MATIYU 7

1"Niká nde bo yi dini ba, ki cin waa jiji Cidon kuká nde abo yini ba. 2Ci numa ba akwen waa nima ge apa dzun, ci tswi kwen waji waa Cidon ri ge yini. Ambò wa mba bu waa nima mba bu kiyo yi apa, ci ambò waji waa Cidon ribi nde mba bu kiyo yini. 3Ki cin ke una mbyà akyí wa titi wa ki zo bu nwuzau, ama ù gau aji ki cin kacukwe wa kwakyi numa wa pa ci zou raba? 4Uri bi tsanini dan yi nwuzau danra, 'Cikpo m fereu akyí ki zou?' Ama au du kacukwe wa kwakyi numa pa ci tiri ki zou? 5Au apa wa ci tsadzu apa wa ta abàn nde yu, ú kapyen gbe nwa kacukwe wa ki zou ra hunnu jiji ú hun mbyà bye sansan wa fere akyí wa ki zo bu nwuzau ra! 6"Niká nde buju wa nyenye yi abá ji ba, ki ēin waa abá ri pukan kasen bi dzwanni nyi. Niká ho bigyani nya pyen bu adzù ba, sheji waa beká bi te tsababe ba. 7"Ní foji wa vovo, Cidon ri yini. Ní foji wa nyanya niri du. Ní foji vo wa kwakwa ki nya­ kyon, Cidon ri pofanni yo. 8Ki cin waa ko apa wani kata wama ri vo, Cidon ri yiku. Apa wama ri nyà kuri du, Apa wama kwa vo ki nyakyon Cidon ri pofanku yo. 9Ci numa ra akani ki finni waanwua ma voku agan bu bo­ rodi, kuri nde abàn yiku? 10Ko ku voku aje, ku nde anyo yiku? 11Ci numa ra ani baa ci pajukun baa tsa abu wa baba ni yi nyaco waa niri vyòn bazhenzhenni abu wa sansan fyin mbye Atani wa ki don wari ho abu baa sansan yi apa wama voku? 12Ci numa ra abu waa niri con pajukun be tsa yini ra, ani ma ní tsa yibe numa du, ki cin waa aji wa ci kara ci cinna bu dòn, ba abu wa fyen­ fyen bu abe baa da dòn bu Ci­ don. 13"Ní kà dzu bye nyaco wa pipi, ki cin waa nyaco wa ya gbada ra ci nyaco wa ya ki ndo pyu. Nyaco waji tua wa kyen­ kyon dzu kiyo ba. Pajukun baa ri kà dzu nyaco waji suu numa. 14Ki cin waa nyaco wa ya ki bye cindi ra pipi, kà ci ba fyin. Pajukun baa ri kà dzu kiyo fyifyi numa vinni. 15"Ní wa dini sansan ba pajukun baa ri da dòn bu akan. Be ngá zén bu àdòn, ama mikyinbe ci bu vyinvyindzwan baa ri hyin nyi. 16Niri bi mbyà yibe ki bye butsobe. Beri pya nwa hin bu mangoro ki bye hin tswí? Ko beri bi pya nwa bu hin tin ki bye bwa? 17Ci numa ko hin wa sansan wani ri nwa nwa hin wa sansan. 18Ahin wa sansan nyaco baani waa ku nwa hin wa baba. Ci numa ba hin wa baba, nyaco baani waa ku nwa hin wa sansan. 19Ko hin wani kata wama nwaa nwa wa sansan ba, beri ge kenku taya ki pyu. 20Ci numa niri bi mbyà ki bye butsobe. 21"Bà ko kani kata wana bámi danra, 'Cindo, Cindo,' ri ya kà ki ndo tsòn bu Cidon ba, se apa wama tsa abu waa Atami wa ki don ri con. 22Anyunu waji pajukun suu numa ribi danra, 'Cindo, bà ai ndi na da dòn ba azen u ba? Ikà kan ho jon pwa­ dzu ba zen u ba? Ikà tsa abu baa kyahozo ba zen u ba?' 23Yesu danra, 'Ci numa ra, mri dan yibe danra m yì fomni fo raba. Ní gadi bami, ani baa tsa butso wa baba!' 24"Ci numa ra ko kani wama fo ajimi ma pan na tsa butso kiyo, kuri ci tsadzu apa wa byen­ zo wa nde tan'a ya myi cin bàn. 25Waa acu ta anú mu gbanyo, awo sa jape ra da nwo tan waji ama atan waji koa kwi ki jinni ba. Ki cin waa be dzwa nwo tan waji ki cin bàn. 26Ko apa wani wama fo ajimi ma yia wajinderi ba, ku ci tsadzu apa wa jeje wa myi tan'a ki cin von. 27Waa acu ta anú mu gbanyo, awo do sa jape gban nwo tan ra kye ki nwo tan waji atan waji kokwi, akwi bu atan waji ko ba gben!" 28Waa Yesu zen vinni aji waji kata ra, nwo bu pajukun ken jinni kata ki cin abu wa fyenfyen bua. 29Ki cin waa kuna fyenbe abu ba hwe bu dia, cia tsadzu abu abe manu baa ri fyen pajukun aji bu Cidon raba,

will be added

X\