1 BAKORINTOS 3

1Bandomi, waa m ndi bi ki byeni ra m tsakami wa zen ji bani ci tsadzu baa ci ba Denden bu Cidon ki finbe ba, ama ci ken m dan yini aji ci tsadzu m bá pajukun baa ki fin tswen kire na dan, ko m danra tsadzu baci baa ci tiri rijan baa kabibi tiri ki nya­ co bu Cidon baa gbenbe ken'a raba. 2Ci ken m yini janmyi ní ma hunnu, cia buju dzun wa ci ba gben waa m yini ba, ki cin waa nī ngha kenni wa ji buju wa ci ba gben ki bye ayo waji raba tiri, pan numa keke bibi jinna du, nī ngha kenni raba. 3Ki cin waa ávo tanma ba, byecuni ci tiri ci tsadzu bu pajukun baa ki fin tswen wa ci kara, Nina ri fifi ba dini, nī kana gbende ba dini. Wakara taa byecu buni ci tsadzu bu pajukun baa ki fin tswen ba? 4Ki cin waa apa dzun ma danra, "Ami ci bu Bulus." Apa dzun ma ka danra, "Ami ci bu Apolo." Ma ci numa tswi byecuni wea ki dzun ba tswi byecu bu pajukun baa ki fin tswen ba? 5Bando, Apolo ci kani waji? Ami Bulus ci kani waji? Ai kata ī ci nya bu Cidon baa ndi gbeni bi ki nyaco bu Yesu Kiristi. Ki fin'i pajukun pyinna hora ina tsa butso waa Cindoi Yesu yii dan í tsa. 6Ami ma ci apa wa tàtaa, Apolo ka ci apa wa we jape, ama Cidon ciri apa wa yi buju waji tsa cin, 7Ki cin waa apa wa tà abu, ba apa wa we jape kwan dzun kata cibe nu abu dzun ba, se Cidon maari vinni wari yi buju waji tsa cin ra. 8Apa wa tà abu, ba apa wa we jape kata be ci abu dzundzun. Abu wa kiyo ciri ko kani kata ri pan vokwin'a mbamba nu fyin waa ku ko. 9Ci numa ra bui ī ci jo butso ba dii na tsa butso bu Cidon ki dzun, ani nī ci ada bu Cidon; nikà ci abu wa myimyi bu Cidon. 10Ki bye wa sansan bu Cidon ku hwa yimi kan apa wa myi yì bu. Ci numa ra m jo nwo tan wa myimyi, apa dzun ri myi ken cin'a. Ama ko kani kata ku tsa sansan ba tswi co waa kuri myi ken cin'a ra. 11Nwo tan waji be joku gbogbo numa ra, apa dzun baani wari jo nwo tan dzun kiyo di. Nwo tan waji ci Yesu Kiristi dzundzun'a vinni. 12Ci numa ra ko ma kani kata wama myi cin tan ra, ko kuma myi ba zinariya ko azurufa, ko ba abàn baa ci ba hwe, ko ba hin, ko ba byen wa nwenwe, ko ba ase. 13Ci numa tswi butso bu ko kani kata ribi tà dia. Ki cin waa anyunu waji ribi fuku fufu. Beri fuku ba apyu. Apyu waji ribi mba butso bu ko kani kata jiji í mbyà tswi butso waji. 14Ci numa ra apa wa myi cin tan ra, bema mbà ma mbyà kuma tse ba gben, kuri bi pan vokwin'a. 15Anyunu waji atan bu apa dzun ma ji tsòn tsaba jinni, apa waji ribi nyani vokwin'a. Kuri nwàdzu, ama kuri nwàdzu nwo ndu pwapwa ci tsadzu ku nwàdzu fin tan waa apyù na seku. 16Nī yini waa nī ci tan bu Cidon bà? Kati Denden bu Ci­ don ka ci ki fin mikyinni. 17Ci numa ra apa dzun ma tsaba tan bu Cidon, Cidon ri tsabaku du. Ki cin waa atan wa wa Cidon ci bye wa nyenye, ani nī ciri atan'a waji. 18Ko kani kata kuká byea dia ba. Ko kani kata ki finni mana ga danra ku ba ayì bu fin tswen wa tanma, kú nde dia ka­ sen kan apa wa jeje jiji ku du bu Cidon. 19Ci numa ra ayì bu fin tswen wakara ci abu wa nya hwan azota ki bye Cidon, ci tsa­ dzu waa be tā ki fin Afa bu Cidon danra, "Akwen bu Cidon pan pajukun baa ci ba ayì ba zobyenbe bu fin tswen wakara." 20Cidon kà dan aji dzun ki fin Afaa danra, "Cindoi Cidon mbyà aji wa gaga bu pajukun baa ki fin tswen kire ci abu wa nya hwan azota." 21Ci numa ra ko kani kata kúká caco ki cin pajukun ba, ki cin ke ba, koke kata ci buni. 22Ko Bulus, ko Apolo, ko Bitrus, ko fin tswen waa Cidon mà ra, ko cindi, ko aki, ko abu waa bena tsa tanma, ko abu waa beri tsa ki pyen kire, abu baakara kata ci buni. 23Ki cin waa nī ci zhenzhen bu Yesu Kiristi.

will be added

X\