1 TIMOTI 4

1Denden wa nyenye na dan yii ki byeya numa danra, ki fin yo dzun wari bi ki pyen ra pajukun badati ribi fan wajinderibe jinni, beri gon tson ri fo aji bu denden baa kankan, beri bà abu wa fyenfyen bu ajon baa baba. 2Abu wa fyenfyen baakara dzu nu bu pajukun baa kankan baa nari byebe ra ribi, mikyinbe pyi ken jinni ra ci tsa­ dzu be nde ashó dzo pyu nde tsònbe kiyo. 3Atswi pajukun baaji ri den pajukun aben wa banban ba dibe, be kari danra, pajukun bé she atswi buju badati sheshe, ama buju baa Cidon mà ra ki cin waa pajukun baa yi wajinderi ki byea kà yì ajia wa byenbyen ndafan jinni ra bé pan buju baakara ba mikyin dzun­ dzun be ji, be mbu mikyin yi Cidon. 4Ki cin waa ko kake waa Cidon mà ra kata ci abu wa san­ san, ci numa ra abu dzun wa sheshe baani, apa kú pan ko ka­ ke ba hwan dzundzun ku dzwa nde ku mbu mikyin yi Cidon. 5Ki cin waa aji bu Cidon ba ndedzwa wa dzwadzwa mbyāsan buju waji ra. 6Uma nde abu wa fyenfyen wakara fyen yi bandoi baa bà Yesu, uri ci apa wa kofyin tsa butso wa Yesu Kiristi ndafan jin­ ni sansan; ki cin waa una pyu diu ba aji baa ù yi wajinderi kiyo ra, ka ba abu wa byenbyen waa una bà ra. 7Ú gadi ba aji baa màmá ciki ciki ra. Ú tà diu fyin ú ci byecuu ndafan jinni sansan numa we mikyin bu Cidon. 8Pa-jukun badati na ta dibe fyin jiji adibe kú yafan jinni jiji be du gben, wakara sansan. Ama abu wa san kari ciri apa kuna tà dia fyin ki cin waa kuna nyà jiji ku bà Cidon, ki cin waa ku genu danra, apa wama tsa numa kuri du cindi wa ki myi kire, ba cindi wa ci kenken wa anyunu wa kyen. 9Aji wakara ci aji wa byen­ byen wa fye waa apa ku pan ba mikyin'a kata. 10Abu wa hwa ina kofyin na nga ra ki cin waa ī ho zoi so di bu Cidon wa ci ba Cindi wari nwàdzu ko kani kata ra, tuntun baa na yi wajinderi ki byea raba. 11Ú nu pajukun dòn ki cin bu abu baakara, úkà nde fyenbe yo. 12Úká dada fan zo yi pajukun be sinniu danra ù ci tiri nwutishe ba. U ci byecuu pan diu bi dzun sansan, jiji be fyen bu kiyo ki diu, ki bye aji wa zenzen u, ba tswi byecuu, ba acon wa con pa­ jukun, ba wajinderiu waa ù yi ki bye Cidon, ba abu baa ù mana tsa kata ku ci nyenye. 13Ú nde diu yi Afa bu Cidon una tsa tà yi pajukun ki byeya numa, una nube dòn, ú kana fyenbe abu kapyen waa mri bira. 14Ká nde abyon waa Cidon yiu dzu bye Denden bu Cidon bira hwa janta kiyo ba. Abyon waa Cidon yiu ki bye yo waa baco ndi ho vobe sen u ki cin u, waa apa dzun na da dòn na zen aji bu Cidon ki cin u ra. 15Ú so hwan kiyo una tsa abu baakara, ú kon diu so una tsabe jiji ko kani kata ku mbyàyi danra, una ya pyen. 16Ú wezo ú mbyà diu sansan, úkà wezo ú mbyà abu baa una fyen pajukun ra. Ú pantse ki cin abu baa una fyen ra gangan numa, ki cin waa uma tsa numa, uri nwàdzu diu, ba baa una fyenbe bena gon tson na fou ra.

will be added

X\