2 BAKORINTOS 6

1Ki bye butsoi ki dzun ba Ci­ don ina voni ani baa pan wa sansan bu Cidon ra niká panku dan numa ba. 2M dan numa ki cin waa Cidon dan ki fin Afaa danra, "M gon tson foni ki bye ayo waa ni du mupyen wa sansan ki byemi, m tsazani yo ki bye anyunu waa m nwàdzuni." Ní gon tson ní fo, tanma ciri ayo waa niri du mupyen wa san­ san bu Cidon. Jinna ciri anyunu wa du nyaco wa nwàdzudzu! 3Ī con'i waa apa dzun ku mbyà boi ki bye butsoi waa ina tsa raba, ci numa ra i con'i wa tsuken apa dzun nyaco bu Cidon ba. 4Ama ki bye abu waa i mana tsa kata ina ta danra ī ci zhen nya bu Cidon, ki bye fyin tswi tswi waa ina wa ra ina gban mikyin, ko dede wani waa afyin tswi tswi ma dui, ko kake ma tsari iri pantse gbangban numa. 5Be dai gba, pajukun na kya ajinu ki cin'i suu numa, ī dui pyo waa í ngha nwo ba, i dui buju wa jiji ba. 6Ī kà ta wajinderi byenbyen numa ki bye byecu wa ci nyenye, ba ayì ba mikyin wa gbangban, ba wa san­ san'i, ba Denden wa nyenye, ba acon wajinderi byenbyen numa. 7Ki bye ajii wa byenbyen waa iri dan yibe, ba pan tsetse waa ī pantse ki bye gben bu Cidon. Abu wa sansan wa we hwan bu Cidon waa ina tsa ra ci atswen ken'i hun. 8Anyunu dzun bena yii tsenni anyunu dzun beri tsoi ce, anyunu dzun beri nyāi. Pajukun ndei so tsadzu ī ci pajukun baa kankan, ama aji bui ci aji byen ko nukon. 9Pajukun ma mbyài be nde zobe ta hun tsadzu be mbyà yii ba, ama pajukun kata yii nu. Pajukun na dai gba, ama be da bwan'i ba, be mbyài tsadzu ī huhu numa ci ki zobe, ama ní mbyài ī ci riju foji wa yaya ki pyen. 10Ko waa bena yii mikyin wa pepe ra, ina mbu mikyin ko nukon. Ī ci pajukun baa tsa hwen ama ina yi pajukun suu numa na fa hwen, ko waa ī cii ba abu dzun bara, ki bye Ci­ don ī ci ba koke kata. 11Bazhenzami baa ki nyaco bu Yesu Kiristi baa ki Korintos i dan ta yini aji pofan fin mikyin'i kata yafan jinni yini. 12ī tsuken'i fin mikyin'i ki byeni ba, ani ciri baa tsuken'i fin mikyinni yo. 13Ama mna con m dan aji bani tanma ci tsadzu nī ci zhen baci baa titi. Ci tsadzu waa i ta yini con ba mikyin'i kata ra, ani du ní ta yii con ba mikyinni kata. 14Niká kwan cin ba pajukun baa yibe wajinderi ki bye Cidon ba. Tsanini abu wa sansan, ba abu wa baba ri kwan tswi? Tsa­ nini abye wa yafan jinni ba afitse ri kwan tswi? 15Tsanini Yesu Ki­ risti ba Shetan ribi ji vyon? Akake kwan apa wa yi wajinderi ri, ba apa wa yia wajinderi ba? 16Akake kwan atan wa wa Cidon vyon ri, ba aki? Ai ciri atan wa wa Cidon wa riju, ci tsadzu waa Cidon ba dia danra, "Ami Cidon mri babe ci bye dzundzun, m tsa àfá numa ki yobabe, ami mri ci Cidon bube, abe beri kan pajukun bumi." 17Cindoi Cidon ka danra, "Ki cin wa ci kara mna dan yini ní pwadzu ki finbe ní gadi babe, niká tsa abu dzun wa ci aso ba. Numa mri zen nde bani, mri panni ba mikyin dzundzun." 18Ami Cindoni Cidon wa ci ba hwe kari kata, m danra, "M ciri Atani, ani niri kan zhenzhenmi bawunu ba bawuwa."

will be added

X\