APOCALIPSIS 4

1Lawitu' xwilnian, hajan hune' pulta yul satcan̈, ha' mac stzotel wet sb'ab'elalan, lahan yul snuk' b'oj ch'en trompeta. Chalni yin̈ hacti': —Ahan̈tij b'eti', cat hin yeni tawetan tzetet ẍto huuj. 2Yin̈n̈e hunep k'inanil xquin can yalan̈ smay sk'ak'al Comam Espírituan, xwilni hune' tz'on̈ob'al ay yul satcan̈an. Sat hune' tz'on̈ob'al tu' ay hune' mac tz'on̈an. 3Ha' mac tz'on̈an yul tz'on̈ob'al tu', lahan jilni haca' schaw ch'en jaspe caw fino, b'oj haca' ch'en cornalina. Yin̈ shoyanil tz'on̈ob'al tu' aycan̈ hune' cajch'elep caw ẍchaw haca' ch'en esmeralda. 4Shoyanil hune' tz'on̈ob'al tu' xwil pax 24 tz'on̈ob'alan. Yul hunk'aan tu' tz'on̈an ayoj 24 heb'ya' anciano. Saj jilni xil sk'ap heb'ya' aycoj yin̈, nab'a' oro scorona heb'ya' aycoj yin̈ swi'. 5Yul tz'on̈ob'al tu' ch'eltij tzejna cayompa, huyanxan̈e hunk'aanxa tzetet, tz'ito yay c'uh. Yin̈ sataj tz'on̈ob'al tu' ẍchaw hujeb' k'a' haca' tzejtah, ha' yelapnoj ye hunk'aan tu', ha' hujwan̈ Yespíritu Comam Dios. 6Sataj tz'on̈ob'al tu' ay paxayoj hune' haca' ha' mar ẍk'axpon co mujlub'al yul haca' sch'enal ch'en cristal.Yin̈ shoyanil tz'on̈ob'al tu', ay can̈wan̈ querubín, caw tx'ihal b'ak'sate aycoj sataj b'oj yin̈taj. 7Ha' b'ab'el, haca' hune' no' b'alam jilni. Ha' scab' haca' hune' no' toro. Ha' syox ay sat haca' anma. Ha' scan̈ haca' hune' no' t'iw lan̈an ẍlupi. 8Can̈wan̈ querubín tu' wajataj xic' hunun, nohnajcoj sb'ak'sate yin̈ sunil snimanil, sataj b'oj yin̈taj, ayn̈etic'acoj yalni tz'ayic ak'b'al: Han̈c'a Comam, han̈c'an̈e Comam, mach hunuj mac lahan b'oj Comam, Comam Dios Jahaw sunil Chu Yu, Comam ayn̈etic'a, ay tinan̈, b'oj ẍto huluj. 9Yet shak'en hej querubín tu' Comam, chalni yin̈ hacti': Caw ay ha may, caw ay yelapnoj haweyi, caw yuch'antioẍ tawet hach Comam tz'on̈an hach yul ha stz'on̈ob'al, ayachn̈etic'a yin̈ stohb'alk'inal. 10Hunun el chal hej querubín tu' yin̈ hactu', ch'ay jahnoj heb'ya' 24 anciano shak'e' Comam, chaniayoj heb'ya' scorona sataj Comam stz'on̈an yul stz'on̈ob'al tu', Comam ch'ehc'oj stohb'alk'inal. Chalni heb'ya': 11Dios Jahaw, hachti' hawetwanoj yal-laxi ta ay ha may b'oj caw ay yelapnoj haweyi b'oj ay scan̈il haweyi. Haxca hach xa watx'e sunil tzetet; haxca x'el yin̈ ha c'ul ay sunil hej tzetet ti' b'oj xwatx'ican hawu.


Copyright
Learn More

will be added

X\