1 BAKORINTOS 13

1Ko mma tsaka wa zen yi aji ki nu tsu badati ki cincin ki cincin, ko mma tsakà wa zen aji ki nu bu abe bazhentsōn bu Cidon du, ama mma cimi ba con ba, m ci tsadzu ashoton wari tsu nde kan pajukun tson azota, mkà ci tsadzu akōn wa bwabwa wa ci ba nugbon. 2Mma ci ba abyon wari dan aji ki cin abu wari bi tsa ki pyen kire mma kà ci ba ayì bu koke kata, mma kà ci ba wajinderi waa mri tsaka wa dan yi akwèn ku do don ya ci bye dzun, ama mma cimi ba acon ba, m cimi abu dzun ba. 3Ko mma ho tswénmi kata gafan vyon baa tsa hwen vyon, kati, ko mma nde dimi yibe be nde tsòn pyu, ama mma cimi ba acon ba, abu waji ri tsa zamí yo ki bye abu dzun ba. 4Acon ri ci ba mikyin wa gban­ gban, kuri yi apa aji wa sansan. Acon ri yia apa ri fifi ba, acon ri yia apa ri caco ba. 5Acon ri yia apa ri nde cin ki don ku sinni apa dzun ba. Acon ri yia apa ri con dia ba, apa ma nyàku jinyà kuri ngoa ngo ba, ku kari ndea nwuzaa dzun ri so mikyin ba. 6Acon ri yi apa ri mbua mikyin ba abu wa baba ba, se abu wajinderi byen­ byen. 7Acon ri pantse ba gben ko ki bye kake kata, kuri ci ba wajinderi ko ki bye kake kata. Kuri ci ba mikyin wa nde soso ko ki bye kake kata. 8Acon ri tea jinni ba. Adon baa be da ki cin abu baa ri tsa ki pyen ri tsa nwādzu, nene tsu badati ribi hu, ayì wa ki fin tswen ci abu wa nwādzudzu azota. 9Ki cin waa abu baa ī yì ra, ī yi cin'a ki don ki don azota. Ba abu waa iri dan ki cin abu baa ri tsa ki pyen ra ina dán don ki don azota. 10Ci numa ra apa wa ci amunu wa yi vinni koke kata ho­ rododo ra bi ra, baa cibe horo­ dodo bara ri nwādzudzu. 11Ayo waa m ndi ci tiri nwu­ tishe ra, m ndi na zen aji ci tsadzu nwutishe, m ndi na ga aji ci tsadzu nwutishe, kati, mkà ndi na ga aji ci tsadzu nwutishe. Ama tanma waa m hwe kan baco rara, m fan abu nwutishe wa tsatsa be jinni ra. 12Tanma ina mbyà zén'i ki bye abu wa mbyà zo wa wezo dù numa, ama anyunu waji ma bayo ra iri mbyàyi zén'i horododo numa zo ba zo. Ayimi wa tanma ci ki cin jan ki don azota, ama anyunu nabi waa mri bi hwayi ba koke kata ci tsadzu waa Cidon hwayi ba byecumi avo tanma ra. 13Tan-ma ra wajinderi, ba mikyin wa nde soso ki bye abu, ba con ci sanbe ra, ki finbe tsara hora kata wa ci ba hwe kari ci acon.

will be added

X\