2 BAKORINTOS 13

1Bibimi ki byeni wakara ri ci wa kwan tsara hun. "Bema dzwa akwen bu apa dzun, se ní fo aji ki nu bu apa pyinna ko atsara hunnu ní hun ge akwen." 2Andi m kapyen nuni pajukun baa tsa abu wa baba hora ba badati kata dòn ki bye akyonmi wa kwan pyinna ra gbogbo numa ra. Tanma numa waa m bamni ki byeni ra m kana nuni dòn kwan yo ci tsadzu waa m ndi nuni gbogbo ki bye akyon­ mi wa kwan pyinna ra. Mma ka­ sen bi ki byeni ra mri fanmbe adi tata azota numa ba, se mma na tenbe. 3Tsadzu waa nina con ni yi san byenbyen ko Yesu Kiristi bami ci bye dzundzun re ra, ayo waa mma natenbe ra hunnu beri yi san byenbyen danra Yesu bami ci bye dzundzun. Ku cia byebye numa wa tsa koke kata bani ba, ama ku ci ba gbentsòn. 4Anyunu waa be nde Yesu Kiri­ sti kan ki cin hin wa shon gege ra, ku ci tsadzu apa wa byèbyè numa. Ama ki bye butso bu Ci­ don ku do ba cindi. Ci numa du ai fotson ī bàini ba agben dzun ki byea, ama ki bye butso bu Cidon kū yii Denden jiji í dan yini aji ba agben. 5Ní mba fin mikyinni, ní mbyà sansan ko nī ci ba wajinderi re. Ko kani kata ku mbye dia aji ku mbyà danra ko ku ci apa bu Yesu Kiristi re. 6Mna pya danra niri mbyà danra ī koi she ba. 7Ina pya Cidon weni yo danra niká tsa abu wa baba dzun ba. Bà ki cin waa pajukun be mbyài danra ī ji cin ra vinni ba, ama ki cin waa ní tsa abu wa ci fin nyaco ndafan jinni byenbyen ko waa dzun tiri niri mbyà danra i koshe ra. 8Ki cin waa iri tsayii wa te aji byen bà jinni ba abe ba, ama iri tsa abu wa byenbyen. 9Ima bàini ba agben ani ma ci ba gben iri cu cucu. Abu waa ina pya kata ciri ní ci byecu nyenye. 10Abu wa tsa mna ta afa wakara yini ávo waa m ngha bimi ki byeni raba, ki cin waa anyunu waa mma bi ra, mká dan yini aji dzun wa tutu kagben ki bye gbentsòn waa Cindoi Yesu Kiri­ sti yimi raba. Ki cin waa gben­ tsòn waa ku yimi ra ki cin waa jiji m myini myimyi, bà ki cin waa m da gbanni nyanya ki jinni ba. 11Bazhenza, se anyunu dzun tiri. Ní mbyāsan byecuni, ní gon tson fo aji waa m dan yini ra. Ní zen nde ba dini, ní ci byecu bu vyon ba dini, numa ra Cidon bu acon, ba mikyin wa na jinni ri bani ci bye dzundzun. 12Ní nà dini jen kiyo ní gbe dini vo ba abe sansan numa. 13Pajukun baa bà Cidon kata na nàni jen kiyo. 14Wa sansan bu Cindoi Yesu Ki­ risti, ba acon bu Cidon, ba avyon wa banban bu Denden bu Cidon ku bani ci dzun kata.

will be added

X\