YAHUDA 1

1Ami Yahuda watson bu Yesu Kiristi, m ci nwuza bu Yakubu, mna ta afa wakara ri na yini ani pajukun baa concon bu Ata Ci­ don, ani baa Cidon bani nde, honi kyoo numa yi Yesu Kiristi na soni hwan ki di, ku kana kon­ ni ra. 2Cidon ku hwi cicini, ku yini mikyin wa na jinni, ku conni kwan yo foji wa yaya ki pyen. 3Bandomi, andi m ndi na ma wa ta afa yini ki cin waa jiji m dan yini aji ki cin nyaco waa Cidon nwàdzui kiyo kata ra. Ki nyaken wakara, m bi mbyà danra, san kari m ta afa yini, m nuni dòn danra, ní so hwan ki bye aji bu Cidon waa nī pantse cin'a yi wajinderi kiyo ra gbangban. Aji waji ku nde kwa pajukun'a yo dzwa dzundzun tori numa vinni ki vo, kuri kwan'a abu dzun kiyo riba. 4Abu wa hwa m dan numa ra, ki cin waa pa­ jukun badati baa yìbe Cidon bara, yu kabi ki finni. Bena nga jiji be vyin pukan aji ki cin aji waa Cidon hwi cicii ra jinni, ki dn waa jiji bé du abye wa nde vo pan yo tsa abu wa baba wani kata wa vya hwan­ be. Be nghabe Yesu Cindoi wa dzundzun tori wana tsa atson ki cin'i ra ra. Avo ndi gbogbo dzu jinni bi, be ndi ta aji ki fin Afa bu Cidon ki cin nyaco waa Cidon ri naten tswi pajukun baaji baakara. 5Mna con jiji m kyepanni abu dzun yo, abu waji ani ba dini kapyen yiku nu. Andi gbogbo waa Cidon nwàdzu pajukun bua pwadzu ki finka Masar ra ki nya­ ken ku bwan ji pajukun badati ki finbe baa zenbe nde yi wajinderi ki bye ajia bara. 6Ka ci numa ba abe zhentsōn bu Cidon baa tsa abu nwādzu ba abyecu waa Cidon ndebe so yo, be fan andobe wajinderi jinni, Cidon hobe saso jinni ki bye wa na tsuken jinni. Beri ci ken bye waji numa keke ya zan anyunu wa ciho waa Cidon ri fo pajukun kwen ki fin tswen kata ra. 7Ní hwa mbu mbye abu wa ndi tsa finka Sodom, ba Gomora, ba finka badati baa na dzubye ba abye waji ra. Pajukun baa ki fin­ ka waji, be ndi na tsa aso, be ndi na tsa tswi abu wa baba wani kata wa fyea waa pajukun be tsa ba. Bena wa fyin ki fin apyu wari den'a jinni ba ko nukon. 8Tswi pajukun baa yu kabi ki finni hora bena tsa tswi abu baa baba baaji numa du. Bena nda ndo, bena tsaba adibe. Be nghabe wa yi Cidon ku tsa tson ki cinbe. Be kana tso zhentsōn bu Cidon baa ci ba hwe ki don ra ce. 9Ko Makailu wa ci cin bu zhentsōn bu Cidon ra ma, ku ndi tsoa Shetan ce ki bye ayo waa ku ba Shetan na ye yepye, bena sunsun ki cin akwan bu Musa raba. Ku zen'a aji dzun wa baba ki nua yi Shetan ba. Ku dan yiku danra, "Cindoi ku gbeu tson" maari vinni. 10Ama abu pajukun baakara, bena zen aji ki cin abu waa be hwa yibe cinnaa ba, be tso ce na we yo. Be babe mikyin ba, ci tsadzu awī wa hwan, bena tsá abu wa ki mikyinbe vinni. Ci numa ra, be hu ra. 11Aji dube ra. Bena ten abe bu Kayinu kyoo numa ki bye abu waa bena tsa ra. Be vya aji bu abè fan dibe yi abu wa baba wa tsatsa ci tsadzu waa Balaam ndi na tsa ra. Be hu ra hun, ki cin waa bena gban cin ba Cidon ci tsadzu waa Korah