1 BATASALONIKA 3

1I mbyà danra jiji i cici i gban kai mikyin ba. I mbyà danra san kari ai pajukun badati i ci ki Atina. 2I tson Timoti wandoi, wana tsa butso bu Cidon bai ki dzun, ina dan aji ki cin bu Yesu Kiristi ra bi ki byeni jiji ku zen gbanni mikyinni yo, ni pantse san gbangban numa ki bye wajinderi. 3Ki cin waa apa dzun ki finni kúká vyin pukan mikyin'a jinni ki cin afyin wa du­ ni raba. Ani ba dini ni yinu dan­ ra, bui be ndei so danra, i ci pajukun baa wa fyin numa. 4Avo ndi gbogbo waa i ndi bani ci tiri ki bye dzundzun ra, i ndi dan ge yini ba mbwari numa danra, afyin nai ki tiri ki cin ki pyen. Abu waji bi ci numa ajinderi. Ani ba dini ma ni yinu numa. 5Ki cin wakara m gban kami mikyin ci ba. M tsontson bi byeni ki cin waa jiji m fo aji ki cin wajinderini. M ndi na we bon­ ban danra, dzun tiri ba, Shetan bye pan honi ra. Mká dan afyin butso waa i ndi ko ki byeni koko ra, i ko nya hwan numa azota ba. 6Ama waa Timoti kasen dzu byeni bi byei ra, ku dan yii aji wa vyavya wa fofo ki cin wajinderini ba acon wa ki mikyinni. Kukà dan yii danra, nina kyepan bai, nina mbu mikyin ki cin'i ko nukon. Nina ma jiji ni mbyà azoi ci tsadzu waa ina ma jiji i mbyà azoni ra. 7Bazhenza, ko waa ina wa fyin, ina kofyin ra, waa i fo danra, ni pantse gbangban ki bye wajinderini ra yii agben mikyin. 8Tanma nwoi ko jinni ra, ki cin waa ni pantse sansan numa ki nyaco bu Cindoi ra. 9Iri mbu mikyin nini yi Cidon ki cinni hun? Cucu waa ina cu ki pyen bu Cidon ra kata ina cu ki cinni. 10Ina so hwan kiyo ina pya anyu­ tu ba afitse jiji í mbyà azoni i zen muni yo abu baa koshe ki bye wajinderini. 11Tanma ina pya danra, Atai Cidon ba dia, ba Cindoi Yesu ku pofan'i nyaco wa bibi ki byeni. 12Cindoi ku tsa ni con dini kwan yo foji wa yaya ki pyen, kú hwa ni con pajukun kata ci tsadzu waa ina conni ra, 13Ki cin waa ku hwa mikyinni ku ci ndafan jinni sansan numa ki pyen bu Atai Cidon ki bye ayo waa Cin­ doi Yesu ri kasen bi ba pajukun bandoa ra.

will be added

X\