1 Yesu do don ki bye waji kasen ya ki tswen'a. Abe baa bàku hora baku foji kyon. 2 Anyunu wa ngha nwo waji ku jo nwo wana fyenbe bu ki tan waa beri fyen aji bu Cidon kiyo. Pajukun suu numa baa foku ra ci abu wa ken nwo ki byebe, be danra, "Apa wakara dù ayì wa ci kara ki bye wani? Wa kara ci akake waa kuna fyen? kuna tsa abu baa ci ba hwe wa kyahozo." 3 Be mbye danra, "Wa kara cia apa wari hwa hin raba? Anwu bu Mariyamu ba nwuza bu Yakubu ba Yahuda ba Siman?" Bekà danra, "Ku cia apa waa bazhenzaa bawuwa bai ci dzun kire raba?" Be hyu akyu baku. 4 Yesu danra, "Apa wama ci apa wari da don bu Cidon, ku ci ba hwe ko kini kata ma nwadzu ba ndoa, ba batsua ba fin ndoa." 5 Yesu tsakaa abu wa kyahozo dzun ki bye waji ba, ama ku nde voa sen pajukun baa dā ado badati titi numa vinni, be du wa rito. 6 Ci abu wa ken Yesu nwo, ki cin waa be yibe wajinderi ki byea ba. 7 Ku kyen na kyen ki bye atswen baa titi badati, kuna fyenbe bu. Ku ba abe dzwe nwa pyinna hora nde, ku jo nwo wana dan yibe bé pwadzu ya myi apyinna pyinna. Ku yibe byon wa gbangban numa wa kān dzu ajon baa baba. 8 Ku nube don danra beká dada nde abu dzun ya baku ba, se agà wa kyenkyon maari vinni. Ku dan beká ya ba ko buju, ko abà ko abè ki fin ndube ba. 9 Bé dzo tabe, bé we buken dzundzun maari vinni. 10 Yesu dan yibe danra, "A tswen waa nima ya yo, ando waa nima kà yo ni ci gban ndo waji kenken se anyunu waa nima ri do fan tswen waji ra hunnu. 11 Abye wama nghani, ma gon'a tson foni ba, dede waa nima ri do don ki bye waji ra, ní pà voni ba abeni we bye waji jiji be yinu danra beri bi pan vo kwinbe." 12 Ci numa ra, abe dzwe nwa pyinna hora pwadzu yana dan aji bu Cidon jiji pajukun be vyin pukan mikyinbe jinni be fan abu wa bababe jinni. 13 Be kān ajon baa baba suu numa pwadzu ki cin bu pajukun beka pà pajukun baa dā ado suu numa abyu, be da nwà dzube. 14 Akù Hiridus fo aji ki cin abu waji ki cin waa azen bu Yesu kota fye ho bye wani kata. Badati danra ci Yohanna wa tsa batisma dori pwadzu ki shimbi, ci abu wa tsa ku ci ba gben wa gbangban numa ki byea numa ra, 15 Badati danra ci Iliya, badati ka danra ci apa wari da don bu Cidon tsadzu abe baa ri da don bu Cidon wa ndi gbogbo ra. 16 Dede waa Hiridus fo numa ra ku danra, "Á Yohanna waa m ndi ge ken cin'a ra do ri ki fin mbi." 17 Hiridus kapyen pan Yo hanna nde tsu ki tan. Ki bye Hiridus ku tsa abu wa ci kara numa ki cin waa kú san hwan bu Hirudiya awa bu nwuzaa Filibus. Abu wa tsa numa ra ki cin waa Hiridus fyere Hirudiya awa bu nwuzaa Filibus ban. 18 Yohanna dan yi Hiridus danra kū gbekyan adon bu Cidon ki cin waa ku nde awa bu nwuzaa ban ra. 19 Hi-rudiya ci ba mikyin wa pepe ba Yohanna. Ci numa ra kuna con ku bwan Yohanna, ama ku dukaa nyaco wa bwanku ba 20 ki cin waa Hiridus nde Yohanna so danra ku ci apa wa ci ba hwe, kuka yinu danra Yohanna ci apa wa sansan wa ci ba mikyin wa nyenye. Ki cin wakara ku kān den pajukun wa tsa Yohanna bu wa baba. Dede waa Hiridus fo Yohanna na zen aji numa adia vonvon, cinna bu aji bu Yohan na ci abu wa kenku nwo, ama ki byea ku gon tson ba mikyin wa mbumbu. 21 Nyunu dzun Hirudiya du nya co dede waa Hiridus kwan cin bu baco baa fo kwen bandoa, ba baco baa ki fin banuken ba baco baa sen tswen bu Galili, ki cin waa bé kyepan ba anyunu wa mbambaa. 22 Dede waa anwu bu Hirudiya wa wuwa kabi ki bye cinkwan, ku gbe jo, ajo ra san Hiridus ba baco bandoa. Hiridus dan yi anwu wa wuwa waji danra, "U vomi abu waa uma con kata mri tsaka wa yiu abu waji." 23 Kukà dan aki dan ra koke waa "Uma vo, mri yiu, ko uma con m gafan ajenmi ki mba gaga m nde go dzun yiu." 24 A nwu wa wuwa waji pwadzu ya mbye ayoa danra akake san kari ku vo re. Ayoa danra, ku vo cin bu Yo hanna wa tsa batisma. 