1 BAKORINTOS 1

1Afa wakara ami Bulus waa Cidon cemi ci fotson bu Yesu Kiristi, ba Sasitanisu na tari. 2Mna ta afa wakara yini ani pajukun bu Cidon baa ki Korin­ tos baa ku babe nde kata be ci pajukun bua baa nyenye baa kwan cin ki dzun ba Yesu Kiristi, abe kwan ba pajukun baa ko kini kata baa ri ba zen bu Yesu Kiristi. Ku ci Cindobe bai kata du, 3Atai Cidon ba Cindoi Yesu Kiristi ku yini wa sansan ba mikyin wa na jinni. 4Ko anyunu wa ki don wani kata mna mbu mikyin yi Cidon ki cin wa sansan waa kuna yini dzu ki di bu Cindoi Yesu Kiristi ra. 5Ki cin waa nī kwan cin ki dzun ba Yesu Kiristi ra nī du wa sansan bu Denden hwehwe numa. Nī yì aji wa zenzen nu, kwan ba aji wa ga yiyi kata. 6Aji bu Yesu Kiristi ci ki fin mikyinni byenbyen numa, 7hwa nī nyanini wa sansan bu Cidon ko dzun­ dzun numa ba, ki bye waa nina ci bazo waa Cindoi Yesu Kiristi ribi tà dia ra. 8Kuri hwa ní pan­ tse ba gben gbangban numa keke yaya anyunu wa kennu bu Cindoi Yesu Kiristi waa kuri ka­ sen bi ra, kúká bi panni ba ada dzun ba. 9Aku Cidon wari ge nuge ri fan taa jinni numa azota bara, ku bani nde ri bi ní ci byecu bu vyon ba Nwua Yesu Kiristi Cindoi. 10Ani pajukun bandomi baa ki nyaco bu Yesu Kiristi mna voni ki fin zen bu Yesu Kiristi, ní pantse, ní zen nde ba aji dzun­ dzun waa niri dan ra. Ní kwan cinni ki bye dzundzun ba mikyin­ ni kata, ki cin waa wa gafanfan kuká kà ki finni ba. 11Bandomi, m fo aji ki nu bu bando Kuluwi be dan yimi danra nina gbende ba dini. 12Abu waa mna con m dan ra, ciri ko apa wani kata ki finni na zen aji wa vya hwa'a maari. Apa dzun na danra, "Bumi ci apa bu Bulus." Wa­ dzun na danra, "Bumi ci apa bu Apolo." Wadzun ri danra, "Bumi ci bu Bitrus," Wakara ri danra, "Ami ci apa bu Yesu Ki­ risti." 13Ajinderi Yesu Kiristi ci dzundzun, ku gafan'a gafanfan ba! Ami Bulus m humi aki ki cin hin wa shon gege ki cinni ba. Nī duni batisma ki fin zenmi ba. 14M mbu mikyin yi Cidon ki cin waa m tsámi apa dzun ki finni batisma ba, ma nwādzu ba Kirisbus, ba Gayus vinni ba re. 15Apa dzun baani ki finni wari danra m tsaku batisma ki fin zenmi jiji ku bàmi. 16(Oho, m kyepan ra, m tsa Istifanus ba fin ndoa batisma, m muji ko m tsa apa dzun kà kwan yo.) 17Yesu Kiristi tsonmí tson jiji m ya tsa pajukun batisma ba, ama ku tsonmi jiji m ya dan yi pajukun Aji wa Sansan. Kuri con'a waa m dan aji waji ki bye ayì bu fin tswen azota numa ba. Mma tsa numa tà danra aki bu Yesu Ki­ risti hu ki cin hin wa shon gege ra dzua cin ba, kuri tsaa butso ba gbentsòn ba hun. 18Ki bye pajukun baa jan bá jinni ba nwoa ra aji bu aki waa Yesu Kiristi hu ki cin hin wa shon gege ra cia abu dzun ki byebe ba, ci aji wa nya hwan azota. Ama ki bye bui waa kuri nwàdzui ri ra, aji bu Yesu wa ci kara ciri gbentsòn bu Cidon. 19Cidon ki fin Afaa danra, "Mri tsaba ayì bu pajukun baa byen­ zo, m kari tè hwayiyi bu manu baa fyen abu bà ki kankan." 20Ci numa ra pajukun baa ci ba byen­ zo be ci kake? Manu baa ri fyen abu hora be cibe abu dzun ba, Pajukun baa ci ba ayì bu ayepye wa yeye ra, beri yani? Cidon ta yii danra tswi ayì bu fin tswen wakara ci abu wa nya hwan azota. 21Ci numa ra Cidon wa ci ba ayì tsuken nyaco waa pajukun be yìku ki bye tswi ayibe bu fin tswen wakara. Ama Cidon danra kuri nwàdzu pajukun baa yi wajinderi ba ajia waa iri dan yibe, aji waa pajukun baa ki fin tswen wakara ri danra ci aji wa dán. 22Yahudawa hora na con be mbyà abu wa kyahozo bu gbentsòn bu Cidon ba zobe hun­ nu be yi wajinderi. Helenawa du nde mikyinbe so danra ci ken be ga hwan be mbyàyi abu wa byen­ byen hunnu be yi wajinderi. 23Bui ina dan yi pajukun aji bu Yesu Kiristi wa hu ki cin hin wa shon gege. Ki bye Yahudawa aji wakara ci aji wa ci adà. Ki bye Helenawa aji waji ci aji wa dán. 24Ama ki bye pajukun baa Cidon babe nde hora, ko Yahudawa ko Helenawa kata, aji wakara ci aji bu Yesu Kiristi, ku ci gbentsòn bu Cidon ba ayì bu Cidon. 25Aji bu Cidon waa pajukun badati na ga danra ci aji wa dán ra, aji waji kári ayì bu pajukun baa ki fin tswen. Abu wa ci bu Cidon waa pajukun na mbyà danra ci bye­ bye numa ra, abu waji gbanka pajukun baa ci ba ayì. 26Bandomi, ní kyepan ba waa nī ndi ci hunnu Cidon bani nde ra, pajukun baa ndi ci ba zobyen, ba gben, ba zhenkù ki finni hwebe ba, 27Apa waa pajukun baa ki fin tswen mbyà danra ci apa wa dán numa azota ra, Cidon ri ceku tsa butso baku ku yi pajukun baa ci ba gbentsòn ki fin tswen wakara tsenni. 28Pajukun baa pajukun baa ki fìn tswen na sinnibe na mbyàbe dán numa, na ga danra be cibe abu dzun bara, Cidon cebe jiji ku bwanji apa waa pajukun baa ki fin tswen na ga danra ku ci apa wa ci ba hwe ra. 29Ki cin wa ci kara apa dzun ku kána ndē dia ki pyen bu Cidon ba. 30Cidon honi kwan dzun ki bye Yesu Kiristi, kukà hwa Yesu Kiristi ciri ayii. Ki dia hunnu ī ci sansan numa ba Cidon, ī kan pajukun baa nyenye bu Cidon, ku nwàdzui ki bye kwen. 31Ci numa ra, ci tsadzu Cidon dan ki fin Afaa danra, "Ko kani kata wama con adi wa ndénde, ku ndē di ki cin abu waa Cindoi Yesu Kiristi tsa."

will be added

X\