1 BAKORINTOS 11

1Ní ten bemi ci tsadzu waa mna ten abe bu Yesu Kiri­ sti ra. 2M mbu mikyin bani ki cin waa nina kyepan bami ko nukon, nī kana bà abu wa fyenfyen waa m fyenni ra. 3Aji dzun waa mna con ní hwayi sansan ciri Yesu Kiristi ci cin bu ko wunu wani kata. Kati, ko awunu wani kata ci cin bu awaa. Cidon kà ci cin bu Yesu. 4Ko wunu wani kata wama kà ki tan wa wa Cidon ku mana dzwa nde, ko ku mana dan aji bu Cidon yi pajukun ba bucin be ci cin'a kuna sinni Cindoi. 5Ko awuwa wani kata wama kà ki tan wa wa Cidon mana dzwa nde, ko ku mana dan aji bu Ci­ don yi pajukun, kuma kpon'a abu ki cin'a ba kuna tsa dia abu wa pan tsenni. Ma ci numa awuwa waji ba awuwa wa kpa jin abu wa gafanbe baani. 6Awuwa wama kpon'a abu ki cin'a ba, ku ba awuwa wa kpa jin ci abu dzundzun. Abu dzun wa gafanbe baani ki yobabe. Wakara ci abu wa pan tsenni waa awuwa ku kpa jin, ko ku mbi ho jin'a don, ki cin wakara san kari ku kpon abu ki cin'a. 7Ci numa ra cia abu wa sansan waa awunu ku be abu ki cin'a ba, ki cin waa Cidon màku dzu dia, kuri bi tà yi pajukun hwe ba gbentsòn bu Ci­ don, ama awuwa ri tà yi pajukun ahwè bu nua. 8Ki cin waa Cidon ndea akego bu wuwa mbyā wunu kiyo ba, ama ku nde akego bu wunu mbyā awuwa kiyo. 9Ci numa ra be màbe wunu ki jiji bu awuwa ba, ama be mà awuwa ki jiji bu awunu. 10San kari waa awuwa ku kpon abu ki cin'a jiji ku tà yi bazhentsōn bu Cidon be mbyà danra kuna yi anua hwe, 11Ci numa ki nyaco bu Cindoi Yesu Kiristi awuwa ri cia cindi bua numa danra abu dzun kwan'aku ba wunu ba, awunu kari cia cindi bua numa danra abu dzun kwan'a ku ba awuwa ba, 12Ko waa Cidon ten nwà akego bu wunu hunnu mbyā awuwa kiyo ra, ki nyaken kukà tsa yi awuwa mba awunu, kati, koke kata dzu bye Cidon bi. 13Buni nī mbyà aji wa ci kara anini ki fin mikyinni? Ribi san­ san waa awuwa ma ri dzwa nde ki fin tan wa wa Cidon ku fan cin'a kpakpa wiri yo numa? 14Ḿ'm̀, ní mbyà butso waa Cidon tsa ki fin tswen wakara. Awunu ma fan jin'a gon zoro zoro peku pepe gyen te zo numa kuna tsa dia abu wa pan tsenni, 15Ama awuwa ma fan jin'a gon zoro zoro numa ci abu wa ba hwe ki byea. Ki cin waa Cidon yiku ajin waji àji ku ci abu wa be tsuken cin'a. 16Ci numa ra apa dzun ma ki tiri wama con ku ye yepye bami, too, ai ī yii nyaco dzun riba, kati, abi bu baa bà Cidon yìbe nyaco dzun ba. 17Aji waa mna tā yini tanma kara m fomi vya ba kwankwanni waa nina kwan ki tan wa wa Cidon raba. Ki cin waa abu waa nina tà kiyo ra ri gbe abu wa baba ribi hweka abu wa sansan. 18Ci numa aji wa kapyen ciri, m fo bena danra ayo waa nima kwan cin ki tan wa wa Cidon anu wa gafan nyana cincin ki yobani. Ci numa ra mna ga dan­ ra ci aji wajinderi gban, ama m yi sanmi ba. 19Ci ken wa gafan­ fan ku ci tiri ki yobabani ki cin waa jiji pajukun baa ci baajinderi byenbyen be tà dibe ki byeya. 20Ani kata baa na kwan cin ki bye dzundzun kenbi hora, nina ga danra nina kwan cin ki cin waa ní ji jibi bu Cindoi Yesu, ama cia numa ba. 21Ki cin waa ko kani nari ji tswi buju waa ku con, nina ci bàni zo dini jiji ní ji bye dzundzun ba. Ci abu wa hwa badati mbo na bwanbe, badati na pyenpyen. 22Akake waji tsari numa hun? Nī mbyàni ndo waa ní ji buju kiyo, ní wa jan kiyo ba? Ko nina sinni ba abi bu baa bà Yesu? Nī kana yi pajukun baa cibe ba abu dzun ki vo ba tsen­ ni? Mri bi dan yini dan ke? Ḿ nyāni ki cin abu wakara? Mri nyāmi ni ba! 23Ki cin waa aji waa m ndi pan ki bye Yesu ba dia, m nde fyen tà yini danra, atsunu, kapyen waa be nde Yesu hwenji yi pajukun baa tsa abu wa baba ki vo, Yesu nde agan bu borodi, 24Ku mbu mikyin yi Cidon, ku koken gafanku, ku danra, "Wa­ kara ci widimi wa ci jijini, ní tsa numa jiji ní kyepan bami." 25Ci numa ki nyaken waa be ji vinni buju kata ra, ku nde avyé ki don, ku danra, "Cinna bu avyé wa­ kara ci nuge wa ripye waa Cidon ge ba pajukun ki bye asami. Ko ayo wani kata waa nī mana wa jape wakara ní wa ki cin waa ní kyepan bami." 26Ci numa ra ko dede wani kata waa nī mana ji borodi ra, ko ni mana wa jape bu jibi ra, nina tà yi pajukun danra, nina kyepan ba aki bu Cindoi Yesu ki pyenbe nde numa keke ya zan anyunu waa kuri kasen ribi. 27Ko kani kata wama ji agan bu borodi bu Cindoi Yesu, ko kuna wa jape bu jibi ki bye avyé ra ba mikyin wa fyea ba, kuna tsa abu wa baba wa tà danra kuna sinni ba awidi bu Yesu ba asaa. 28Ci numa ra ko kani kata ku kapyen ku mba mikyin'a san­ san numa hunnu ku nde agan bu borodi ra, ku hun kà wa jape wa ki fin avyé bu jibi ra. 29Apa wa mana ji borodi wakara, mana wa jape wakara, ku mana hwa yia ba cinna bu fyin waa Yesu wa jijia raba, apa wakara nari gbe kyinna bu Cidon be dia ki cin. 30Ábu wa hwa badati suu numa ki finni nari dā ado, badati nyani ba gben, badati foji wana huhu rá. 31Akyan iri kapyen mba mikyin'i iri gbei kwen bu Cindoi Yesu be dii ki cin ba. 32Ama Cindoi ciri apa wari foi kwen tanma. Kuri nàten'i ki cin waa anyunu wa kyen kúká bi foi kwen jiban ki bye dzundzun numa ba pajukun badati baa ki fin tswen ba. 33Ki cin wakara, ani bazhen­ zami, ki bye waa nima bi wà ji buju ní ci bàzo dini. 34In ambo mana bwan apa dzun ku ji buju ki ndoa sheji waa kwankwanni kúká bi gbe kwen beni ki cin ba. Aji badati se ayo waa mma ka­ sen bi ki byeni ra hunnu mri bi dan san yini.

will be added

X\