1 BAKORINTOS 8

1Tanma mna zen aji ki cin bucon waa beri bwan wa bakindo kiyo. ī yinu danra katai kata ī ci ba ayì. Ayì ri hwa apa ri ndē dia, ama a con ri hwa apa ku ci ba hwe wajinderi. 2Apa wa mana ga danra ku yi koke kata nu, ku ngha yia abu ken wa fye waa ku yi raba. 3Ama ko kani kata wama con Cidon Cidon ri yìku nù. 4Tanma ra ī hwayi aji ki cin buju waa pajukun ri bwan wa bakindo kiyo ra. ī yinu danra bakindo baani ba cindi ki fin tswen wakara. ī kà yinu Cidon ci dzundzun vinni ki fin tswen wakara, ma nwādzu baku ra Ci­ don dzun baani. 5Ko waa abu baa apa ri babe danra, "Baki­ ndo" Ki tiri ki don ko ki jinni. (Tsadzu waa iri fo zen bu "Bakindo" ba abe "Cindo" suu numa). 6Bui ī yinu danra Cidon ci dzundzun vinni. Atai wà mà tswen kán mà tswe kù. Ki byea iri du cindi. Kati, Cindoi Yesu Kiristi ci dzundzun kenken. Ki dia Cidon mà koke kata. Ki dia hunnu ī du cindi. 7Ama bà ko kani kata hwayi ba abu baakara ba. Ki cin wa­ kara hwa pajukun badati baa ndi na wa bakindo kapyen waa tan­ ma be bi bà Yesu, bema ji buju waa be wa bakindo kiyo, be nde bakindo so tsadzu abu dzun, be babeni ba mikyin wa ci ba gben. Bena we hwan danra buju waji ri tsababe ki pyen bu Cidon. 8Buju cia abu wari hoi ya ki ndo Cidon ba. Ko. ima jii ba, iri koi dii kasen ba nyaken ba. Ko ima ri ji ī kwan'i dii abu dzun kiyo ba. 9Ama ko kani ki finni ku wà dia sansan ba byecu bu akù dia waa ku du ra, kúká hwa baa ngha tsebe ba gben ki fin mikyinbe raba be ta tsu ba. 10Dzun tiri ba, apa dzun wa gban'a ki nyaco bu Cidon ba, ma mbyàu au wa ci ba ayì mana ji buju waa be wa bakindo kiyo ki ndo aki, wakara ri gbea mikyin'a jiji aku du ku ya ki ndo aki ku ya ji buju bu bakindo ba? 11Ci numa ra ayiu tsaba nwuzau wa byebye wakara waa Yesu Ki­ risti hu aki jiji'a ra ra. 12Ci numa ra nīna tsa bazhenzani abu wa baba nīna nukwanbe mikyinbe ciki ciki numa be ci byebye numa. Abu wa baba wakara nī tsa Yesu Kiristi ba dia. 13Ci numa tswi buju waa mri ji, ma kan wari hwa nwuzami ku kokwi ki nyaco bu Cidon, ko ma awī ma mri dzwanmi riba, ki cin waa m ká hwa nwuzami ku kokwi ba.

will be added

X\