀ kà danmi danra, m cí apa wa sansan numa ndafan jinni dzwadzwa ki myi ba. Ama mna nga dimi foji wana pi kpa­ sun na yaya ki pyen jiji m pansan abu baaji ki vomi ci tsadzu waa Yesu Kiristi pansanmi ki voa ra. 13Bazhenza, m somi dimi danra, m ken wa du abu baaji raba tiri. Abu dzundzun waa mna tsa ciri, m̀ muji ba abu baa tsa nwādzu ya hwan ki nyaken kata ra. Mna so zénmi ndafan jinni na yaya ki bye abu baa na pyen. 14Mna so hwan kiyo pi foji wana yaya ki pyen, jiji m ya zan ki nu nyakyon ḿ ya ji jiji ḿ ya pan avokwin waa Cidon bami nde danra, m bi pan ki di bu Yesu Kiristi m ya baku ci don ra. 15Ai baa hwe byen kan pajukun ki bye aji bu Yesu Kiri­ sti rara, san kari í nga tswi mikyin baakara numa. Apa dzun ma ga aji bua dzu ken, Cidon ri hwa aji waji ri ci yafan jinni numa ki zoni. 16Abu wa tutu kari kata ciri, í bà abu waa ī ndi pan dzu jinni numa bi, nde numa keke yaya ki pyen. 17Bazhenzami, ní ten bei na tsa abu ci tsadzu waa ina tsa ra. 18M ndi dan yini abu baakara suu numa gbogbo numa ya hwan ra. Mkà mbyā na dan yini ba janme ki zomi tanma numa na kwan yo. Abu waji ciri pajukun badati suu numa ki finni bena tsa abu ci tsa­ dzu be ci ajo ze bu Yesu Kiristi waa be panku nde kan ki cin hin wa shon gege ra. 19Anyunu wa ken niken pajukun baaji beri ya kaka ki pyu ki kindo. Cidon bube ci afinbe. Bena cu cucu ki cin abu wa pan tsenni numa. Aji wa gaga bube kata kwan dzun ken cin bu abu wa ki fin tswen kire maari vinni, 20Ama bui ī ci zhenzhen baa ki ndo wa ki don. ī ho mikyin'i soso ki nyaco numa na ge cin anyunu wa hun waa Cindoi Yesu Kiristi apa wa nwàdzui ri pwadzu dzu don bi dui ra. 21Ku ci ba gben wa vyin pukan koke kata ci tsadzu waa ku con. Ki bye gben waji kuri vyin pukan dii wa baba wakara ri ci tsadzu adi bua wa d ba hwe ra.

will be added

X\