2 BAKORINTOS 4

1Ki bye wa hwihwi bu Cidon ku yii butso wakara, ci numa ra ī gei kyin ba. 2Ī gadi ba abu wa tsatsa wa yuyu ba abu wa pan tsenni wa tsatsa. Iri byei apa dzun bā, iri pukan'i aji dzun ki bye aji bu Cidon ba. Ama iri fu aji wa byenbyen ra yi pajukun ki byeya numa. Numa ra ko aji waa apa ma ga ki cin'i ku mbyà danra byecui ci sansan ki pyen bu Ci­ don. 3Aji wa Sansan bu Yesu Kiristi waa ina dan yi pajukun ra ci kon numa ki bye pajukun baa jan co maari. 4Abu wa tsa be yibe wajinderi ki bye Cidon bara ki cin waa denden wa baba waa pajukun baa ki fin tswen kire ri waku ra be tsuken zo mikyinbe ra. Ku be tsuken zobe jiji beká mbyà yi abye wa yafan jinni bu Aji wa Sansan wari ta hwe bu Yesu Kiristi ba, aku Yesu wa ci Cidon kyoo numa ra. 5Ina dan yií pajukun aji waji ki cin dii ba, ama ina dan yi pajukun danra Yesu Kiristi ci Cindoi. Ai ba dii ī ci anya ki byeni ki cin Yesu Kiristi. 6Cidon danra "Ki bye afitse abyeya ri pwadzu kiyo ya­ fan bye," ku ciri Cidon wa yi byeyaa yafan bye ki fin mikyin'i ra, jiji ki bye Yesu Kiristi í mbyà­ yi hwe bu Cidon nyenye numa. 7Ai baa Cidon yii wa sansan'a hwehwe numa ra, ī ci tsadzu ape jen, wakara na ta danra ai ba dii ī cii ba gben dzun ba, ama agben kata ri dzu bye Cidon bi. 8Ko ki bye yo wani ina wa fyin suu numa, ama ī hui ba. Ayo dzun ī ci fin hwan wa pyanpyan, ama ī gei kyin ba. 9Bena tai fyin, ama Cidon pukan'a nyaken yii ba, bena ten'i fo, ama be bwan jii ba. 10Ko ayo wani kata ina tswan aki bu Yesu ki dii na kyen jiji pajukun be mbyà cindi bu Yesu Kiristi na tsa butso ki mikyin'i. 11Ki bye byecui waa ī ci riju numa ki fin tswen kire ci ra, ī ci fin aki ko nukon ki jiji bu Yesu Kiristi, ki cin waa ko ima hu pajukun be mbyà cindi bu Yesu Kiristi ki dii. 12Wakara ta danra aki na tsa butso ki cin'i, cindi na tsa butso ki fin mikyin'i. 13Afa bu Cidon danra, "M dan aji ki cin waa m yi wajinderi." Ci numa ra ai ina dan aji du, ki cin waa ī yi wajinderi. 14Ī yì Cidon waji nu, wa ba do Cindoi Yesu Kiristi pwadzu ki bye ambi ba cindi ra, kuri doi numa pwadzu ba cindi ki bye dzundzun ba Yesu Kiristi kuri hoi kwan bani kata nu dzundzun ya ki pyen'a. 15Abu baakara kata ku tsa jijini ki cin waa jiji pajukun hwehwe numa be du wa sansan wari ka pyo foji wa yaya ki pyen ra. Numa ra pajukun hwehwe numa ri ta mikyin wa mbumbu yi Cidon ki bye hwea. 16Ki cin wakara ko anyunu wa kini ī gei mikyin ba, ko waa agben dii na kasen ba nyaken ridan ridan tsadzu iri huhu ra, ama ki mikyin'i jinna ba kyen ina du gben mikyin wapye. 17Afyin wa titi wari bi tsa fe numa ra ri gbe hwe hwehwe numa wa ci kenken ribi yii wa kagben fyin waji. 18Ki cin wakara ī loloi hwan'i so bye abu waa iri mbyà ba azo tanma ba, ama ki bye abu waa iri mbyà kai ba. Abu waa apa ri mbyàka ba zoa ri cifo titi numa vinni, ama abu baa apa ri mbyà kaa be ba azo ba, ri ci kenken ko nukon.

will be added

X\