2 BITRUS 3

1Bandomi baa concon, waka­ ra ci afa wa kwan pyinna waa m ta yini kara, Ki fin afa baaji baa kwan dzun pyinna baa m ta yini hora, mna kyepanni aji baakara yo, ki cin waa jiji m dado mikyinni so don ní ga aji sansan numa ki cin aji baaji. 2M dan aji ki cin abu baakara numa, ki cin waa mna con ní kyepan ba aji baa pajukun baa da dòn bu Cidon ndi dan gbogbo numa ra. Níkà kyepan ba aji waa Cindoi apa wa nwàdzui ndi nuni don ki cin'a dzu nu bu abe fotson'a baa ku tsonbe bi byeni hora. 3Abu wa kapyen kata waa ní yì eiri, anyunu wa kennu pajukun ri tsa abu wani kata wari vyabe ki hwanbe, beri vyenni vyon 4dan-ra, "Yesu ndi genu danra, kuri kasen bi, avo jinna ba, Yesu waji kini? Abe bayakui hu ya hwan gbogbo numa ra, ama koke kata cia tiri kyoo numa ci tsadzu waa be ndi mà tswen kan ma tswen kù ra. Abu dzun numa vyin pu­ kan'a jinni ba." 5Be nghabe bu para numa danra, Cidon ndi zen'aji hunnu ku hun mà bye don ba bye jinni ba. Ku ndi ko jape mbyā abye wa ki myi kiyo. Ta danra bye myi pwadzu fin jape dzu. 6Cidon kà ndi tsa bu­ tso ba jape ku hwa jape jire fin tswen wa ndi gbogbo don ki bye anyunu wa hun ra. 7Cidon ka ba dia dan aji danra, abye don ba bye jinni waa ina mbyà jinna ka­ ra, Cidon ri yibe ci numa keke bazo bu anyunu waa apyu ri ji tson koke kata ra. Watoo, anyu­ nu waa Cidon ri fo pajukun kata kwen, kuri bwanji baa fobe tson'a bara. 8Bandomi baa concon, abu dzundzun numa ki tiri wa fyea waa ní muji baku ba. Abu waji ciri, anyunu dzundzun ci tsadzu anyunu dipa tswanna ndo dzwe ki bye Cindoi. Aju dipa tswanna ndo dzwe ka ci tsadzu anyunu dzundzun ki byea. 9Pajukun ba­ dati na so danra, Cindoi jadi wa tsa abu waa ku ndi genu ki cin'a danra, kuri tsa ra. Ama cia numa ba, abu wa tsa ra ciri, Cidon na gban mikyin bani ki cin waa ku con'a waa apa dzun ku hu tsaba cin dia jinni numa azota ba. Ku­ na con jiji ko kani kata ku fan abu wa babaa jinni. 10Anyunu waa Cindoi ri kasen bira, kuri bi tsa bwa numa ci tsadzu avyu. Ayo waji pajukun ri fo nde wa gbangban numa, abye hwa cucu ki don ri jan ba jinni ki zo. Abu baa ki don, ba abu baa ki jinni, apyu ri ji tson tsababe jinni kata mburu mburu numa. Afin tswen ba abu baa be tsa so fin'a kata ri tson tsababa jinni. 11Ci tsadzu waa koke kata ri jan ba jinni ki zo numa ra, abu wa fye kari waa ní tsa, ní ci nyenye numa, ní fan voni ba be­ ni yi Cidon ki bye abu waa nima tsa kata. 12Ní pya jiji ku bi gee ba mbwari, Anyunu waji ci anyu­ nu waa apyu ri ji tson tsaba abye hwa cucu ki don mburu mburu numa. Abu baa ki don ba abu baa ki jinni apyu ri ji tson tsa­ babe jinni mburu numa kata. 13Ama í ho hwan'i so bye anuge waa Cidon gei danra, kuri mbyā mà abye wa ki don ba abye wa ki jinni baa ripye ra, waa koke kata wa ki finbe ribi ci sansan numa ndafan jinni. 14Ki cin wakara numa, bandomi baa concon, ci tsadzu waa nina ci bazo bu anyunu waji ra, ní so hwan kiyo jiji ní du mikyin wa na jinni ki pyen bu Cidon. Níká tsada abu dzun waa ku mbyà boni kiyo ba. 15Ní kyepan abu wa hwa Cin­ doi mba nyunu wa kasen bibi hwe numa ra ki cin waa pajukun be du nyaco wa nwàdzudzu ki vo bu kwen. Ci tsadzu waa Bulus nwuzai wa concon waa Cidon yiku zobyen ra, ndi tā yini ra. 16Ki fin afaa baa ku tā ra kata ku zen aji ki cin abu baakara. Aji badati ki fin afaa baa­ ji hwayi tutu. Pajukun baa jeje baa pantse kabe ki bye dzundzun kyoo numa raba, be pan cinna bu aji baaji vyin pukan jinni, ci tsadzu waa bena vyin pukan aji badati ki fin afa badati ra. Bena gbé aki na yi dibe hun. 17Ama buni ki byeni bandomi baa concon, nī kapyen yì abu baakara gbogbo numa ra. Ci numa ra, ní tsa sansan ki cin waa pajukun baa na tsaba aji bu Ci­ don ra, bé byeni bé hwa yini kokwi ni ten abebe ki bye ada wa baba waa bena tsa raba, Níká gbè abe ko titi numa ki bye waa nī pantse yo raba. 18Ama ní hwe byen pajukun bu Yesu Kiristi Cindoi apa wa nwàdzui ku sanni sansan kwan yo foji wa yaya ki pyen, ní yìku kwan yo foji wa yaya ki pyen, ní yìku kwan yo. Pan kire jinna ya­ ya ki pyen ahwè ci bua ko nukon. Ku ci numa!

will be added

X\