ROMANOS 10

1Hex wuẍtaj, hex wanab', ha' ẍwochean b'oj chin k'an tet Comam Diosan ta wetcon̈ob' israelan scha scolb'anil. 2Ẍwa' hin b'a yin̈an to choche heb'jetb'i canoj c'ulal yul sat Comam, yaja' mach xtxum heb'jetb'i tzet chu scan c'ulal haca' choche Comam. 3Haxca xin̈tajn̈e heb'jetb'i tzet chu scan c'ulal, xichencan̈ yet yul swi', yuxin matxa sje yab'e'toj tzet chal Comam. 4Haxca yin̈ Comam Cristo syeloj sb'a to mach hunuj mac chu scan c'ulal yul sat Comam Dios yu sley ya' Moisés, yuxin mactic'a cha' yuluj sc'ul yin̈ Comam Cristo ẍcan c'ulal yul sat Comam Dios. 5Stz'ib'n̈ecan ya' Moisés yul Yum Comam Dios yin̈ tzet chu co can c'ulal yul sat Comam yu ley, chalni: Mac tz'ajan ẍyijyen ley, schab' sk'inal yu ley tu'. 6Yaja' yin̈ co can c'ulal yu ja'ni yuluj co c'ul, chal paxayoj: Mache k'amb'e mactaj ẍtoj yul satcan̈. (Ha' chaliloj yu yiniaytij Comam Cristo.) 7Machca che k'amb'e mactaj ẍtoj yul camb'al. (Ha' ch'elicoj tu' yu yiniatij Comam Cristo xol hej camom.) 8Machoj, to ha' chute yalni Yum Comam Dios: Te cawilal aycoj stzoti' Comam Dios, chu heyalni yu he ti', ayxacoj yin̈ heyanma, . Hune' tzoti' chal ti', ha' tzoti' lan̈an jalnic'ojan, yin̈ tzet chu ja'ni yuluj co c'ul. 9Ta yul co ti' ch'eltij ẍjalni to Comam Jesús ha' Comam Jahaw yeyi, cat ja'ni yuluj co c'ul to ha' Comam Dios xpitzc'ancan̈ xol hej camom, chon̈ colchaoj. 10Chon̈ can c'ulal yul sat Comam Dios yun̈e ja'ni yuluj co c'ul yin̈. Chon̈ colchaoj haxca ẍjal yu co ti' to Comam Jesús ha' Comam Jahaw yeyi. 11Chal Yum Comam Dios: Mactaj ch'a'ni yuluj sc'ul yin̈, mach ẍcan yin̈ hacn̈eti', to ẍchab' b'aytet xalte Comam. 12Mach yoc yin̈ ta israel mato machoj, haxca ha' Comam, Yahaw yin̈ sunil anma. Tzan macon̈, xjawte Comam jin̈, ẍtic'a ya' Comam sc'ulal jet yin̈ caw tx'ihal. 13Haxca chalayoj: Mactaj ch'awten Comam Dios yin̈, schab' scolb'anil, ẍiayoj. 14¿Tzettaxca chu yawten anma Comam yin̈ ta maẍto cha'coj yuluj sc'ul? B'oj xin, ¿tzettaxca chu ya'ni yuluj sc'ul yin̈ Comam ta maẍto b'ay chab'e sk'umal? ¿Tzettaxca chu yab'eni ta maẍto mac ẍhalni stzoti' Comam tet? 15¿Tzettaxca chu yal-laxc'oj tzoti' c'ul ta mach mac ch'anitoj mac ẍtoj halnoj? Haca' yalni Yum Comam Dios: ¡Caw tzalalal jilni mac ch'ec' halnojc'oj tzoti' c'ul yet colb'anile! . 16- 17Yuxin yu jab'en stzoti' Comam Cristo ẍpitzc'atij yin̈ janma ja'ni yuluj co c'ul yin̈. Yaja' mat suniloj mac ch'ochen yab'e' hune' tzoti' yet colb'anil ti'. Haca' yalni ya' Isaías yul Yum Comam: Mamin, mach mac sje ab'enojtoj ha tzoti' chon̈ ec' jala'c'ojan. 18Yaja' ¿tzet cheyute heyalni hexti'? ¿Tox ha' anma israel mach x'ab'en hune' tzoti' ti'? Hajxa, x'ab'eot, haxca chal Yum Comam: Sunil b'ay x'ab'elax yal-lax tzoti', sunil sat tx'otx'otx' xpujnayi. 19Yaja' chin k'amb'e paxan: ¿Tox ha' anma israel mach xu txumni hune' tu'? Hajxa. Xal ya' Moisés tet anma israel tzet xute Comam Dios yalni: Ẍwa'a' chiwaojcoj he c'ul yin̈ hune' con̈ob' comonaln̈e ye yul he satan. Ẍwa'a'tij he howal yu tzet ẍwa'a' tet hune' con̈ob' aycoj yin̈ sucal. 20Xalni pax ya' Isaías yin̈ caw sajsajil tzet xute Comam Dios yalni yin̈ mac mat israeloj, b'ay chal yin̈ hacti': Ay mac machcoj yin̈ sc'ul hin saynian, yaja' xquin chalo yuan.Xwaliloj hin b'a tet mac machin k'amb'enan 21Yaja' yin̈ con̈ob' israel chala: Coc'n̈e xol ẍwawten anma israelan, yaja' mach syijye tzet ẍwalan, caw man̈c'oom tzoti', ẍi Comam.


Copyright
Learn More

will be added

X\