IBRAHIM 5

1Ko Avon wa ndanda wani be ceku ki fin pajukun jiji ku ci fotson wa tsa abu anube ki nya­ co bu Cidon. Kuna fon Cidon ku kana bwan bupyu tsòn hwa ton kiyo yi Cidon ki cin wa tsonye abu wa baba. 2Ci tsadzu waa aku ci apa wari dà ada du ra, aku kuri tsayi wa fyen tà yi pajukun baa ci kon, baa ri dà ada, abu ba mikyin wa sansan. 3Tsadzu waa abe von baaji ci pajukun baa ri da ada du, ci numa ra ci ken be tsòn abu yi Cidon ki cin abu wa baba bu dibe, ci tsadzu waa beri tsòn yi Cidon ki cin pajukun baa tsa abu wa baba ra. 4Apa dzun wari ce dia ba dia ya ci byecu bu von wa ndanda wa­ kara baani, se Cidon ma baku nde ci tsadzu waa ku ndi ba Haruna ra. 5Ci numa ra Yesu Kiristi yia dia hwe wakara ba dia waa ku ci Avon wa ndanda raba. Ama Cidon dan yiku ri danra, "U ci Nwumi, jinna m kan Atau ra." 6Kuka dan ki bye dzun danra, "Uri ci avon pan numa keke yaya ko nukon, uri tsa butsou ci tsadzu waa Melikizedik tsa ra." 7Ayo waa Yesu Kiristi ki tiri ki fin tswen wakara ku vo Cidon, ku pyaku pyapya ba ndekuto ba janme ki zo. Ku vo Cidon wa tsayi wa nwàdzuku ki vo bu aki. Cidon fo ndekutoa ki cin waa ku fan voa ba abea kata yiku. 8Ko waa ku ci Nwu bu Cidon ra ku fyen wa nde cin'a na jinni ki di bu afyin wa duku ra. 9Ki nyaken waa ku wa vinni fyin waji ya zan myi rito ra, ku kan apa wa nwà­ dzu pajukun baa gon tson fo jia ki bye abu wa baba kata. 10Ci-don nde Yesu so danra ku ci avon wa ndanda kári wa nde dia yi aki yi Cidon ki cin'i. Ku tsa butso ci tsadzu Melikizedik tsa butso bua ra. 11I ci ba aji badati suu numa waa í dan yini ki cin bu Melikize-dik ama ci ba fyin waa í dan yini yafan jinni van numa yini ki cin waa atsonni fo tu aji kagben. 12Nde numa keke bi tanma ra ken waa niri kyan na fyen tà yi pajukun badati aji bu Cidon ra, ama avo tanma ba, ni tsayini numa raba tiri. Ni ci tsadzu pa­ jukun baa ndi fyen fobe aji dzun ki nyaco bu Cidon fo raba. Avo jinna ba nina ma myi tiri, ni ngha kenni wa jika buju gban ake ra­ ba tiri. 13Ko kani kata wa mana ma myi tiri, ku ci tiri nwutishe, kuri hwayia ba aji wa ci wa san­ san, ba wa ci wa baba ba. 14Ama apa wama dzwan gban ake ra, ku kan apa ra, kuri tsayi wa hwayi aji ki mikyin'a ku gafan abu wa sansan ba wa baba.

will be added

X\