2 BAKORINTOS 2

1Ki cin wakara m dan ki mikyinmi danra mri bi kami ki byeni jiji m tsabani mikyin ba. 2Mri ma ndi bi ki byeni tsabani mikyin, ki finni hora akani ribi zen gbanmi mikyin ri ri? Ma nwādzu ba ani maari vinni baa m tsani abu wa pe mikyin ra. 3Abu wa tsa m ndi ta afa yini ra ki cin waa m ndi conmi waa m bi ki byeni jiji pajukun baa fye wa hwa yi mikyinmi ku mbumbu be bi tsabami mikyin ba. M dan numa ki cin waa m yinu byen­ byen numa danra, ami ma ci ba mikyin wa mbumbu ani du niri ci ba mikyin wa mbumbu. 4Andi ayo waa m ndi ta afa yini ra, m ndi pe mikyin ken ra, ba nde­ kuto wa kuku ba janme ki zo, ki cin waa jiji niká pe mikyin ba, ama ní hwayi ba waa mna conni ba mikyinmi kata ra. 5Apa dzun ma tsaba apa dzun mikyin ku tsami ba, ama ku tsa pajukun hwehwe numa ki finni, m danmi danra ani katani ba. 6Atswi apa wakara nàtenten waa badati hwehwe numa ki finni naku ra, mba tiri ra numa. 7Tan-ma ra san kari ní fan abu wa babaa yiku, ní dan gbanku mikyin ki cin waa mikyin wa pepe kuká yi kyin'a gedzu ba. 8Ci numa ra mna voni ní tà yiku danra nina conku. 9Abu waa m ndi ta afa wa hun ra yini ra ki cin waa m ken mba foni m mbyà ko nina gon tson fo tson ba ajimi ko ki bye nyaco wani kata re. 10Nima fan abu wa baba bu apa yiku, ami du mri fan yiku. Ki cin wakara apa waa mma fan abu wa babaa yiku, in abu wa baba wama ci waa m fan yi apa ma ciyo, mri tsa numa ki cinni ki pyen bu Yesu Kiristi. 11Ki cin waa kyinye bu Shetan kuká kagben'i ba, ki cin waa ī yì abu waa kuri con ranu. 12Dede waa m fo ki finka Ta­ ruwasu jiji m dan yi pajukun Aji wa Sansan bu Yesu Kiristi, ko waa Yesu pofan nyaco wa tsa butso ki byeri yimi ra, 13mikyinmi wea ki jinni ba, ki cin waa m dumi Titus nwuzami ki bye waji ba. Ci numa ra se m dan yibe danra mri yami yaya ra, m pan nyaco wa ya ki Makidoniya foji kyon. 14Í mbu mikyin yi Cidon ki cin waa ki bye Yesu Kiristi wa ciri akù ken bui wari nde nyaco waa í ji ken bi yii, ai waa iri kwan cin baku ina dan ajia kapyo fye ho bye ra, ajia ci tsadzu abu wa nufyin wa sansan. 15Ai pajukun baa bà Yesu Kiristi ī ci tsadzu abu wa nufyin sansan waa Yesu Kiristi nde ri ndafan yi Cidon, ki bye pajukun baa Cidon nwàdzube ba baa ri hu ji jinni ki bye abu wa bababe. 16Ki bye pajukun baa jan co ī ci tsadzu abu wa nufyin wa baba ci tsadzu aki. Ama ki bye pajukun baa ba Yesu Kiristi ī ci tsadzu abu wa nufyin sansan wa ci ba cindi. Akani ken ri wa tsa butso wakara? 17Ai cii tsadzu pajukun badati hwehwe numa nde aji bu Cidon so tsadzu abu ti wa nde hwen fa hwen kiyo raba. Ama bui iri dan yi pajukun aji bu Cidon ba mikyin wa byenbyen tsadzu waa ku tson'i ra. Iri dan yi pajukun ki pyen bu Cidon ki fin zen bu Yesu Kiristi.

will be added

X\