BAAFISUS 3

1Abu wa hwa hunnu ami Bu­ lus waa be panmi sa jinni ki bye akan jiji bu Yesu Kiristi pya Cidon na weni yo ani baa cini Yahudawa ba. 2M yinu byen­ byen numa danra ni fonu danra ki bye wa sansan bu Cidon ku yimi butso wakara jiji m tsa ki byeni. 3Ku dan aji wa yu kuku wakara yimi ki zo mbu tsadzu waa m ndi tā aji ki cin'a titi numa rara. 4Nima hwèn aji waji niri yi danra m hwayi aji wa yu kuku wa ki cin bu Yesu Kiristi ranu. 5Andi gbogbo be pofanbe fin aji waji dan yi pajukun ba. Ama tanma numa ki bye Den­ den bua ku pofan tà yi fotson bua baa nyenye ba pajukun baa da adon bu Cidon. 6Ábu wa yu kuku waji ci kara. Ki bye Aji wa Sansan bu Yesu Kiristi pajukun baa cibe Yahudawa ba beri du wa sansan bu Cidon tsadzu Ya­ hudawa ri du ra. Be ci dzundzun ki fin zhenzhen bu Cidon. Beri du nuge waa Cidon ge ba Ya­ hudawa ra du. 7Ki bye abyon waa Cidon yimi ki bye waa kuna tsa butso ba gben'a kata ki mikyinmi ra m kan anya wa nde Aji wa Sansan bua dan na yi pajukun. 8Ki fin pajukun baa bà Cidon hora, ami ciri apa wa koshe ki finbe kata. Ama ki bye wa sansan bu Cidon ku yimi nyaco wa nde Aji wa Sansan bu Yesu Kiristi ra dan yi pajukun baa cibe Yahudawa ba du. Aji waji ci aji wa sansan numa cia wa dandan ba. 9Cidon wa mà abye wa ki don ba abye wa ki jinni avo ndi gbogbo waa ku ndi tà aji wa yuyu wakara, pajukun yìbe ba. Tanma ku cemi jiji m dan tà yi pajukun kata jiji be mbyàyi butso bu aji wa yuyu wakara. 10Be tsa numa ki cin waa tanma numa ki di bu pa­ jukun baa bà Yesu Kiristi zhen­ tsōn bu Cidon baa ciho ciho ba baa ci ba gben ki don be mbyàyi tswi kyinye bu Cidon. 11Cidon tsa numa we dzun ba abu waa ku ndi mà kapyen avo ndi gbo­ gbo waa ku zenmuku ki di bu Cindoi Yesu Kiristi. 12Ki bye cin'i wa kwankwan ki dzun ba Yesu ba wajinderi waa ī ci baku ra, ī ci ba nyaco wa ya ki pyen bu Cidon ba gben mikyin'i kata. 13Ci numa ra mna voni niká zen nde fan dini tashuma ki cin waa mna wa fyin ki cinni raba. M dan numa ra ki cin afyin waa mna wa ra ci wari nde hweni don. 14Ki cin wakara mna ho ku­ nubemi tu ben jinni ki pyen bu Atá Cidon, 15wari yi atsu wani kata ki don ba ki jinni azèn ra. 16M vo Cidon dzu ki bye ahwea wa hwehwe numa ra ku yini gben bu Denden jiji ní pantse gbangban numa ki fin mikyinni, 17jiji Yesu Kiristi ku pan ndo ki fin mikyinni ki bye wajinderini. Mna pya danra ní ho beni te bà jinni gangan numa ki bye con, 18jiji ani kwan ba pajukun bu Cidon kata ní hwayi ba con bu Yesu Kiristi sansan numa. Acon waji hwe cia wa dandan ba, acon waji tea ki jinni ba, acon waji ri vin'a jinni ba, kuri foji wana yaya ki pyen. 19Ní hwayi acon waa Yesu Kiristi na con'i ra, acon waji kagben waa apa ku hwayi kata. Ci numa ra Cidon ku zen­ mu mikyinni kata ba abu baa ku ci baku kata. 20Aku Cidon wana tsa butso ba gben bu Denden bua ki mikyin'i ra, ku tsayi wa tsa abu nwādzu ba abu waa iri vo, ba abu waa iri ga M fin mikyin'i. 21Ai abi bu pajukun baa bà Yesu í nya zen bu Cidon, í yiku hwe ki di bu Yesu Kiristi. Pajukun baa bà Yesu kini kata bé tsa numa tanma pan numa keke ya­ ya ki pyen ko nukon. Ku ci numa!

will be added

X\