2 BATASALONIKA 2

1Bazhenza, ina voni ki cin wa kasen bibi bu Cindoi Yesu Kiristi, ba waa kuri hoi ri kwan dzun ki byea ra. 2Níká yi tuntun ku koni ki mikyin ba. Níká yi mikyinni vyin pukan jinni ki cin aji waa pajukun badati na zen danra, tanma numa anyunu bu Cindoi bayo ra raba. Ko apa dzun ma so dia danra, kuna zen aji bani ki cin waa Denden ta yiku ri, ko apa dzun ma zen aji ba anu yini, ko bema danra, ai ta aji waji ri ki fin afa kire. 3Níká zen nde fan azo yi apa dzun ku pujini ba, ko kuma tsanini waji kata. Ki cin waa se anyunu bu pajukun baa vyin pukan nyaken yi Cidon ra, ma kapyen tsa nwa­ dzu ra hunnu. Kati, apa wa tsa abu anwe ra, ri pwadzu ribi, beri bwanku ya kindo. 4Kuna cì dia, kuna so dia danra, ku kagben bu Cidon, ba ko kake kata waa pa­ jukun ri tu ben jinni wabe har kuna ka yaya ki tan wa wa Cidon kuna she dia danra ku ci Cidon. 5Ayo waa m ndi bani ci tiri ki bye dzundzun ra, m ndi na dan yini aji ki cin abu baakara numa, nī mujini ra? 6Tanma numa ní yinu danra, abu dzun panku so tiri ki jinni ki cin waa anyunu ma bayo ra hunnu kuri pwadzu ribi. 7Aji wa yuyu ki cin adòn wa gbekyankyan ra, na tsa butso ki vo tanma. Ama apa dzun ki tiri pan apa wa gbekyan adon ra so tiri ki jinni. Ayo waa azo bu apa waji ma jan ra hunnu be hun ri fu apa wa gbekyan adon ra ri ta myi ri. 8Ki nyaken wakara Yesu ri ven bwanku ba awo bu anwo wa hoho. Dede waa Yesu ma bi ki bye agbentsòn'a ra, kuri tsa­ baku caka caka numa. 9Anyunu waji waa apa wa gbekyan adòn ra ma bi ra, kuri bi ba agben bu Shetan. Kuri tsa abu baa kya­ hozo, ba abu baa ken nwo baa kuri kankan kuri puji pajukun kiyo. 10Kuri tsa atswi abu wa baba wani kata jiji kú puji pa­ jukun baa ri hu jan ba jinni gbo­ gbo numa, ki cin waa be zenbe nde ba aji bu Cidon jiji be du wa nwàdzudzu ba. 11Ki cin wakara Cidon ri tson azo abu dzun bi jiji ku nukwanbe fin mikyinbe yo jiji be yi wajinderi ki bye akan wa kankan. 12Jiji apa wama ndi zen'ande ba aji wa byenbyen ba, be taku fyin ki cin waa be ndi na foji abu wa ba­ babe wana tsatsa ra. 13Bazhenza baa concon bu Cindoi, fye waa í mbu mikyin ki cinni yi Cidon ko nukon. Ki cin waa Cidon ndi ceni avo ndi gbo­ gbo dzu kindo bi, jiji ku nwàdzu­ ní ba Denden'a wa nyenye, jiji ní ci nyenye numa, ki cin waa nī yi wajinderi ki bye ajia wa byen­ byen ra. 14Ku bani nde bi dzu di bu ajia waa ī ndi dan yini ra, jiji ni du ahwè ki di bu Cindoi Yesu Kiristi. 15Ci numa ra, bazhenza, ní pantse ba agben. Abu baa fyenfyen baa ī ndi zen aji ba anu fyen ta yini ra, kwan ba aji baa ī ndi tata ki fin afa fyen ta yini ra ní pan sanbe sansan. 16Cindoi Yesu Kiristi ba dia ba Atai Cidon wa con ajii, wa zen gban'i mikyin'i yo keke numa yaya, wa ki bye wa san­ san'a ku hwa ī ho hwan'i so bye wajinderi ra, 17Kú zen gbanni mikyinni yo, ku hwa ní so hwan ki bye abu wa sansan wa tsatsa, ba aji wa sansan wa zenzen.

will be added

X\