APOCALIPSIS 8

1Yet xiniloj Comam Canelu sb'ih shuj seyoal te' hum, aymi yictajoj orail xpax tz'inna yul satcan̈. 2Lan̈antic'a tu' xwilni hujwan̈ ángel lin̈ancan̈ yin̈ sat Comam Diosan, x'a'lax hujeb' ch'en trompeta tet. 3Xhul pax hune'xa ángel ib'il hune' txahb'al nab'a' oro yu, x'oc lin̈noj sataj altar nab'a oro aycoj sataj stz'on̈ob'al Comam Dios. Caw tx'ihal incienso x'alaxc'oj tet x'oc sn̈usnuj sat altar tu' b'oj yoración heb'ya' yet-xa Comam. 4Sn̈ub'al incienso b'oj oración tu' ch'ahtoj yin̈ sat Comam yu hune' ángel tu'. 5Lawitu' xi'ni ángel tu' txahb'al snohtzen yu tzak'a' ahatoj sat altar, sb'ejniaytij yib'an̈ tx'otx'otx'. Tz'ito yay c'uh b'oj huyanxan̈e tzetet, xan̈e tzejo yay cayompa, b'oj x'a' chixcab'. 6Xa'ni itz'at sb'a hujwan̈ ángel i'n̈e hujeb' trompeta xok'tzen ch'en. 7Xok'tze b'ab'el ángel strompeta, caw ay ch'en sajb'at x'ayi b'oj caw ay k'a' k'a' calan ye b'oj chic' x'ay sat tx'otx'otx'. Etza yictaj tx'otx'otx' stz'atoj, b'oj etza yictaj te'te' b'oj sunil telaj yax stz'atoj. 8Ha' xok'tzen scab' ángel strompeta, xtohc'ay hune' haca' niman witz aycoj k'a'k'a' yin̈ yul ha' mar. Etza yictaj ha' mar tu' xpaq'ui chic'al. 9Etza yictaj no' nok' ay yul ha' tu' xcami, b'oj etza yictaj te' barco xhuchatoj. 10Ha' xok'tzen syox ángel strompeta, xtitc'ay hune' niman tx'umel satcan̈, ẍchaw haca' tzejtah. Etza yictaj hej ha' ha' b'oj snuk' ha' ha' b'ay x'ayi. 11Hune' tx'umel tu' Ajen̈jo sb'ih. Etza yictaj ha' ha' xc'ahb'iloj yu, caw tx'ihal anma xcam yu ha', haxca xc'ahb'iloj ha'. 12Ha' xok'tzen scan̈ ángel strompeta, etza yictaj smujlub'al tz'ayic x'etaxtoj b'oj x'ahaw b'oj tx'umel. Etza yictaj sk'ak'al hunk'aan tu' xtan̈iloj, yuxin matxa caw yip xmujli tz'ayicalil b'oj ak'b'alil. 13Lawitu' xwilni hune' no' t'iw ch'ec' satcan̈an, chalni no' yin̈ ip: —¡Ay! ¡Ay! ¡Ay! ¡C'antaj anma ay sat tx'otx'otx' ti' yu sya'tajil chuluj yet yok'tzenojxa oxwan̈xa ángel strompeta! .


Copyright
Learn More

will be added

X\