1 BAKORINTOS 5

1M fo bena danra pajukun badati ki finni na tsa agya har apa dzun ba awa bu ataa na na. Tswi agya wa tsatsa wakara ci abu wa shendi wadzun waa ko ki fin pajukun baa yìbe Cidon ba ri zenbe nde tsa abu wakara ba. 2Aji ba numa tuani ba, waa ní ten nwà apa waji wakara taya hun ki finni, ama nina foji dini wa ndéndē na we yo. 3Ko waa bumi azomi baani ki byeni, ama kyinmi ci tiri ki dini na kyepan bani. Kati, ki fin zen bu Cindoi Yesu Kiristi m kapyen ge kwen bu apa wakara gbogbo numa ra. 4Ayo waa niri kwan cinkwan ki bye dzundzun ra, ami du mikyin­ mi bani ci bye dzundzun. Ci numa ra ki bye gbentsòn bu Yesu Kiristi 5ní fan tswi apa wa­ kara dzo Shetan ki vo jiji ku tsaba dia, anyunu wa kennu Cin­ doi Yesu Kiristi ku nwàdzu cin dia. 6Cucuni waa nina cu ra san'a ba! Nī yiní waa yist titi numa ri yi agan bu borodi kata fè poto po numa ba? 7Ní ho yist baa riko hora pwadzu nyaya hun jiji ní kan agan bu borodi wa baani ba yist ci tsadzu waa m yinu nī ci numa ra. Cinkwan waa ī ndi na kwan kyepan ba waa Cidon ndi nwàdzu bayakui ki Masar ra ci Paska. Ama tanma ra paska bui ci Yesu Nwudòn bu Cidon waa be panku ge bwan ki cin'i. 8Ci numa ra iká kyepan ba Ci­ don ki bye cinkwan waji ba bo­ rodi wa ci ba yist ba, tsadzu abu wa baba ba agya wa tsatsa. Ama í kyepan ba Cidon ba borodi wa baani ba yist wa ci borodi wa nyenye ba wajinderi. 9Ki bye afami wa kapyen waa m ndi ta yini ra, m nuni dòn danra níká kwan cin ba pajukun baa tsa agya ba. 10Aji waa m zen ra, m zenmi ki cin bu pajukun baa yìbe Cidon ba, baa na tsa agya ba, ko baa vya ju, ko baa ri ji bupyu, ko baa ri wa aki ba, ki cin waa nima con ní gadi babe kata ci ken ní pwadzu fan fin tswen wakara jinni hun. 11Ama aji waa m dan yini ra, mna zen aji bani ki cin apa waa be mana baku danra, ku ci nwuza, ama ku mana tsa agya, ko ku mana wa aki, ko ku mana tso ce, ko kuma ci apa wa pyen jan, ko ku mana ji bupyu, ci numa ra, tswi apa wakara ko buju wa jiji ma níká dzo vo ki dzun baku ba. 12Ajimi dan ke kiyo waa m fo baa cibe bui ba kwen? Ama abe baa ki fin abini ra nī ciri baa ri fobe kwen. 13Cidon ciri apa wari fo pajukun baa ki ya kwen. Ní ten apa wa tsa abu wa baba ra ki finni pwadzu.

will be added

X\