1 BATASALONIKA 4

1Bazhenza, ina con i dan yini aji wa ken niken. Abu baa ni ndi fyen ki byei jiji ni tsa abu wa we hwan bu Cidon ra, ina voni ba azen bu Cindoi Yesu ni foji atswi abu waji wa tsatsa numa kwan yo yaya ki pyen. 2Ani ba dini ni yi abu wa fyenfyen waa i ndi fyenni ki bye agben bu Cin­ doi Yesu ranu. 3Abu waa Cidon ri nyà ki byeni ciri, ní kon dini so hun nyenye numa yi Cidon. Níká tsa agbaza ba. 4Ko kani kata ki finni ku ban wuwaa ki bye nyaco wa nyenye numa wa ci ba hwe. 5Bà ki bye nyaco bu aso ci tsadzu waa pajukun baa yibe Cidon ba ri tsa raba. 6Apa dzun kúká nwa apa dzun nwe ki cin abu wakara ba. Ki cin waa apa wama tsa abu baakara numa, Cidon ri banku ton'a yo banban ci tsadzu waa i ndi fyen ta yini bàvo kiyo ra. 7Cidon bai'inde ki cin waa jiji i bi tsa abu wa baba ba, ama ki cin waa jiji i bi ci nyenye numa. 8Ci numa ra apa wama sinni ba aji wakara, kuna sinnia apa ba, ama ku sinni Cidon wa yini Denden wa nyenye ra. 9Fyea waa i dan yini dandan danra, ni con bandoni ba, ki cin waa Cidon ba dia fyen ta yini danra, ni con dini. 10Ajinderi ni­ na con bazhenzani baa ki Maki­ doniya ra numa kata. Ama bazhenza, ina voni danra, ni foji wa tsa numa kwan yo yaya ki pyen. 11Ní nga jiji ni ci byecuni ni ho mikyinni we jinni kyoo numa ni so hwan ki bye abuni wa tsatsa. Ní tsa butso ba avo dini ci tsadzu waa i ndi fyen ta yini ra. 12Nima tsa numa pa­ jukun baa ki myi ri mbyàni ba hwe. Niri nyanini abu ki voni ba. 13Bazhenza, i con'i waa i fanni so azo kon numa ki cin bu pa­ jukun baa huhu ba. Ki cin waa níká ci na tsaba mikyin ci tsadzu pajukun baa sobe hwan danra, apa ri do don pwadzu ki shimbi raba. 14I yi wajinderi danra Yesu hu aki, kukà do don pwadzu ki shimbi. Ki cin wakara i yi wajinderi danra, anyunu waa Yesu ri kasen bi ra, Cidon ri ho pajukun baa ndi yi wajinderi ki bye Yesu ra ri kyen dzun ba Yesu ribi. 15Aji baa ina dan yini kara, ina dan yini ci tsadzu waa Cindoi ba dia dan jiji i dan yini ra. Ai pajukun baa ci tiri riju ra, dede waa kuri kasen bira iri doi ki don kapyen yi pajukun baa ndi huhu hora abye ba. 16Anyu-nu waji wa hun ra, Cindoi ri dzu don bi ba dia, kuri bānde ba gben numa. Acin bu zhentsōn bu Cidon ribi nyande, beri nwe ahyu bu Cidon. Cindoi Yesu Ki­ risti ri dzu ki hwadon bi dzwa jinni ba dia. Pajukun baa huhu baa ndi yi wajinderi ki bye Yesu Kiristi ra, ri kapyen ri do don pwadzu ki shimbi. 17Ki nyaken wakara hunnu Cidon ri hoi ai baa ci tiri riju kwan dzun babe ki bye dzundzun ya shon Cindoi ki nyaco ki bye anandi ki hwa cucu ki don. Iri ci bye waji ba Cindoi numa keke yaya. 18Ci numa ra, nina zen gban dini mikyin yo ki cin aji baakara.

will be added

X\