BAKOLOSI 1

1Ami Bulus waa Cidon cemi ci fotson bu Yesu Kiristi, kwan ba Timoti wandoi, 2ina ta afa wakara ri na yini ani pajukun baa bà Cidon ki Kolosi. Ni ci bandoi baa kwan cin ki dzun bà Yesu Kiristi ba mikyin dzundzun tori numa. Atai Cidon ku sanni sansan, ku yini mikyin wa na jinni. 3Ina mbu mikyin yi Cidon Ata bu Cindoi Yesu Kiristi, ina pya Cidon weni yo ko nukon. 4Ki cin waa i fo aji ki cinni danra, nina yi wajinderi ki bye Yesu Kiristi, ni kana con pajukun baa bà Cidon kata. 5Ki cin waa ni ho hwanni so bye abu waa Cidon nde konsoni yo ki don ra. Abu waji ni ndi kapyen fo aji ki cin'a ki bye aji bu Cidon wajinderi byenbyen numa ra. 6Aji waji ka fye ho bye ki fin tswen kire kata ra. Aji waji hwa pajukun na tsa abu wa dzu cin, Pajukun kana yi wajinderi ki bye aji waji kwan yo foji wana yaya ki pyen. Ci tsadzu waa ani ba dini ndi fo aji waji hwa yini na tsa abu baa dzu cin, avo waa ni ndi ka­ pyen fo aji waji numa, ni hwà yinu byenbyen numa ba waa Cidon hwi cici bu pajukun ra. 7Apa wa nde aji waji wakara kapyen bi dan yini ra ci Apafras ajo butsoi wana tsa abutso bu Yesu Kiristi ki dzun bai. Kuna tsa butso bu Yesu Kiristi nui ki finni ba mikyin dzundzun byen­ byen numa. 8Ku dan yii aji ki cin acon waa Denden bu Cidon yini ki mikyinni nina con pajukun ra, 9Ábu wa hwa avo anyunu waa i ndi fo aji wakara numa ki cinni ra, i be foi wa pya Cidon weni yo ki pyen bu Cidon ki cinni fo raba ko nukon. Ina pya Cidon ku hwa yini ni yì mikyin'a yafan jinni zan myi jiji ni du zobyen wari dzu bye Denden'a ribi ra, jiji ni hwàyi aji. 10Jiji ni ci byecu wa vya hwan bu Cindoi ni tsa abu wa san hwan'a ko nukon. Abu waa nima tsa kata kuri ci abu wa sansan, niri yì Cidon kwan yo foji wa yaya ki pyen. 11Cidon ku yini gben'a wa ka­ gben bu koke kata ra, jiji ni pan­ tse ba gben gbangban numa, ní gban mikyin ba fyin wama duni kata, ní mbu mikyin kiyo. 12Ní mbu mikyin yi Ata Cidon wa hwa yii ken wa ji buju baa ku ho konso pajukun'a yo ki ndo tson wa yafan bye ra ki dzun. 13Kú pen'i ki vo bu afitse kú hoi ya ki ndo tson bu Nwua waa kuri con ajia ra. 14Nwua waji tso nui, ku fan abu wa babai yii ra. 15Yesu Kiristi ci azén bu Cidon kyoo numa. Cidon waa apa ri mbyà kaaku ba azo bara. Ku ci nwu mbafyen ki bye abu baa Ci­ don mà ra kata. 16Dzu di bu Yesu Kiristi hunnu Cidon hun mà abu kata. Ku mà abu baa ki don, ba abu baa ki jinni, abu baa apa tsayi wa mbyà ba azo, ba abu baa apa tsayia wa mbyà ba azo ba. Ko abyecu tsòn, ba atsòn wa nánà, ba atsòn wa tsatsa, ba agben wani kata Cidon màbe dzu di bu Yesu Kiristi. Cidon màbe yi Yesu Kiri­ sti. 17Ku kapyen bu koke ri kata ci. Koke kata ho cinbe kwan dia. 18Ku ciri acin bu adi, watoo, pa­ jukun baa bà Cidon. Ku cári apa wa kapyen, kukà ciri apa wa ka­ pyen do don pwadzu ki shimbi ki fin pajukun baa huhu hora, ki cin waa jiji kú kan apa wa kapyen ki bye koke kata. 19Cidon mbyà san­ ku ku fan koke kata kwaku ki voa. 20Cidon ka mbyà sanku ku yi Nwua kú ho koke kata kasen bi kwan dzun ki byea, ki di bu asa bu Nwua waa ku nde we jinni anyunu waa be kan bwan'aku ki cin hin wa shon gege ra. Cidon hwa koke kata wa ki don, ba wa ki jinni bi ci byecu bu vyon ki dzun kata baku. 21Andi gbogbo numa, ani du, ni gadi ba Cidon naco numa ra, nikà ci jo zea ki bye abu wa babani wa tsatsa. 22Ama tanma numa Cidon hwa yini ban vyon baku ki dzun ki di bu aki waa Nwua waa be mbaku ci tsadzu nwu pajukun ra hu ki cinni ra, Ku hu ki cin waa jiji ku hwa ani pa­ jukun bua hora ni ci ba mikyin wa sansan jiji apa dzun kúká zen aji dzun wa baba ki dnni ba. 23In nima pantse gbangban numa ho beni bà jinni yi wajinderi ki bye aji bu Cidon foji wana yaya ki pyen, nima pantse gbangban numa, nima ndeni di ba, nima ho hwanni so bye aji baa ni fo ki nu bu pajukun baa dan aji bu Cidon ho­ ra. Aji baaji be dan yi ko kani kata wa ki fin tswen wa ci kara. Ami Bulus du, Cidon ndemi kan fo­ tson'a wa dan aji wakara yi pa­ jukun. 24Tanma numa mna mbu mikyin ki cin afyin waa mna wa ki cinni ra, Ci tsadzu waa Yesu Kiristi ndi wa fyin ra, mna wa fyin numa ki dimi du, ki cin bu pajukun bua baa bà Cidon. M wa fyin waji numa ki cin waa jiji m kò ban fyin waa Yesu Kiristi ndi ko te nyaco ra, 25Cidon nde butso wakara ri kwami ki vo jiji m tsa ki byeni. Butso waji waa ku nde kwami ki vo ra ciri, jiji m nde ajia dan zan myi kata yi pajukun. 26Aji waji wakara waa m nde na dan yi pajukun ra, ndi yuyu rikon numa ci ki zo bu pajukun avo ndi gbogbo numa dzu jinni bi, Ama tanma numa ku pofan fin aji waji zan myi ta yi pajukun'a ra. 27Cidon mbyà san hwan'a waa jiji ku tà yi pa­ jukun be mbyàyi danra, aji wa sansan numa. Aji waji ci aji wa dzu cin suu numa ki fin tsu pa­ jukun wani kata. Aji wa yuyu wakara waa ku pofan tà yii ra ciri, Yesu Kiristi ci fin mikyinni. Ki cin wakara numa hwa ni ho mikyinni so danra, niri ya baku ci dzun ki bye hwea. 28Abu wa hwa ina dan yi pajukun aji ki cin bu Yesu Kiristi, ina nu ko kani kata don, ikà byenzo ina fyenbe aji ki cin bu Yesu Kiristi, ki cin waa apa wama kwan cin ki dzun ba Yesu Kiristi kata apa waji ci apa wa byen titi numa ki bye Yesu Kiristi. 29Ábu wa tsa mna so hwan kiyo na tsa butso waa Yesu Kiristi yimi ra ba gbenmi kata, waa Yesu yiku na tsa butso ki dimi gbangban numa ra.

will be added

X\