2 BATASALONIKA 1

1Ami Bulus ba Silas ba Ti­ moti ina ta afa wakara ri na yini, ani bi bu pajukun baa bà Yesu ki Tasalonika, ani pajukun baa ci abu Atai Cidon ba Cindoi Yesu Kiristi. 2Atai Cidon ba Cindoi Yesu Kiristi ku sanni san­ san, ku yini mikyin wa na jinni. 3Bazhenza, ci ken í mbu mikyin ki cinni yi Cidon ko nukon. Fye waa í tsa numa ki cin waa nina yi wajinderi ki bye Yesu Kiristi, nī kana con dini na kwan yo foji wana yaya ki pyen ra. 4Ina zen aji ki cinni caco kiyo ki pyen bu pajukun baa bà Ci­ don, ki cin waa ni gban mikyin pantse ba gbenni nina yi wajinderi ki bye Yesu Kiristi ki fin afyin baa duni kata ra. 5Wakara tà ki fa byeya numa danra, Cidon ci apa wa gayi kwen ndafan jinni. Ki cin afyin baa ni wa ra, fye waa ní kaya ndo tson bu Cidon. 6Cidon ri tsaa abu wa rimyi ba. Pajukun baa na tani fyin ra, Cidon ri banbe ton yo banban. 7Ani baa na wa fyin hora, anyunu waa Yesu Kiristi Cindoi, ba zhen­ tsōn bandoa baa gbangban hora ma dzu ki hwadon dzwa jinni ra, niri bi ngha nwo dini, kà kwan bai du. 8Kuri bi ba apyu jiji ku naten pajukun baa sinni Cidon ba pa­ jukun baa ndebe cinbe na jinni fo aji ki cin bu Cindoi Yesu ba. 9Beri wa fyin wa bwan ji pajukun wa ci kenken numa keke yaya. Beri du­ be azo bu Cidon ri mbyà ba. Be kari dube gbentsòn'a ki zobe ri mbyà ba. 10Anyunu waa kuri ka­ sen bira, pajukun bandoa kata ri yiku hwe. Ani pajukun baa yi wajinderi ki byea ra kata niri she ashia anyunu waji. Ki cin waa ni yi wajinderi ki bye aji waa ī ndi dan yini ra. 11Ki cin wakara ina dzwa nde ina pya Cidon weni yo ki cinni ko nukon. Ki cin waa jiji Cidon ku hwa ní tsa abu wa we ba ndeba waa ku bani ra. Cidon ku ga abu baa sansan baa nina nya kata yini. Kú tsa banni abu baa nina tsa kata yo. Kú kwanni wajinderi kiyo. 12Jiji ní yi zen bu Cindoi Yesu hwe. Nī kari du ahwè ki dia ki bye wa sansan bu Cidon ba Cindoi Yesu Kiristi.

will be added

X\