25 Mwamwa numa ku ya ki pyen bu akù ku dan yi akù danra, "Tanma, tanma mna con u yimi cin bu Yohanna ki bye atukpe" 26 Aku pe mikyin titiri ba, ama ki cin waa ku kapyen dan aki, kukà mbyà bandoa kwanna tiri ki jinni ra ku con'a wa tsaba nuge waa ku ge ba nwu wa wuwa raba. 27 Mwamwa numa ku tson kahwa dzun kú ya nde cin bu Yohanna bi. Ku ya, ku ya geken cin bu Yohanna ki fin tan waa beri pan pajukun we yo ra. 28 Ku nde cin bu Yohanna ki bye atukpe, nde yi nwu wa wuwa waji, nwu wa wuwa waji nde yi ayoa. 29 Dede waa baa bà Yohanna fo numa ra be ya nde gangan dia ya ji ki shimbi. 30 Abe baa Yesu tsonbe tson hora kasen bi ki bye Yesu. Be dan yiku abu waa be tsa, ba abu waa be fyen pajukun kata. 31 Yesu dan yibe danra "Ai zo dii í ya ki bye waa pajukun babeni ki bye waji jiji í ya ngha nwo titi numa." Ki cin waa pajukun suu numa baa na bibi ba baa na yaya, ci numa ra be dukabe nyaco waa be ji buju ba. 32 Be kà ki fin akò ya ki bye waa pajukun babeni kiyo. 33 Waa bena ya ra pajukun suu numa mbyàbe nu, be yìbe nù be ho sho kapyenbe ri ya zan ki bye waji yi Yesu ba baa ku tsonbe tson hora. 34 Dede waa Yesu bi bà jinni ba akò numa ra, ku mbyà pajukun suu numa, ci numa ra ku hwi cicibe, ki cin waa be ci tsadzu adòn baa babe cin do ba. Ku jo nwo wana fyenbe abu suu numa. 35 Dede waa anyunu ko, abe baa bà Yesu be bi na dan yiku danra, "Abye wa ci kara ci abye waa ando baani kiyo, anyunu ko ra, 36 ci numa ra, ú dan yi pajukun be gafan jinni, be ya ki fin tswen ba atswen baa titi baa na dzubye ba abye waji jiji be ya nya buju waa be ji." 37 Ku zenbe nde, ku dan yibe danra, "Ani ni ya nya buju yibe." Be zen Yesu nde danra "Una con i ya hwen borodi bu nu naira dipa pyinna yibe?" 38 Yesu mbyebe danra, "Ni ci ba agan bu borodi panna? Ni ya mbyà." Be danra, gan bu borodi kwan dzun tswanna ba aje pyinna. 39 Yesu dan yibe danra be ci gafan dibe ndo ndo, be ci jinni ki cin byen wa tashuma. 40 Ci numa be ci gafan dibe, badati zan dipa pyinna kyadzwe, badati zan dipa tswanna. 41 Yesu ho agan bu borodi tswanna ba aje pyinna hora, ku nde zoa ta don, ku she Ata Cidon. Ku bu gafan borodi hora, ku nde yi pajukun baa na bàku jiji be ho gafan yi pajukun baa na jinni hora. Kukà gafan aje pyinna hora jiji ko kani kata ku du, 42 Katabe kata, be ji, be zezu kenbe kenken. 43 Abe baa bà Yesu do don ho tikshe, be nwo afyà buju waa pajukun hora ji dati ra, mu bye tikshe adzwe nwa pyinna. 44 Ki fin pajukun baa ji buju waji bawu nube zan dubu tswanna. 45 Mwamwa numa Yesu dan yi abe baa bàku danra be kapyen ka akò ya ki nu gobi wa ki zhen ki bahun, be ya ki Baitaseda kapyen waa ku do pajukun be gafan jinni ya ndobe. 46 Ki nyaken waa Yesu do gafanbe jinni ra ku do don neya ki cin kwen yana vo Cidon ki byeri. 47 Dede waa abye be zo numa akò ki fin teku, Yesu ci gondon a dzundzun'a. 48 Ku mbyà be waa bena wa fyin ba akò wa kyankyan ki cin waa awo na yibe fyin kagben. 49 Te cin byekya numa ku ya ki byebe, kuna kyenkyon ki cin jape. Kuna con ku kyen nwadzube, ama ayo waa be mbyàku na kyenkyon ki cin jape ra be da ndekuto danra ci jon. 50 Katabe be mbyàku azin wa kwa kyi numa panbe. Ama mwamwa numa Yesu dan yibe danra, "Ní gban mikyin, nika zinni azin ba, eimi Yesu." 51 Ku ka ki fin akò babe, awo ge jinni. 52 Abu wa ci kara kyahobe zo kata, ki cin waa be yibe cinna bu abu waa Yesu tsa ba borodi waa ku kyan gafan yi pajukun raba, mikyinbe pyi ken jinni. 53 Dede waa be kyan ya bà jinni ki Janisarati ra be gbe kobe ya sen cin von. 54 Ayo waa be pwadzu ki fin akò ra, gbogbo numa pajukun mbyà Yesu ra. 55 Be ho sho kaya ki bye wani kata ki fin jenbe, be jo nwo wana ho baa dā do ki bye byenabe bi ki bye waa bema fo danra Yesu ci bye waji. 56 Abye waa Yesu ma bi yo kata, ko ki da, ko ki finka, ko ki fin jen wani kata, pajukun na tswan baa dā do bi we ki nu pyin, bena za nde yi Yesu jiji baa dā do hora be nde vobe go ki bye fya tukpaa. Katabe baa go vo kiyo ra, be du wa rito.
