APOCALIPSIS 5

1Ha' xwilnian tz'on̈anay Comam yul stz'on̈ob'al tu'. Ib'il hune' te hum yul swatx' k'ab', aycoj stz'ib'al scab'il sat te', chulb'il ayoj te'. Aycoj hujeb' seyo yin̈ te' yun̈e mach mac ẍhajnitoj te'. 2Xwilni pax hune' ángel caw ay scan̈il yean sk'amb'en yin̈ ip: —¿Mac ay yetwanoj yiniloj seyoal hune' te' hum ti' cat sholnitoj te'?. 3- 4Yaja' mach maca, ni yul satcan̈, ni satyib'an̈k'inal ti', ni yalan̈ tx'otx'otx' xchalo mac xu sholnitoj te', cat yilni te', yuxin caw chin ok'an. 5Yaja' xal hune' ya' anciano wetan: —Machach ok'i, haxca mac Balam sb'ih, yic'al naj Judá, yic'al ya' rey David, ha' x'i'wayi, yuxin chu yiniloj hujeb' seyoal te' hum ti', cat sholnitoj te'. 6Xwilni hune' mac haca' caneluan, haca' jilni tu', xaxtic'a potx'laxi, lin̈ancan̈ yictajb'al tz'on̈ob'al b'oj xol can̈wan̈ querubín b'oj xol heb'ya' anciano. Hujeb' yuc'a' b'oj hujeb' sb'ak' sat Comam Canelu tu'. Hujeb' sb'ak' sat tu' ha' hujwan̈ Yespíritu Comam Dios x'alaxtoj sunil satyib'an̈k'inal ti'. 7Comam Canelu sb'ih tu', xto yi'a'loj te' hum tu' yul swatx' k'ab' Comam tz'on̈an yul stz'on̈ob'al. 8Lawi yinic'oj te' hum tu', x'ay jahnoj can̈wan̈ querubín tu' b'oj heb'ya' 24 anciano yin̈ sat Comam. Ib'il hunun arpa yu heb'ya' b'oj ib'il hunun txahb'al yu, nohnaj yu incienso. Hune' incienso tu' yechel yoración mactaj ayxacoj yin̈ Comam Dios. 9Chanitoj hune' b'it ac', chalni yin̈ hacti': Hachn̈e hawetwanoj hawi'ni te' hum ti' b'oj ha winiloj seyoal te', haxca cach potx'laxi. Yu ha chiq'uil xa lok' anma xoccanoj yetoj Comam Dios, tzantzet ic'ale, tzantzet ab'xub'aleal, tzantzet con̈ob'al, tzantzet naciónal. 10Hune' con̈ob'alxan̈e xawute x'oc sacerdoteal yin̈ smunil co Dios, cat yocoj yahawoj satyib'an̈k'inal ti'. 11Lemb'il xwilan b'oj xwab'e yul snuk' tx'ihal hej ángelan hoyancoj yin̈ tz'on̈ob'al tu', b'oj yin̈ can̈wan̈ querubín b'oj yin̈ heb'ya' anciano. Smiyon̈alxam hej ángel tu', 12chalni yin̈ ip: Yetwanoj yal-lax yin̈ Comam Canelu sb'ih xpotx'ot, to ay scan̈il yeyi, b'oj ay sk'alomal, stz'ajanil sc'ul b'oj yip, caw ay yelapnoj yeyi, caw ay smay yal-lax tzoti' c'ul yin̈. 13Xwab'en pax yalni sunil hej tzetet watx'eb'il yu Comam Diosan, hej tzetet ay satcan̈ b'oj satyib'an̈k'inal ti' b'oj yalan̈ tx'otx', b'oj yul ha' mar, sunil tu' ẍb'itni: Hal-laxojab' tzoti' c'ul yin̈ Comam tz'on̈an yul stz'on̈ob'al b'oj yin̈ Comam Canelu sb'ih. Hal-laxojab' tzoti' c'ul yin̈, to caw ay smay, caw ay yelapnoj yeyi, b'oj Yahaw ye yin̈ stohb'alk'inal. 14Xalni can̈wan̈ querubín tu': —Amén. Wal heb'ya' 24 anciano, x'ay jahnoj heb'ya', shak'en heb'naj Comam.


Copyright
Learn More

will be added

X\