2 BAKORINTOS 1

1Ami Bulus waa Cidon ce nwàmi ci fotson bu Yesu Ki­ risti, ba nwuzai Timoti ina ta afa wakara ri na yini ani pajukun baa bà Cidon baa ki finka Ko­ rintos ba tswen baa ki fin jen bu Akaya kata. 2Atai Cidòn ba Cindoi Yesu Kiristi ku yini mikyin wa na jinni, wa sansan ku bani ci dzun. 3Wa sansan ku kwan Cidon Ata bu Cindoi Yesu Kiristi aku Atai Cidon wari hwi cicii, aku Cidon waa wa tsazaza ri dzu byea ribi ko nukon. 4Kuna yii agben mikyin ki bye tswi fyin wama dui kata, ki cin waa ko tswi fyin wani kata wama du pajukun badati í tsayi wa dan gbanbe mikyinbe yo du. Iri tsa numa ki byé gben mikyin waa ī du ki bye Cidon ra. 5Ki cin waa ī wa za Yesu Kiristi fyin ki dzun ra, ki dia iri du gben mikyin hwe­ hwe numa. 6Ima wa fyin, ī wa jiji wa tsazazani ba wa nwà­ dzudzuni, Cidon ma tsazai yo, ku tsazani yo ra du hun waa ní du gben ní pantse gbangban, gban mikyin ba tswi fyin dzundzun waa ī ndi wa ra. 7Ci numa ra ī gei mikyin ki cinni ba, ko titi. Ī yinu danra tsadzu waa nina wa tswi fyin bui waa ī ki fin'a ra bai ki dzun ra, ī yinu danra Cidon ri tsazani yo ci tsadzu waa ku tsa­ zai yo ra. 8Bazhenza, ī con'i waa í fanni so akon numa ki cin afyin waa ī ndi wa ki Asiya raba. Afyin baa dui kiyo ra kagben dii, ī ndi ga danra iri huhu. 9Ina ga ki fin mikyin'i danra be gei kwen wa ya kindo ra. Abu wa tsa tswi fyin baakara dui numa ra ki cin waa iká zan di ki bye gben di bui ba, ama í zan di ki bye Cidon wari dadze pajukun baa huhu ra. 10Cidon nwàdzui ki fin fyin wa con wa bwan'i, kuri nwàdzui ki pyen kire du, ī lolo mikyin'i so dia danra kuri nwàdzui kwan yo tiri. 11Ani du, ci ken ní pya Ci­ don wei yo. Numa ra pajukun hwehwe numa ri mbu mikyin yi Cidon ki cin'i. Beri fo danra ī du wa sansan bu Cidon ki bye ayo waa Cidon pan ndedzwa bu pajukun hwehwe numa ra. 12Abu dzundzun waa ina caco kiyo ciri, aji wa gaga bui na ta yii ki fin mikyin bui danra byecu bui ki fin tswen wakara ci sansan numa ki pyen bu Cidon ba pajukun bani kata. Ī cii byecu waji numa ki bye kyinye bu pajukun ba, ama ki bye wa sansan bu Ci­ don. 13Ina ta afa wakara na yini ki cin abu waa nī hwayi maari. Ina ga danra niri mbyà yinu sansan numa. 14Andi kapyen ra nī hwa yini ba abu waa ī ndi fyenni ra kacin ba, ama tanma ra ina con ní hwayi sansan numa jiji anyunu waa Cindoi Yesu Kiristi ri kasen bi ra ní fo vya bai ci tsadzu waa ina fo vya bani ra. 15M hwayi ba wakara nu kata hunnu m ndi mbyā adi kyon wa kapyen jiji m bi mbyàni jiji ní du wa sansan bu Cidon sen dini dzwa pyinna. 16M ndi so danra mri kapyen ban dzu byeni hunnu m hun nwādzu ya ki Makidoni-ya, mma do ki Makidoniya ra mka kasen dzu byeni jiji ní dzo­ mi tabe wa ya ki Yahudiya. 17Tanma mna mbyeni danra ko waa m dan numa ra m ci tsadzu apa wari pukan aji mwamwa? Ko waa m dan numa ra m ci tsadzu apa wa ki fin tswen wa yia Cidon ba, ri dan ra, "M zen nde ra." Mwamwa numa kuka pukan a danra, "M zenmi nde ba?" 18Tsadzu waa ci aji wajinderi byenbyen numa danra Cidon ri pukan'a aji bara, ci numa aji baa ī dan yini ra cia aji wa jojo ba. 19Aku Yesu Nwu bu Cidon waa nī fo aji ki cin'a ki numi, ba Silas, ba Timoti ra, cia aji wa jojo ba. Ci aji wajinderi ko nukon. 20Ki cin waa aku ciri apa wa zenmu nuge baa Cidon ge ra kata, Ki bye Yesu Kiristi iri danra, "Ku ci numa", jiji í yi zen bu Cidon hwe. 21Cidon ciri apa wari yii gben mikyin, kuri yii gben mikyin jiji ai kata í pantse gbangban numa ki bye Yesu Ki­ risti, Cidon ndei ri so jiji í ci pajukun bua, 22Cidon kyii sin'a ki di, ta danra, ī ci pajukun bua ku yii Denden bua ki mikyin bui wa ta danra kuri yii hwe ki pyen kire. 23Aji wa ki mikyinmi Cidon ri zen numi. Ku yinu danra abu wa tsa m bimi ki byeni ki Korin­ tos bara ki cin waa mká yini fyin ba. 24Iri con'i waa í teni tete ni yi wajinderi ki cin abu dzun ba. Ki cin waa nī tse ba wajinderi gbangban numa. Ama ina tsa numa ki cin waa ní mbu mikyin.

will be added

X\