BAKOLOSI 2

1Mna con jiji ni yi nganga waa mna nga ki cinni ani pa­ jukun baa ki Kolosi, ba baa ki Lawudikiya, ka ba pajukun baa mbyà fobe zomi riju numa fo raba. 2Mna tsa butso wakara ki cin waa jiji ni du gben mikyin, jiji nikà con dini ni ci abu dzun­ dzun. Mna con jiji ni hwayi ba aji baa yuyu baa Cidon pofan finbe tà yii ki cin bu Yesu Kiristi ra zan myi kata, jiji ni zen nde ba aji baaji byenbyen numa jiji ni du wa sansan kiyo. Aji wa yuyu waji ra, ci Yesu Kiristi ba dia. 3Yesu Kiristi ciri apa waa Cidon ho zobyen, ba ayì yu so byea ra. 4Mna dan yini abu baakara numa ki cin waa apa dzun kúká bi pujini ba aji wa vyavya ba. 5Ko waa m bàmni kire bani ra, mikyinmi ci tiri ki dini ko nukon. M mbu mikyin suu numa ki cin waa m fo danra, ni ci byecuni ci sansan numa, nikà pantse ba gbenni kata na yi wajinderi ki bye aji bu Yesu Kiristi ra, 6Nī yi wajinderi ki bye Yesu Kiristi danra, ku ci Cindoni, ci numa ra, ní tsa bu wa fye waa pajukun baa kwan dn ki dzun ba Yesu Kiristi be tsa. 7Ní ho beni ba gbenni kata tswa ki dia gbangban numa, ni pan ajia ba mikyinni gbangban numa ci tsadzu waa be ndi fyen ta yini ra. Níkà mbu mikyin yiku kwan yo foji wa yaya ki pyen, 8Ní wà dini sansan jiji níká yi apa dzun ku pujini ba ayì wa ki fin tswen kire wa nya hwan azota numa raba. A nwo yì waka­ ra dzu bye aji wa màmá bu pa­ jukun, ba jon baa baba baa ki fin tswen kire, dzua ki bye Yesu Ki­ risti bi ba. 9Cidon ba dia ci fin bu Yesu Kiristi waa be mbaku dzu pajukun ra. 10Ku ho cinni kwan dzun ki dia kata. Ku ciri cin bu tson wani ba gben wani kata. 11Ki cin waa ni kwan cin ki dzun baku ra, Cidon kyuni bukuni yo ra. Abuku waji cia tswi buku waa pajukun ri kyu ba avo ri geken gehoa ta jinni raba. Ama tswi bu­ ku wa kyukyu wakara dzu bye Yesu Kiristi ba dia bi. 12Ayo waa be ndi tsani batisma ra ta danra, be ndi honi jì shimbi ki dzun ba Kiristi. Cidon kà doni pwadzu ki dzun ba cindi wa ripye pwadzu ki shimbi, ki cin waa ni yi wajinderi ki bye butso bu Cidon waa ku tsa ba gben, ku do Yesu Kiristi pwa­ dzu ki shimbi ra. 13Andi gbogbo ni huhu numa ci ki fin bu wa babani waa ni tsa ra. Kati ki cin waa ni ndi kyuni bukuni bara. Ani ciri pajukun baa mna zen aji bani dan­ ra, Cidon fan bu wa babai yii i ci ba cindi ki dzun baku tanma. 14Andi i ndi ci ba kwen bu Cidon ki cin'i ki cin waa i tsai bu waa Cidon dan i tsa raba. Ama tanma numa Cidon tsonye abu wa baba wa ki cin'i ra don ra. Ku tsonye abu wa baba waji don ba nwoa kata ku ho kan cin hin wa shon gege ra. 15Dede waa Yesu hu ki cin hin wa shon gege ra, ku ten dia don ki bye tson ba gben bu jon baa baba hora ra. Ku tà yi pajukun ki byeya numa danra, ku kagbenbe ra. 16Ci numa ra, níká zen nde yi apa dzun ku foni kwen ki cin buju wa jijini, ba jan wa wawani ba. Níká kà zen nde yi apa dzun ku foni kwen ki cin cinkwan waa niri kwan ji buju ki fin ju, ko ki fin son wa ripye, ko wa ki fin byecen ba. 17Abu baa hun ra kata ci nwini bu abu baa ribi ki pyen kire. Abu waji wajinderi byenbyen numa bena tà ra ci Yesu Kiristi. 18Ci numa ra níká zen nde yi pajukun baa na so dibe danra, Cidon ta yibe abu ba­ dati be mbyà ki zo mbu ra, be byeni ba. Bena dan yini danra, ní sinni dini ní wa zhentsōn bu Ci­ don. Bena so dibe numa kagben, abe kwa be eibe abu dzun ba. Aji wa gaga bube ken fin tswen wa­ kara vinni. 19Be nghabe wa ho cinbe bi kwan bye Yesu wa ci Cin bu adi, wari hwa yi adi ri fifi muzo kwan yo ya pyen, Kuri hwa yi adi ri du gben ki dia, kuri ho aben dibe ban kwan dzun ba azu dibe. 20Nī hu aki ki bye dzundzun ba Yesu Kiristi, nī gadi ba ajon baa baba ki fin tswen kire ra. Tsanini nina tsa bu ci tsadzu pajukun bu fin tswen, nina she bu tiri? 21Ci tsadzu waa bena fyen ta yini dan­ ra, sheshe níká go vo ki bye abu wakara numa ba, sheshe níká nde buju wakara numa go nuni ba, kati, níká hun di ki bye abu waka­ ra numa ba. 22Abu baa sheshe baakara kata be ci abu baa tsa nwadzu nya hwan numa azota. Pajukun ba dibe pwa hwan ri na mà aji baaji na fyen pajukun hwa yibe na she abu baaji. 23Wa ka­ pyen na tà ci tsadzu abu baa she­ she baaji ri hwa yi apa ri byenzo, ki cin waa be te apa ku nde cin na jinni ken wa abe zhentsōn bu Cidon, apa kúkà sinni dia, ku ta dia fyin. Ama ma ci aji wajinderi byenbyen numa be tsabe cin ba, be babe gben dzun wa tsaza apa yo jiji apa ku den dia abu waa adi ri con ba.

will be added

X\