IBRAHIM 2

1Aji waa i fo ra, san kari í so hwan kiyo sansan numa, ki cin waa ika fan dabe jan dzu ba. 2Aji bu Cidon baa zhentsōn ho­ ra dan yii ra ci aji baa byenbyen. Apa wama pan'a aji waji nde hwa mikyin'a ba, ajù wa mbamba nua tseku ki bye aji waa ku gbe­ kyan rara. 3Too, iri tsanini ri nwadzu in ima soi hwan ki bye nyaco wa kwakyi wakara wa nwadzu apa raba? Cidon kapyen ri dan aji ki cin nyaco wa nwa­ dzudzu wakara ba dia. Pajukun baa ndi kapyen fo ra ta yii danra ci aji wajinderi. 4Cidon ba dia du ka tà yii àmà bu badati wa ta danra aji waji ci aji wa wajinderi. Ku tà yii àmà wakara numa ki bye abu waa kuri tsa ki bye gbentsòn'a, ba abu baa ken nwo, ba abu baa kyahozo ki cincin ki cincin numa. Kukà gafan abyon bu Denden'a yi pajukun ci tsa­ dzu waa mikyin'a con. 5Tanma iri dan aji ki cin anyu­ nu wa kyen. Cidon yia zhentsōn gben wa tsa tsòn ki cin bu pa­ jukun anyunu wa kyen waji ba. 6Ama ì kyepan ba aji dzun waa be dan ki fin ato dzun ki fin Afa bu Cidon danra, "Au Cidon, apa ci kake waji, waa una kyepan baku? Apa zota numa ci abu wa tsake kiyo, har una tsa zaku yo? 7Ki bye ayo titi numa ù yi hwea koshe ka zhentsōn. Ki nyaken wakara ù gbe doku ki don ù yiku hwe suu numa, ù yiku kan aku ki cin ko kake kata waa ù mà. 8U yi koke kata kasen kan abu wa ki tata bea ki jinni." Be tā danra, "Cidon yi apa ku ci ein bu koke kata." Abu dzun numa waa apa cia cin'a ba baani, ama tanma numa ī ngha mbyà yii waa ku ci cin bu koke kata raba tiri. 9Ama ina mbyà Yesu nu! Waa be ndi kodzu ku hwea yo kasen koshe na nyaken bu zhentsōn ki fin ayo titi numa ki cin waa kuna hwi cici bu pajukun kata. Ábu wa tsa Yesu hu aki jiji bu pajukun kata ra hun. Waa Yesu Kiristi wa fyin hu aki numa Cidon yiku gben ba hwe suu numa. 10Ci coa ki bye Cidon wa mà koke kata, wa kana kon koke kata ku yi Yesu wa baani ba adà ku wa fyin. Ki bye fyin'a ra ku gbe zhenzhen suu numa bi bye nyaco waa be du hwe. 11Aku Yesu Kiristi wari tsonye pajukun ki bye abu wa bababe ra, ba pajukun baa ku tsonye abu wa bababe hora kata Atabe ci dzun­ dzun. Ábu wa tsa Yesu pan'a tsenni wa babe danra be ci ba­ zhenzhen'a bara hun. 12Ku danra, "Cidon, mri dan aji ki cin u yi bazhenzami, mri nya zen u ki fin bi pajukun buu ba avyon wa tsotso." 13Ku ka danra, "Atami Cidon ciri apa waa mri nde mikyinmi so dia." Kukà danra, "M ci kara ba zhenzhen baa Cidon yimi ra." 14Zhenzhen'a baa ku babe nde hora kata ci pajukun. Ki cin wakara Yesu ba dia be mbaku ci apa tsadzu zhenzhen'a hora jiji ku hu aki ku bwan Shetan. Ki cin waa andi gbogbo Shetan ciri ba gben wa bwan pajukun. 15Ki di bu aki bu Yesu hu ra ku nwàdzu pajukun baa avo waa be mbabe be ci anya bu Shetan be­ na zinzin bu aki wa huhu ra. 16Ci fa byeya numa danra Yesu bia waa jiji ku tsaza zhentsōn bu Cidon yo ba, ama ci tsadzu waa Afa bu Cidon danra, "Kuna tsa­ za tsu bu Ibrahim yo." 17Ci numa ra ajinderi ku ci Avon wa ciho wajinderi byenbyen numa, wa tsa butso bu Cidon ndafan jinni sansan numa jiji ku tsonye abu wa baba bu pajukun ku banbe vyon ba Cidon. 18Andi Yesu ba dia wa fyin ki bye waa Shetan ndi na ken mbafoku ra ki cin wakara kuri tsaza pajukun baa Shetan ri ken mbafobe ra yo.

will be added

X\