YAKUBU 2

1Bazhenzami, ci tsadzu waa nī kapyen yi wajinderi ki bye Cin­ doi Yesu waa hwea be bye ra, ci numa ra fyea waa ní tà adi wa concon riba. 2Bé danra apa pyin­ na be bi ki fin cinkwanni, apa dzun ki fínbe ku dze tukpa wa sansan numa, kúkà pa akan waa be ngyoku ba zinariya, apa dzun dze yoke tukpa. 3Nima ca apa wa dze tukpa wa sansan ra kari, nima dan yiku dan ayoo ci byecu wa sansan kire kara, ama nima dan yi apa wa tsa hwen wa dze yoke tukpa ra danra ci bahun, ko ci nwobei ki jinni kire, 4Nī mana tsa numa nina ta adi wa concon nī kana ga kwen bu ye ki mikyinni. 5Bazhenzami, ní gon tson ní fo. Ase Cidon cea pajukun baa tsa hwen ki fin tswen wakara jiji be yi wajinderi ki bye Cindoi Yesu Kiristi jiji be du dukya wajinderi bekà du ndo tson bu Cidon waa ku ndi genu avo ndi gbogbo danra kuri yi apa wama conku raba? 6Ama nī yini pa­ jukun baa tsa hwen hwe ba. Pa­ jukun baa na tani fyin bekà honi na ya tan kwen ra cibe pajukun baa sen dukya hora ba? 7Be ciri pajukun baa na zen aji tsaba zen wa sansan bu Yesu Kiristi waa Cidon tsoni baku ra. 8In nima kon dòn waa Cidon nu ki fin Afaa danra, "Ú con ajo ndou ci tsadzu waa ù con adiu ra," nī tsa abu wa sansan. 9Ama ni mana con apa dzun ka apa dzun nina tsa abu wa rimyi. Akwen ka tani ra, ki cin dòn bu Cidon waa ni gbekyan ra. 10Apa wama gbekyan dzundzun ki fin dòn bu Cidon, ku ko ra ki fin dòn badati kata ra hun. 11Ki cin waa Cidon wa danra, "Úká go adi ba awa bu apa ba," kukà dan ri danra, "Uká bwan apa ba." Too, uma gou adi ba awa bu apa ba, ama uma bwan apa, ai ù ci apa wa gbekyan dòn ra hun, 12Ci numa ra, ki bye abu waa nima tsa kata ní yinu danra Cidon ribi mbyeni kwen ko nī bà don'a baa tsayi wa nwàdzuni rito azota ra­ re. 13Apa wama hwia cici bu pa­ jukun badati ba, anyunu waa Cidon ma mbye kwen ra, kuri hwia cici bu apa waji ba du. Ama apa wama hwi cici bu pajukun badati Cidon ribi hwi cici bu apa waji ki bye kwen numa du. 14Bazhenzami, apa wama danra kuna yi wajinderi ki bye Cidon, ama kuma tsaa abu waa Cidon dan raba, tswi wajinderi wakara ri tsaza apa waji yo ki bye kake? Tswi wajinderi wakara tsayi wa nwàdzu apa waji hun kwaa? 15Bé danra apa wa tsa hwen dzun na nya tukpa wa dzedze ku dua ba, ku kana nya buju wa jiji ku dua ba. 16Ama nima dan yiku danra, "Too, ya sansan, Cidon ku ga yiu ji, ku ga yiu wa, kúkà ga yiu dze," ama nī yini ku abu dzun ba, asan bu aji wakara ki bye ke hun? 17Ci numa ba wajinderi, apa wama danra kuri yi wajinderi ki bye Ci­ don maari vinni kuma tsaa abu waa Cidon dan raba, wajinderi bu apa waji wakara ci abu wa nya hwan azota, 18Dzun tiri apa dzun ri danra, "Apa dzun ri ci apa wa ci ba wajinderi, apa dzun ri ci apa wari fcsa abu wa sansan." Ama mna mbye apa waji danra, apa ri tsa­ nini ri tà byenbyen numa danra, ku ci apa wa yi wajinderi, in kuma tsaa abu wa sansan ba? 19Ki bye abu wa sansan waa apa ri tsa ra hunnu ri tà wajinderia. Bé dan ù yi wajinderi dan Cidon ci dzun­ dzun tori numa vinni, ma ci numa ù tsa san kagben. Ama ú yinu danra ko jon baa baba yi wajinderi wakara numa du, ama azin yi adi­ be na vonvon. 20Ajè, una con jiji be dandan yiu hunnu danra, apa wama yi wajinderi ama kuma tsaa abu wa sansan ba, wajinderi wa­ kara ci abu wa nya hwan azota ra, ù yiu ba? 21Kyepan ba yakui Ibrahim, abu wa hwa Cidon soku danra ku ci apa wajinderi ra bà ki cin wa sansan waa ku ndi nde nwua Ishaku ya jiji ku ya ge bwan­ ku ki cin kyènkyèn tson wa Cidon kiyo raba? 22Ta ki byeya numa ci kara danra wajinderi bu Ibrahim ba abu wa sansan'a wa tsatsa we ki dzun ba dibe. Ki bye abu wa sansan waa ku tsa ra hunnu ku hun zēn ban nu wajinderia. 23Wa­ kara ci cinna bu aji waa be ta ki fin Afa bu Cidon danra, "Ibrahim yi wajinderi ki bye Cidon, ci numa ra Cidon nde Ibrahim so apa wajinderi numa ki byea." Bekà ba­ ku danra, ku ci ajo bu Cidon. 24Too, ní mbyànu danra, ase Ci­ don ri nde apa so danra, ku ci apa wajinderi numa ki bye abu wa sansan waa apa ri tsa, ama cia wajinderi waa apa ri yi ki bye Cidon maari vinni ba. 25Níkà kye­ pan ba Rahaba awuwa gbaza ra, ayo waa zhentsōn bu Yahudawa hora ndi ya ki bye waa ku ci yo ra ku panbe vo pyinna ku hobe yu hobe yu sansan numa, kukà tà yibe nyaco wa nwàdzudza 26Too, ci tsadzu waa nwo bu apa ma ken jinni ra, gangan adia kan akwan ra, ci numa du apa wama yi wajinderi ki bye Cidon kuma tsaa abu wa sansan ba, wajinderi waji ci akwan.

will be added

X\