BAKOLOSI 3

1Cidon ma doni pwadzu ki dzun ba Yesu Kiristi ki shi­ mbi, se ni ho hwanni so bye abu wa ki don ki bye waa Yesu Ki­ risti ciyo ki go kyekye vo wunu bu Cidon ra. 2Ní ho hwanni so bye abu baa ki don, níká ho hwanni so bye abu baa ki fin tswen kire ba. 3Nī ndi hu ra, cindini ci vo bu Yesu Kiristi, ku nde konsoni yo ki bye Cidon. 4Yesu Kiristi ciri cindii wajinderi byenbyen, anyunu waa kuma ka­ sen bira, ani du niri baku kyen dzun kasen bi ki bye hwea, 5Ci numa ra, ní nwa voni don ki bye abu baa ni ndi na tsa ki bye byecuni wa gbogbo ki fin tswen kire. Ní fan aji bu agya wa nyanya ba aso wa tsatsa be jinni, Níká zen nde yi abu wari vyani wa tsatsa ki di ku ho mikyinni ji ba. Níká ma abu wa baba wa tsatsa ki mikyinni ba. Níká nyi abuu apa ba, ki cin waa ni mana nyi abuu apa numa, ni ho abu baaji kan aki wa tsatsa ki byeni ra hun. 6Ki cin tswi abu baaji baakara numa ri gbe kyinna bu Cidon ribi be pajukun baa fobe tson'a bara ki cin. 7Andi gbogbo ani ba dini na tsa tswi abu baaji numa du. Ni ndi fan dini kata dzo ci fin tswi abu baaji wa tsa­ tsa numa. 8Ama tanma ní nwaa dini don ki fin abu baa baba baaji baakara. Níká ngongo na kyinna ba. Níká tsa dini abu wa baba ba. Níká zen aji tsaba dini ba. Níká zen nde zen aji dzun wa baba pwadzu ki nuni ba. 9Ní-ká ge aji be dini ki cin ba. Ki cin waa ní yinu danra, ni gadi ba tswi mikyin wa ndi gbogbo, ba bu baa ni ndi na tsa rara. 10Nī nga mikyin wa ripye tanma ra. Mikyin wakara ciri mikyin wa ri­ pye waa Cidon maku, kuna mbyāsanku jiji ku ci ripye numa ci tsadzu waa Cidon ci ra, jiji ni yìku sansan. 11Ci numa ra, nī ci abu dzundzun ba dini tanma. Yahudawa ba tsu pajukun ba­ dati cibe ken ba dibe tanma riba. Pajukun baa kyu bukube, ba pa­ jukun baa kyube bukube ba, be kan bu dzundzun ba dibe tanma ra. Ko apa wama ci kyòn, ko apa wa ki hwan, ko anya, ko nwu tswen, be mba dzun ba dibe, ki cin waa Yesu Kiristi ka koke kata, kúkà ci Cin bu koke kata. 12Ani ci pajukun baa Cidon ceni so danra, ni ci pajukun bua baa concon. Ci numa ra ní tsa bu wa fye waa pajukun bu Cidon be tsa. Ní hwi cici bu dini ni ta aki bu dini, ni nde cin na jinni yi dini, ní ci tashuma numa ní gban mikyin. 13Ní gban mikyin ba dini, ni fan dàu dini yi dini. Ko apa dzun ma ge aji sen apa dzun ki cin ní fan abu wa baba bu dini yi dini ci tsadzu waa Cindoi fan abu wa baba buni yini ra. 14Abu wa tutu kari kata ciri, ni con dini. Acon ciri abu wari ho koke kata tse kwan bye dzundzun be ci byecu bu vyon ba dibe rito numa. 15Mikyin wa na jinni wari dzu bye Yesu Kiristi ribi ra kú ta yini abu wa tsatsa ki fin mikyinni ki cin waa Cidon bani nde bi ki cin waa jiji ní ci byecu ki dzun ba dini ki fin mikyin wa na jinni jiji ní mbu mikyin yi Cidon ko nukon. 16Aji bu Yesu Kiristi kú ci fin mikyinni sansan. Nína fyen tà yi dini abu. Nína tà dini aji ki fin nyaco bu kyinye. Ní tso vyon wa ki fin Afa bu Cidon, ba vyon wa ki fin afa wa tso vyon, ba vyon baa màmá baa Denden bu Cidon ta yini ra. Ní­ na tso vyon baaji ki fin mikyinni nína she Cidon kiyo, ní mbu mikyin yiku. 17Ki bye abu waa nima tsa kata, ko ki bye aji wa zenzen, ko ki bye butso wa tsa­ tsa, ni tsa abu baaji kata ba zen bu Cindoi Yesu, nína mbu mikyin dzu dia yi Atai Cidon. 18Ani bawuwa ni nde cinni na jinni fotson bu bawununi kyoo numa. Wakara ciri abu wa fye waa pajukun baa bà Cindoi Yesu be tsa hun. 19Ani bawunu du, ni con ba­ wuwani, níká tsabe abu wa nakyin ba. 20Ani zhen baci, ni nde cinni na jinni ní fo tson bu abe tani ba ayoni ki bye abu wani kata. Ki cin waa wakara ciri abu wa san hwan bu Cidon hun. 21Ani ba tabe, níká tsabe abu dzun wa nakyin wari hwa yi dibe ku ci tashuma numa ba. 22Ani zhen nya, ni nde cinni na jinni fo tson bu abe cindoni baa ni ci vobe ki fin tswen wa ci kara, ko ki bye ke kata. Níká nde cin na jinni ki pyenbe ki bye yo waa bena mbyàni vinni raba, ci tsa­ dzu pajukun baa ri nya jiji pa­ jukun be nyabe raba. Ama ni zinzin bu Cidon ni tsa abu ba mikyinni kata ki pyen bu Cidon. 23Ki bye abu waa nima tsa kata, ni tsa abu waji ba mikyinni kata, ni mbyà danra, nina tsa abu waji yi Cindoi Yesu Kiristi, níká mbyà danra, nina tsa yi pajukun ba. 24Cindoi Yesu Kiristi ciri Cin­ doni. Ní yinu danra, kuri hwani ton bu abu wa mba tiri ba abu waa nina tsa ra ri. Niri du abu waa ku nde konso pajukun'a yo ra. 25Apa wama tsa abu wa baba, kuri banku ton bu abu wa babaa waa ku tsa ra yo banban. Kuri fo pajukun kata kwen ki bye nyaco dzundzun.

will be added

X\