MATIYU 17

1Ki nyaken bu anyunu shi­ zhen Yesu nde Bitrus ba Yakubu, ba Yohanna nwuzaa, abe zo dibe maari vinni, Yesu hobe nyaco be baku neya ki cin kwen wa gongon numa ki don. 2Waa be mbyà azén bu Yesu vyin pukan jinni ki cin na zun nyanya numa tsadzu anyunu, atukpaa ci mbu purututu numa. 3Se abe baa kwan dzun tsara baa bà Yesu ra, be mbyà Musa ba Iliya na zen aji ba Yesu. 4Bitrus dan yi Yesu danra, "Cindo, San waa ī ci kire ra, uma zen nde mri da apu kwan dzun atsara, wadzun ku ci buu, wadzun ku ci bu Musa, wadzun ku ci bu Hiya." 5Waa kuna zen aji waji tiri ki vo numa anandi wa yafan bye van numa bi be tsukenbe kata, be fo akyú dzu ki fin anandi ra na danra, "Wakara ci Nwumi waa mna conku ba mikyinmi kata, mikyinmi fo vya baku ken ra, ní gon tson ní foku." 6Abe baa bàku fo akyú wakara numa azin panbe ken ra, be dzu be jinni. 7Se Yesu bi ki byebe, ku tebe vo ki di, ku dan yibe danra, "Ní do don, niká zin azin ba!" 8Waa be gbe zobe ki don numa, se be mbyà Yesu dzun­ dzun'a maari vinni, be mbyàbe apa dzun kwan yo riba. 9Dede waa be gantu nabi ra Yesu nube don danra, "Ní pan anuni, niká dan yi apa dzun abu baa ni mbyà ki cin kwen raba, se ki nyaken waa Nwu bu pajukun ma do ki shimbi ra hunnu ni dan yi pajukun." 10Se abe baa bàku ra mbyeku danra, "Ake tsari baco baa ri fyen pajukun dòn ra danra, 'Iliya ri kapyen bi a hun­ nu?'" 11Yesu dan yibe danra, "Ci ken Iliya ku kapyen bi mbyāsan koke kata so sansan. 12Ama mna dan yini Iliya kapyen bi gbogbo numa ra, pajukun yibe waa ciku ba, be tsaku tswi abu wa vya hwanbe. Ci numa aku Nwu pajukun kuri wa fyin ki vo bu pajukun hora numa." 13Se tanma abe baa bàku hwayi dan­ ra kuna zen aji ki cin bu Yohan­ na wa tsa batisma. 14Ayo waa Yesu ba baa bàku kasen bi ki bye waa pajukun kwan kiyo ra, apa dzun bi tu ben jinni ki pyen bu Yesu a danra, 15"Cin-domi, ú mbyà nwumi wa wunu ra ba azo wa cici. Ku ci ba ado wa ko huhu, kuna wa fyin numa cia wa dandan ba, anyunu dzun ado waji ri gbeku ta pyu, anyunu dzun kuri gbeku ta jape du. 16M ndeku bi yi abe baa bàu hora ama be nwàdzu kabe ku ba." 17Yesu dan­ ra, "Ani pajukun baa tanma ni banini ba wajinderi, nina tsa abuni kata nu kwankwan ki cincin! Mri bani ci dzun numa keke yaya se anyunu wani? Mri gban mikyin bani keke se nukon? Ní nde nwu waji bi yimi!" 18Yesu nya ajon wa baba ra nde ba gben numa, ajon wa baba waji pwadzu ki cin bu nwu waji ki bye ayo waji bwa numa nwu waji nwàdzu ki bye ado waji. 19Abe baa bà Yesu bi du Yesu ki kankan a mbyeku danra, "Ake tsari i kan kai ajon wa baba raba?" 20Yesu dan yibe danra, "Abu wa tsa ni tsakani bara ki cin waa wajinderini ken'a ba. Mna dan yini ajinderi nima ci ba wajinderi titi numa tsadzu angyi dò numa ni tsayi wa dan yi akwen wakara danra, 'Do don kire ú ya ci bahun.' Kuri bi tsayi wa dò ya ci bahun. Abu dzun wari gban kagbenni baani! [ 21Ama se ki bye anu wa sensen ba andedzwa hun­ nu niri kan dzu tswi jon baa baba baakara.]" 22Ayo waa baa bàku kwan ki bye dzundzun ki Galili, Yesu dan yibe danra, "Beri nde Nwu pajukun ya dzo pajukun ki vo. 23Beri bwanku. Ama ma ya zan anyunu wa hwa tsara Cidon ri ba doku don ki bye aki." Se abe baa bàku hora tsaba mikyin suu numa. 24Ayo waa Yesu ba baa bàku hora bi zan ki Kafarnahum numa se abe baa ri pan buwe bu atan wa wa Cidon mbye Bitrus danra, "Buu Cindou ri waa we wakara ba?" 25Bitrus danra, "Kuri waa ba nini?" Waa Bitrus kaya ki tan waa Yesu ci kiyo ra, Yesu kapyen mbyeku danra, "Akù baa ki fin tswen beri kā tswen, be kari pan buwe ki tswenbe, Siman buu ù mbyà nini, abani ri wa we ri yibe, beri ká bani tswen? A bazhenzhenku re, ko bazhen shon?" 26Bitrus dan yiku danra, "Bazhen shon ri hwari." Yesu dan yiku danra, "Ci numa zhenkù ri hwabe ba. 27Ama ai iri con'i wa tsababe mikyin ba, ci numa ra u ya ki bye teku u ya we ashó, aje wa ka­ pyen waa uri pan ra, u pofan nua, uri du abè kiyo wa ken wa wawe buu bami kiyo. Ú nde hwā yibe."

will be added

X\