2 BITRUS 2

1Andi gbogbo pajukun baa da dòn bu akan do ki fin pa­ jukun bu Cidon ci tsadzu waa manu baa fyen abuu akan ri bòn kabi ki finni jinna ra. Beri kasen ya ho abu baa fyenfyen baa baba ri fyen ta yi pajukun beri tsababe cindibe yo. Beri tson nutson danra, be yìbe Cindoi wa hwa penrebe ki vo bu abu wa baba raba. Be gbe aji wa ciho numa be dibe ki cin ra. 2Pajukun suu numa ri ten bebe ri tsa abu wa bababe waa bena tsa ra. Ci numa ra, beri hwa pajukun ri zen aji tsaba nyaco bu aji wa byenbyen. 3Manu baa kankan baaji hora be ho zobe so bye abuu pajukun badati ko nukon. Beri mà aji badati ri kankan beri pujini kiyo. Ki cin waa jiji be du abu ki dini. Cidon ge kwen ki cinbe gbogbo numa ra. Ku mbyā mbyàa dia soso numa ci ju na ge cinbe waa kuri bwan jibe. 4Andi gbogbo dzu jinni bi, zhentsōn bu Cidon baa tsa abu wa baba hora Cidon fan'abe adi tata numa azota ba. Ku tswa suube nyaya ki fin pyu ki kindo ki fin shi baa na tsuken jinni gyu numa. Beri ci bye waji numa ba­ zo anyunu waa beri fobe kwen. 5Pajukun baa tsa abu wa baba, ku ndi fan'abe numa adi tata azota ba. Ku yi acu ta gbanyo ji hou pajukun baa fobe tson'a ba­ ra don kata ki fin tswen. Pa­ jukun baa ku nwàdzube ki vo bu jape waji ra, be ci Nuhu wa ndi na da dòn na dan yi pajukun danra jiji be tsa abu wa sansan numa ra. Ka ba pajukun badati kwan dzun tsupyen. 6Atswen baa beri babe danra, Sodom ba Gomora ra Cidon natenbe ku yi pyu ji tson tsaba tswen baaji jin­ ni kan tsonpyu kata. Ki bye wa­ kara ku ta nyaco bu fyin waa kuri ta pajukun baa fobe tson'a ba. 7Ayo waji ku nwàdzu Lot apa wa tsa abu wa sansan. Mikyin bu Lot ndi tsaba jinni ki cin abu wa baba waa pajukun baa tsa abu wa baba ndi ci fin'a na tsa ra. 8Aku Lot apa wa tsa abu wa sansan wakara ku dzo ci fin pajukun baa baba baaji, kuna mbyà abu wa baba waa bena tsa ko anyunu wani ranu. Ku kana fo aji wa baba wana dzu ki nube ranu ba tson dia. Abu waji waa bena tsa ra naku kyin kagben, ki cin waa aku ba dia ku ci sansan numa. 9Abu baakara baa ndi gbogbo ra, tà yii danra, Cidon yì nyaco waa kuri nwàdzu bua ki vo bu fyin wama dube. Kukà yì nyaco waa kuri ta pajukun baa tsa abu wa baba fyin kiyo nu, nde numa ya zan anyunu waa kuri fo pajukun kata kwen. 10Tuntun pajukun baa ho cinbe dzo bye abu wa vyavya wa baba waa bena tsa, be kana sinni gbentsòn ra. Manu baa kankan baa ci kara, be zinbe azin bu abu dzun ba, be hwabe ce bu apa dzun ba. Bekà zinbe azin waa be zen aji ki cin bu baa sen hwe ki don béna tsobe ce ba. 11Ko zhentsōn bu Cidon baa kā manu baaji ba gben pyuu numa ra ma be tsobe manu baa kankan baaji ce ki pyen bu Cindoi ba. 12Pajukun baakara na zen aji na tsoce ki cin abu baa be hwà yibe cinnabe ba. Bena pwa hwan tsa butso numa azota. Bena tsa abu ci tsa­ dzu awī wa hwan waa Cidon màbe ki cin waa apa ku panbe ge bwan dzwan. Beri bwan jibe numa du ci tsadzu awi wa hwan. 13Abwi bu abu wa baba waa be ndi na tsa pajukun ra ri panbe panpan. Pajukun baaji baakara bena con jiji bena tsa abu wari vyabe ki dibe numa vinni ki tswen. Ko anyutu ma bena tsa abu baaji numa. Byecube ki finni gbe tsenni wa panpan beni ki cin, nī bani hwe ba. Be kwan cin ki bye dzundzun bani na ji buju ama be vyin pukan kasen yana byeni bena tsaba dibe ba abu wa baba wari vyabe ki dibe. 14Be ci pajukun baa nya agya ki byeya numa, Be tsa abu wa baba tea ki jinni kire ba. Bema mbyà pa­ jukun baa mikyinbe ci tashuma numa ki nyaco bu Cidon, bena byebe na tsa aso babe. Be lolo hwanbe soso ki bye abu wari vyabe ki dibe numa ko nukon. Be yore aji bu Cidon be dibe ki cin ra. 15Be fan nyaco wajinderi ta jinni yana bà nyaco bu Ba­ laam nwu bu Biyoro wa ndi vya aji bu abu wa dudu ki bye nyaco bu abu wa baba ra. 16Ama be ndi gbenku nde ki cin abu wa baba waji. Anyunu waji jakyi wa­ ri zen'aji bara zen aji yiku anyu­ nu waji ci tsadzu pajukun. Ku yi apa wa da dòn waji fan abu wana neku ra be jinni. 17Manu baakara baa kankan na fyen pajukun bu ra, be ci tsadzu byebo baa ri dzube jape ba. Bekà ci tsadzu afá wari zuzu awo ri sa kafanku jinni soo numa. Cidon mbyā bye wa naken jinni gyu numa nde sobe yo ra. 18Bena zen aji jeje numa, bena ndē dibe nya hwan numa azota, Bena nga jiji be bye pan pajukun baa na nga wa pwin dzudzu ki vo bu pajukun baa ki fin abu wa baba ra, jiji be fan dibe numa ki tswen yi tswi bu wa baba wani kata wari vyabe wa tsatsa. 19Bena ge pajukun nu dan­ ra, beri ci byecu bu akù dibe, ama abe ba dibe be ci anya bu abu wa baba. Ki cin waa abu wama ka­ gben bu apa kata, apa ci anya bu abu waji. 20Apa wama bi yì Yesu Kiristi wa ci Cindoi, kukà ci apa wa nwàdzui ra, kuma gadi ba abu wa baba wa ki fin tswen wakara wari tsaba apa ra, ki nyaken wa­ kara kuma kà vyin pukan mikyin'a kasen ya bye abu baa baba ki fin tswen wakara ma panku ma ji cin ki cin'a tiri, ta danra, abu waa ku ki fin'a tanma ra, baka wa ndi kapyen rari hun, 21Ma ci numa anu waa apa ku yì nyaco wa san­ san kata hunnu ku kasen ya vyin pukan mikyin'a ki nyaken fan aji waa Cidon nuku don kiyo ra, san­ fo kari waa kuká ndi yìa nyaco wa sansan waji ba. 22Abu waa pa­ jukun baakara tsa ra, ki byebe ta danra, anda waa be ka danra, "Abá hwabu kasen ya ngyo hou abu wa hwahwa waji don. Adzù wo nyee dia kà kasen ya dzu nde bye adzo," ra aji wajinderi.

will be added

X\