2 BAKORINTOS 12

1ken m caco, ama kuri tsazai yo ki bye abu dzun ba. Tanma mri ya pyen ba aji wa dandan ki cin abu waa Cidon ta yimi m mbyà ki zo mbu. 2M yì apa dzun wa ci apa bu Yesu Kiristi, aju dzwe nwa nyena baa nwādzu ya ba nyaken ra Cidon ndeku neya ki hwadon wa kwan tsara ki bahun. Ko ku neya ba agangan dia numa re, ko ku neyaa ba agangan di bare, m yimi ba, se Cidon yiri. 3Abu waa m yì ciri, Cidon nde apa wakara neya ki don, ko ku neya ba agan­ gan dia, ko denden'a neya ri kenken, m yimi ba, se Cidon maari yi ri. 4Ku fo aji badati baa fyea waa apa ku dan ba. Be ci tswi aji baa apa tsa yia wa zen aji ki cinbe ba. 5Ki cin wakara m tsayi wa nde apa wakara caco kiyo, ama mri cami co ba dimi ba, ama mri caco ki cin abu baa ri ta danra, m ci apa wa ci byebye numa. 6Ko mma con wa caco, ri cia aje wa jeje ba, ki cin waa mri bi dan aji wa byenbyen. Ama m nghami wa tsa numa ki cin waa apa dzun kuká ndemi so nwādzu ba waa m ci, ko nwādzu ba waa kuna fo ajimi ba. 7Ki cin waa Cidon con'a waa m cu cucu ndē dimi ki cin abu baa ku ta yimi mbyà ki zo mbu raba, ku zen nde, fan nwu nya bu Shetan bi tswàmi atswí ki dimi, ku yimi fyin jiji mká cu cucu kacin ba. 8M vo Cidon sen dimi dzwa atsara kata jiji ku nwàdzumi ki bye afyin wakara. 9Ama ku dan yimi danra, "Wa sansan bumi mba tiri ra numa, ki cin waa jiji pajukun bumi ma mbyà yì abyè dibe mri tsa vinni butsomi ki byebe ba gbentsòn-mi." Ki cin wakara mri mbu mikyin hwehwe numa ki cin waa m ci byebye numa. Numa ra gbentsòn bu Yesu Kiristi ri tsa butso ki byemi. 10Numa ra, ki jiji bu Yesu Kiristi, ko pajukun mana tsomi ce, ko m mana wa fyin, ko be mana tami fyin atswi tswi, ba azo bu baa ma dumi kata, mri gban mikyin, ki cin waa ayo waa mma ci byebye numa, ciri ayo waa mri ci ba gben. 11Mna tsa abu tsadzu apa wa jeje, ama ani hwami ri hunnu m tsa numa ra. San kari waa ani ní ci pajukun baa nyámi, ama nina mbyà pajukun baa kankan hora ci tsadzu be ciri fotson baa kami, ko waa m kenmi abu dzun bara, pajukun baa kara kami ba, ko titi. 12Àmà bu baa ri ta danra apa ci fotson wajinderi byenbyen numa ra, m gban mikyin tsabe ki byeni ra. M tsa abu baa kyahozo, abu baa ken nwo, ba butso baa ndanda numa. 13Ki bye nyaco wani waa pajukun baa bà Yesu ki bye dzun du mupyen wa san­ san ki byemi kani? Ko ki cin waa m kàmni ki di bara? Waa m tsa numa ra ma ci ada, ní nashan-yii yimi! 14Wakara ci akyon wa kwan tsara waa mna con m bi mbyà zoni kara. Mri bi kàmni ki di ba, ki cin waa mri bi nyami abu dzun nī ki voni ba, mri nyaani ba dini waji. Ki cin waa san kari, ata ba ayo ri tsaza zhenzhenbe yori, cia zhenzhen baa titi ri tsaza atabe ba ayobe ri yo ba. 15Bumi, mri bwan avo suu numa, mri bwan dimi kata kwan yo yini ki cin waa m tsazani yo ba mikyin wa mbu­ mbu, Ko waa m conni hwe numa ra, niri bi conmi kacin riba ho? 16Niri bi zen nde numa, ci numa ra m kàmni ki di ba. Ama dzun tiri apa dzun ribi danra, m ndi byenzo tswā pan mikyinni ba akan wa kankan. 17Ko ayo waa m ndi tson pajukun bandomi bi ki byeni ra, be pan abu dzun ki voni bi yimi ji? 18M vo Titus danra ku bi, m kà tson nwuzai wadzun ra baku kyen dzun bi. Ko Titus bi pan abu pyù dzun ki voni ji? Ina tsai tswi butso dzun­ dzun ba? Abe kyon'i wea ki dzun ba dii ba? 19Ko nina ga danra ī ndi na nga jiji í tsu nwa dii ki pyenni? Cia numa ba ko dzundzun. Ī ndi na zen aji ki cin bu Yesu Kiristi ki pyen bu Cidon yini kata ī ndi na myi sanni soso ki don, bazhenzai baa concon ki nyaco bu Yesu Kiristi. 20Mna we bon­ ban danra dzun tiri mma bi zan ki byeni ra, mri bi dumni ki bye tswi byecu waa mna con raba, ani du, dzun tiri ní dumi ki bye tswi byecu waa niri con ba. Dzun tiri mri bi du pajukun badati ki finni ci pajukun baa gbende, baa fifi, baa ngongo, baa condi, baa zen tsaba apa, baa dzwa aji, baa gya aji, ba baa tsa abu ndē di, tsa abu nyana cincin numa. 21M kana we bonban danra mma bi byeni ra Cidon ka yimi pan tsen­ ni ki pyenni ki cinni, ḿ bi pe mikyin ki cin waa pajukun badati ki finni suu numa baa ndi tsa abu wa baba avo ndi gbogbo be nghabe wa fan butso asobe wa tsatsa jinni, ba agbaza, ba waa be shebe abu wa baba dzun numa waa be ndi na tsa raba.

will be added

X\