2 BATASALONIKA 3

1Bazhenza, ajii wa ken niken ciri, ina voni ní kyepan bai ki bye ndedzwa jiji aji bu Cindoi Yesu Kiristi ku ya pyen mwa­ mwa jiji pajukun be panku ba ahwè ci tsadzu waa nī panku ba hwe ki byeni kire ra. 2Ní pya Cidon ku nwàdzui ki vo bu pa­ jukun baa baba, baa nwa nwe hora, ki cin waa bàa pajukun kata yi wajinderi ki bye Cidon ba. 3Ama Cindoi Yesu ci apa wajinderi, kuri yini tse ba agben, kuri nwàdzuni ki vo bu Shetan. 4Cidon hwa ī yinu byenbyen numa danra, nina tsa abu baa ī ndi nuni dòn kiyo danra, ni tsa ra. ī kana pya danra, niri tsa numa foji wa yaya ki pyen, 5Cin-doi ku tsa ní hwayi ba acon waa Cidon conni ra, kukà tsa ní hwa­ yi ba agben mikyin waa Yesu Kiristi gban ra. 6Bazhenza, ina nuni dòn ba azen bu Cindoi Yesu Kiristi, apa waa adia ma zen'a hwen wa tsa abu ba, kuma ten'a abe bu abu waa ī ndi fyen ta yini raba, ní gadi ba apa waji. 7Ani ba dini nī yinu danra, ayo waa ī ndi ci bye dzundzun bani ra, ī ndi na tsai abu jadi kiyo ba. San kari ní ten abei ni tsa numa. 8Ī ndi bài buju baba ki vo bu apa dzun ji ba, ama ī ndi kofyin tsa butso ba avo dii anyutu ba afitse ki cin waa jiji iká yini fyin ba. 9Ī ken waa í ndi dan yini danra, ní yii buju jiji í ji. Ama ī ndi tsai numa ba, ki cin waa jiji í tani nyaco waa jiji ní ten abei kiyo. 10Ko waa i ndi bani ci tiri ki bye dzundzun ra, ī ndi na nuni dòn danra, apa wa­ ma zen'ande ba aji bu abu wa tsatsa ba, níká yiku buju ku ji ba. 11Abu wa tsa ina dan numa ra, ki cin waa ī fo dón bu bandoi badati ki finni danra, adibe zen'a hwen wa tsa abu dzun bu dibe ba, se be ho zobe na so bye abu apa. 12Ina nu pajukun baaji dòn bàvo kiyo gbangban numa dan­ ra, bema jiji Cindoi Yesu Kiristi be bànde ba anube kyoo numa, jiji be tsa butso ba avo dibe, be du buju bu dibe jiji be ji. 13Ba-zhenza, níká nì ba abu wa san­ san wa tsatsa ba. 14Apa wama zen'ande bà abe bu aji waa ī dan ki fin afa wakara ba, ní wà dini sansan ba apa waji. Níká kwan abu dzun ki dzun baku ba, jiji atsenni ku panku. 15Ama níká ndeku so ci tsadzu ku ci ajo zeni ba. Ama ni nuku dòn, ní ndeku so ci tsadzu nwuza ki byeni. 16Cindoi wa senji mikyin wa na jinni, ku yini mikyin wa na jinni ki bye koke kata ko nukon. Cin­ doi ku bani ci dzun kata. 17Ajen wa nana wa ci kara ami Bulus mna tari ba avo dimi. Wakara ci amàu abu wa tatami ki fin afami kata. Wakara ci nyaco wa ta bu­ mi hun. 18Cindoi Yesu Kiristi ku sanni sansan numa kata ken cin dini.

will be added

X\