1 BAKORINTOS 6

1Ki finni hora aji dzun ma tu apa dzun ba nwuzaa titi numa tsanini gbogbo numa kuri nde nwuzaa ya dzwa kwen ki pyen bu pajukun baa ji bupyu? Àke tsari niri ndeni ku ribi ki pyen bu pajukun baa bà Yesu jiji be foku kwen ba? 2Nī yini waa baa bà Yesu ri fo fin tswen kwen ba? Nima yinu danra niri fo fin tswen kwen, nī kenni waa ní fo kwen ki cin abu baa titi ba? 3Ko nī yini waa ai iri fo abe zhentsōn kwen ba? Fyin mbye abu baa ki fin tswen tanma? 4Nima ci ba aji badati baa tanma baa nina con be fo kwen ki cinbe, ki cin ke nina ho dini naya ki pyen bu baa kenbe abu dzun ba ki bye abi bu baa bà Cidon ba? 5M dan numa jiji tsenni ku panni. Ase ko apa dzundzun tori numa baani ki fin­ ni wa ci ba kyinye wari tsaka wa mbyāsan abu dzun ki fin bazhen­ za? 6Ama tanma numa nwuza ba nwuza ho dibe naya kwen ki pyen bu pajukun baa yibe wajinderi ki bye Yesu ba. 7Tanma numa ki cin waa aji bu kwen wa dzwadzwa ki tiri ki yo­ bani tà danra ani kata nī jan nya­ co. Bà sanfo kari ni gban mikyin ba bupyù waa bena jini yo raba? Bà sanfo kari ní gban mikyin ki cin tswaku waa bena tswàni yo raba? 8Aji wajinderi ani ba dini nina nwà dini nwe du, nina tswà dini tswaku numa du, ama azen bāā danra, nī ci bazhenza. 9Ko nī yini waa pajukun baa tsa abu wa baba ri nyani ndo tson bu Cidon ba? Níká bye dini ba. Ní yinu danra, baa ri tsa agya, ba baa ri wa aki, ba baa ri nyà wa bu apa, ba wuwa wari na ba wuwa joa, ba wunu wari na ba wunu joa, 10ba baa vyi vyu, ba baa vya ju, ba baa ri pyen jan, ba baa ri tso ce, ba baa ri jī apa, abe kata beri kabe ki ndo tson bu Cidon ki don ba. 11Ci numa ra badati ki finni ndi ci numa du, ama tanma Cidon tso nyeni honi kan pajukun bua ra. Ku nwàdzuni ki bye zen bu Yesu Kiristi ba Denden bu Cidon. 12Apa dzun ri danra, "Koke kata ci abu wa sansan ki byemi, ama bà koke kata fye wa tsatsa ba. Koke kata ci abu wa sansan ki byemi wa tsatsa, ama mri zen­ mi nde m kan nyà bu abu dzun wa tsatsa ba." 13Apa dzun ri danra, "Cidon yii buju tswi tswi wa ji we fin'i afin ci jiji bu buju wa jiji." Ama Cidon ri hwa afin ba buju kata ri tsababa ki jinni. Adi bu apa cia jiji bu agya wa tsatsa ba, ama ci jiji bu Cindoi Yesu. Cindoi Yesu ka ci jiji bu dii. 14Cidon ba do Yesu don ki bye aki, ci numa ra kuri ba doi ki bye gbentson'a numa du. 15Nī yini waa adini ci abèn di bu Yesu Kiristi ba? Ko m nde abèn di bu Yesu Kiristi ya bàn kwan ba awuwa gbaza? Sheshe! 16Ko nī yini waa apa wama godi ba agbaza be ci tsadzu abu dzun­ dzun ba? Ki cin waa be tata so ki fin Afa danra, "Abe pyinna beri kan awidi dzundzun." 17Ama apa wama kwan cin ki dzun ba Cindoi Yesu beri ci abu dzundzun ba dibe ki bye Den­ den wa nyenye. 18Ní shesho gadi ba agya wa tsatsa. Tswi abu wa baba waa apa ma tsa ba dia kata ri kàa ki dia ba, ama abu wa baba bu agya wa nyanya ri gbe fyin yi di. 19Ko nī yini waa adini ci atan bu Denden wa nyenye wa ki finni waa nī pan ki bye Cidon raba? Ani ni cini Cindo bu dini ba. 20Ki cin waa adini ci abu Cidon waa ku hwénhwèn ba asa bu Yesu. Ci numa ra abu waa nima tsa ba dini kata ku ci wa nya son bu Cidon.

will be added

X\