IBRAHIM 4

1Ko waa nuge waa Cidon ge danra ko kani kata ri ka ki bye wa ngha nwo ra, se í ci fin azin ki cin waa dzun tiri pajukun badati ribi ya kakabe ki byeri ba. 2Ci tsadzu waa ndi gbogbo ba­ yakui hora ndi fo aji bu Cidon ki fín pon, ci numa ki byei du, ī fo Aji wa Sansan bu Cidon ra. Ko waa be fo aji waji ra be tsabe butso baku ba, ki cin waa dede waa be fo ra be pan sobe ki mikyinbe ba. 3Ama ai baa yi wajinderi kiyo ra iri ka ki bye Cidon iri ya baku ngha nwo ki dzun. Ci tsadzu ku ndi danra, "M ndi ngongo dan aki danra: 'Beri dube nwo wa nghangha ki byemi ba.'" Ko waa Cidon ndi kapyen tsa vinni butsoa avo gbogbo ra, ku dan yi bayakui aji wa ci kara. 4Ki cin waa be dan aji dzun ki bye Afa bu Cidon ki cin anyunu tsu­ pyen danra, "Cidon ngha nwo dia ki fin anyunu wa kwan tsu­ pyen ki bye butsoa kata." 5Beka zen aji ki cin aji waji wakara kwan yo kati danra, "Beri kabibe ribi bami ngha nwo ki dzun ba," 6Har tanma apyo ci tiri jiji pa­ jukun badati be kaya, pajukun baa ndi kapyen fo Aji wa Sansan bu Cidon ra, be kakabe ba, ki cin waa be gban cin kagben, 7Wakara ci fa byeya numa ki cin waa Cidon ka mbyā nde anyunu dzun so waa ku baku danra, "Jinna." Ku dan aji waji wakara dzu nu bu Dawuda ki nyaken waa be ci dede numa ci tadzu waa be danra, "Jinna nima fo akyu bu Cidon niká gban cin ba." 8Avo ndi gbogbo pajukun baa ndi ki fin hwan hora rima ndi zen nde yi Joshua hobe ya ka ki bye wa ngha nwo bu Cidon jiji be baku ngha nwo ki dzun, Ci­ don ri kyan dan'a aji ki cin anyu­ nu wa ngha nwo dzun ken riba. 9Wakara tà yii ki fa byeya numa danra apyo ci tiri kiyo waa pa­ jukun bu Cidon ri du nwo wa nghangha ci tsadzu waa Cidon ndi ngha nwo ki fin anyunu wa kwan tsupyen ra. 10Ko kani kata wama kaya ya ngha nwo ki dzun ba Cidon kuri ngha nwo ki bye butsoa kata ci tsadzu waa Cidon ndi ngha nwo di bua ki bye bu­ tsoa ra. 11Ci numa ra í so hwan kiyo nganga jiji í kaya du Cidon í baku ngha nwo ki dzun. Apa dzun ki fin'i ká dada gban cin ci tsadzu waa bayakui ndi gban a nyani wa kaya du nwo wa nghangha raba, 12Aji bu Cidon ci ju na tsa butso ji kári gisingiri. Kuna tsa butso ki mikyin bu apa. Aji bu Cidon ri ge apa ka yaya ki fin mikyin wa ga aji bu apa, kwan ba Denden'a. Kuri ka fofo ki bye waa ake ba aswe den kwan dzun kiyo. Aji waji ri ta yi apa abu waa kuna ga ki fin mikyin ba abu waa kuna con. 13Ki bye abu waa Cidon mà hora kata wa dzun wari yu kaa dia ki zoa numa baani. Koke kata ci fa byeya numa ki zoa, Cidon na mbyà koke kata nu. Ku ciri dzundzun waa iri pantse pyen'a dan yiku abu waa ina tsa kata. 14Ci numa ra í pantse ba gben gangan numa ki cin wajinderi waa ī zen nde dan pwadzu ki nui ra. Ki cin waa ī ci ba avon wa Ciho numa wa neya ki bye Ci­ don ki don. Avon waji ciri Yesu Kiristi Nwu bu Cidon. 15Avon wa ndanda waa ī ci baku ra tsayi wa hwi cicii ri ki fin afyin waa ī ki fin'a ra, ki cin waa be mbaku ku ci apa ba adi ci tsadzu waa ī ci ra. Be mbafoku, ku wa tswi fyin wani kata, ama ku tsaa abu wa baba dzun ba. 16I gban mikyin í ya ki pyen bu Cidon ki bye adudua waa kuri nda wea tu yo. Abye waa kuri hwi cici bu apa kiyo, í ya jiji ku hwi cicii í du wa sansan'a ki bye ayo wani waa ima con kata.

will be added

X\