ndi tsa numa hu kiyo ra. 12Ki bye ayo waa nima ri kwan cin ki dzun mari ji abuju kata, be cibe bube ken ki finni ci tsadzu ajín wari ta àbá numa ki bye tukpa wa nyenye ra. Be cibe numa na kwan cin ki dzun na wa jan, be hwabe ce bu apa dzun ba. Tsenni ko titi numa baa­ ni ki zobe. Be ci tsadzu acù wari zuzu awo ri sa kafanku jinni nya hwan azota numa, kuri taa bara. Be ci tsadzu hin wari nwaa nwa hin ba, ko waa ayo wa nwa nwa hin mbamba tiri rara. Be ci tsadzu hin waa be mu gbeku don ba den'a, ku hu ba den'a kata ra. 13Be ci tsadzu jape wama do akya kuri name ki fin anu na kyen ra. Abu wa bababe ci tsadzu afyejan ci zadi pan tsenni numa. Be ci tsadzu atswí baa ri tan ki don na kyen ra. Cidon mbyā ndobe sobe yo ki bye wa na tsuken jinni gyu numa ko nukon. 14Enok apa wa hwa tsupyen ki fin tsu bu Adamu ra, ndi dan aji ki cin tswi pajukun baakara avo ndi gbogbo numa danra, Cindoi ri ba zhentsōn'a ri kwan dzun shan mama numa. 15Kuri bi jiji ku fo pajukun kata kwen. Kuri pan pajukun baa tsa abu wa ba­ ba kwen, ki cin abu wa bababe waa be tsaku ra. Ba aji baa baba baa be zen ki cin'a ra. 16Be ci pajukun baa nwinde ko nukon. Be ci pajukun baa zen aji tsaba pajukun ko nukon. Abu waa mikyinbe ma con kata be foji wana tsatsa ra hun. Bena zen aji nde dibe we yo. Be kana zen aji vya pajukun nde jiji be byebe be du nyacobe. 17Ama, bandomi, buni ki byeni ní kyepan ba abu baa fotson bu Cindoi Yesu Kiristi ndi dan yini danra, ní tsa ra. 18Be ndi na dan aji danra, "Anyunu ma mbamba tiri waa fin tswen ri te jinni ra, pajukun ribi vyenni vyon. Pa­ jukun baaji be yìbe Cidon ba, abu waa mikyinbe ma con ciri abu waa beri tsa." 19Pajukun baaji be ci pajukun baa ri hwā yi pajukun ri gafan dibe ki cin­ cin. Abu wa ki fin tswen kire jire mikyinbe don ra. Denden bu Ci­ don baani ki fin mikyinbe ri. 20Ama ani bandomi, ní so hwan kiyo tsaza dini yo jiji ní pantse gbangban numa ki bye aji bu Cidon waa ni yi wajinderi kiyo ra. Níkà foji nde wana dzwadzwa ki bye gben bu Den­ den bu Cidon. 21Ní pantse ki cin bu acon waa Cidon na conni ra, ní lolo hwanni so nyaco ge cin bu anyunu waa Cindoi Yesu Ki­ risti ri hwi cicii kuri yii cindi wa ci kenken ra. 22Pajukun baa mikyinbe na gege ra, ní zen gbanbe mikyin yo. 23Pajukun ba­ dati ki tiri ní nwabe pwadzu ki fin pyu. Pajukun badati ki tiri baa ní hwi cicibe, ama níkà wà dini, niká go vo ki bye tukpabe waa abu wa bababe tsa yibe najín ci pu keke numa ba. 24Í nya son bu Cidon wa ken wa konni, wari hwa niri koni kwi ba. Kuri gani di ba abu wa ba­ bani, kuri bi honi pantse pyen bu apa wa ci ba hwe, Niri cu cucu. 25Í nya son bu Cidon dzundzun'a tori numa, wa hwa yi Cindoi Yesu Kiristi nwàdzui rito numa ra. Ahwè, ba atson, ba agben, be ci bua numa keke yaya, avo ndi gbogbo dzu jinni bi nde numa keke bi zan jinna keke numa yaya ki pyen ko nukon. Ku ci numa.

will be added

X\