2 BAKORINTOS 10

1Ami Bulus ba dimi mna voni ní gbagba ki di bu Yesu Kiristi wa nde cin'a na jin­ ni wa ci ba mikyin wa sansan ra. Ami waa ayo waa mma bani ci dzun mna danra m ci apa wari nde cin na jinni, m ci apa wa ci ba mikyin wa tashuma, ama ayo waa mma gadi bani ya ci bye dzun numa mna zen aji ba gban numa ki cinni. 2Ní gbagba ayo waa mma bi ki byeni ra niká temi jiji m zen aji ba gben ba. M yinu byenbyen numa m tsayi wa zen aji ba gben numa yi pajukun badati ki finni baa na danra abu waa ina tsa ra ina nya abu wa ki fin tswen azota. 3Ko waa ī yinu danra ī ci fin tswen kire, ama aken waa ina nu ra, ina nui ki cin waa jiji ī du abu wa ki fin tswen kire ba. 4Atswen bufó baa ina nuken waji baku ra, cia tswen bufó baa beri nuken wa ki fin tswen kire baku raba, ama atswen bufo bui waa ina nuken kiyo ra ci agben bu Cidon waa ina bwan abu wa baba bu She­ tan wa ci ba gben. 5Pajukun baa ri ye ayepye ina panbe ba aji, abu waa pajukun ma nde so na caco kiyo be tsukenbe azo waa be yì Cidon, iri da gbànku nya jinni. Iri nuken ba aji wa baba wa gaga ki mikyin bu apa jiji ku nde cin'a na jinni yi Yesu Kiristi. 6Ayo waa nī zen nde fan voni ba abeni kata yi Yesu, ki nyaken nima gban cin iri na tenni. 7Ní wezo ki pyen ní mbyà. Apa dzun ki finni mana so dia danra ku ci apa bu Yesu Kiristi, ku kye­ pan, ci tsadzu waa ku yinu byen­ byen numa danra ku ci apa bu Yesu Kiristi ra ai ma ī ci numa du. 8Ko mma caco ba agbentsòn waa Cidon yii ra ki byeya numa cia abu wa pan tsenni ki byemi ba. Ki cin waa agbentsòn waa Cidon yii ra, ku yii ki cin waa í myini myimyi, bà ki cin waa í dā gbanni da gban­ gban ba, 9Aji baa mna ta ki fin afa wakara niká ga danra mna con jiji m hwani azin ba. 10Ki cin waa badati ribi danra, "Aji wa ki fin afa bu Bulus ra tutu gban kpo kagben, ama apa ma mbyàku ki zo numa ku ci byebye numa zen aji dzu nua dzu tashuma numa." 11Tswi pajukun baakara bé hwayi sansan danra aji baa ī ta ki fm afa ra ī ci ki bye dzun ta, ayo waa ima bi ki byeni ra iri tsa butso babe numa, 12Ī con'i waa ī nde dii hwà ba pajukun badati baa na nyā dibe hora ba! Bena zama ba dibe bena son hwe ba dibe. Be je kagben. 13Ama bui iri cai co wa nwādzudzu ba, iri cacoi kata te bye waa Cidon yii tsa butsoi teyo vinni. Ani pajukun baa ki Korin­ tos ni ci ki fin bye waa ī tsa butsoi kiyo du. 14Ai ciri pajukun baa kapyen bi ki byeni dan yini Aji wa Sansan bu Yesu Kiristi. Ani ci dzundzun ki fin tswen waa Cidon yii danra í tsa butso kiyo. Akyan Cidon rima kyan danra iká tsa butso ya zan ki byeni ba, iri kyan danra ī tsa butso nwādzu ba ashe ra hun. 15Tswen baa Cidon yii tsa butso zan yo bara, iri nyāi dii ki cin butso waa pajukun badati tsari ki bye waji ba, Ama ina con wajinderini ku gban foji wa yaya ki pyen ki pyen, ina pya danra iri tsa butso kari wa ndi keke ki finni ya ki pyen ki bye waa Cidon yii danra í tsa butso teyo ra. 16Ci numa anyunu dzun iri nwādzuni ya ki tswen badati í ya dan Aji wa Sansan bu Yesu Kiristi. Butso waa apa dzun ma kapyen tsari iri con'i waa í nyā dii danra ī tsari ba. 17Be ta ki fin Afa bu Cidon danra, "Apa wama con wa caco, ku caco ba abu waa Cidon tsa." 18Apa wama ri caco nyā dia pajukun ri zenbe nde baku ba, se apa waa Cidon ma caco ki cin'a nyaku.

will be added

X\