APOCALIPSIS 18

1Lawitu' xwilni yayiloj hune'xa ángel satcan̈an. Caw ay scan̈il yeyi xhuli, sunil sat tx'otx'otx' sajpok'iloj yu schaw smujli. 2Ch'awi yin̈ ip, chalni: —Xax ay ich con̈ob' Babilonia, x'occan yatutoj yespíritu naj matzwalil, sunil hej espíritu tx'oj x'anicoj yatutoj, b'oj x'occan sk'u'uj hej no' ch'ic quistal yeyi, b'oj yahb'il. 3Haxca sunil hej con̈ob' x'etaxtoj yu xtx'ojal ye swi' ix, haca'tic'a xcamtzeot swi' heb'jetb'i yu ix. Heb'naj rey ay satyib'an̈k'inal ti' shunb'a sb'a heb'naj b'oj con̈ob' Babilonia tu', haca'tic'a xetatoj sb'a heb'naj b'oj ix. Sunil heb'naj comerciante xk'alomb'ican yu xtxon̈ni tzetet caw ay stohol, haxca caw lolo' sk'aptzen sb'a ix, b'oj yec'tzen ix k'in̈. 4Lawitu' xwab'enpax yayiloj hune' tzoti' yul satcan̈an, chalni: —Elan̈wej yul hune' con̈ob' tu' hex, hex wet-xaan, yun̈e machex tz'aojtoj yin̈ xtx'ojal chu hune' con̈ob' tu', machex stzujchaoj yu huchan chuluj yib'an̈. 5Haxca xax caw ah tennoj smul, xax ahapnoj satcan̈; yuxin x'apni stz'ayicalil stit scuenta Comam Dios yin̈ hantaj smul. 6Hantaj xute ix ya'ni tet anma, hactu' cheyute heya'ni tet ix, hasta caw ec'b'al cheya' spaj tet yu smul xacoj. Hatic'a mal xac'oj ix b'ay xa' yuc'u' hunujxa anma, hactu' cheyute, hasta k'a' how cheyute smalil yet ix. 7Haca' xu yec'tzen ix k'in̈ yin̈ lolo'al, hactu' chu ya'lax ec'oj ya' yanma ix yin̈ sya'tajil. Haxca xal con̈ob' Babilonia tu': Hayin ti'an tz'on̈anin b'eti' haca' hune' reinaan, matin lahanoj b'oj heb'ix camnajxa yichamilan, mach b'ak'in̈ ẍwila' hune' sya'tajil tu'an. 8Yuxin yin̈n̈e hune' tz'ayic chuluj huchan yib'an̈ ix: Camical, b'isc'ulal b'oj wahil, cat sn̈uslaxojtoj ix yul k'a' k'a', haxca ay scan̈il ye Comam Dios Yahaw ya'ni ec'oj ya' yanma hune' ix tu'. 9Hantaj heb'naj rey ch'ec'tzen k'in̈ x'ehc'oj yin̈ xtx'ojal ye swi' b'oj ix, caw ch'ok'oj heb'naj b'oj caw ch'aoj sc'ul heb'naj yilnoj yahoj sn̈ub'al tzet chu stz'aojcantoj ix. 10Nahatxan̈e ẍt'an̈xojtij heb'naj xiwquilal tet sya'tajil chila' ix, cat yalnoj heb'naj: —¡A..! ¡C'antaj hune' con̈ob' Babilonia ti'! Con̈ob' caw nimejal b'oj caw ay yip, yin̈n̈e hunip k'inanil chul sya'tajil yib'an̈. 11Sunil heb'naj comerciante ay satyib'an̈k'inal ti', ch'ok'oj b'oj ẍtacoj sc'ul heb'naj haxca matxa mac ẍlok'noj hantaj tzet chijc'oj heb'naj. 12Yijatzilxa chic'oj heb'naj: Oro, plata, hej ch'en ch'en fino, ch'en perla, hej k'ape nab'a' lino caw fino, k'ape morado yelaw, k'ape caj hatz'on̈e, k'ape nab'a' seda, nanann̈e majanil te' te' xuk' sam b'oj hej tzetet watx'eb'il yin̈ marfil, yin̈ te' te' caw c'ulch'an jilni, yin̈ ch'en bronce, ch'en hierro, b'oj marmol. 13Yijatzilxa chic'oj heb'naj te' canela, b'oj hej yan̈al ita caw xuk' sam, incienso, mirra, hej perfume, vino, te aceite olivo, ixim harina caw fino, b'oj ixim trigo, no' wacax, no' canelu, no' cheh, hej carruaje, hasta anma chitoj heb'naj xtxon̈o'. 14Chalni heb'naj yin̈ hune' con̈ob' tu': —Matxa te' lob'eal ch'apnoj tet tinan̈, hunk'aan te' choche slob'. Xax c'aytoj yin̈ hantaj k'alomal ay tet b'ay ẍloloncoj, matxa b'ak'in̈ chila' yin̈. 15Heb'naj x'a'ni negocio b'oj hune' con̈ob' tu' b'oj caw xk'alomb'i yin̈, nahatta ẍt'an̈xojtij heb'naj xiwquilal yu yilni sya'tajil chil hune' con̈ob' tu'. Ẍtacoj sc'ul heb'naj b'oj ch'ok'oj heb'naj. 16Chalnoj heb'naj: —¡C'antaj hune' niman con̈ob' ti'! Lahan b'oj hune' ix ix, lino caw fino xil k'ape aycoj yin̈, ay xil sk'ap ix morado jilni, ay pax caj hatz'on̈e, aycoj oro, b'oj ch'en ch'en caw fino, b'oj ch'en perla yelawoj. 17Yaja' yin̈n̈e hunip k'inanil ẍtan̈caniloj sk'alomal ix, ẍi heb'naj.Sunil heb'naj capitán yet barco, heb'naj b'elwom ayictoj b'etu', heb'naj ẍmunlactoj yul barco tu', nahat xcan lin̈noj heb'naj. 18Ha' xilni heb'naj yah sn̈ub'al ich con̈ob' tu' x'awican̈ heb'naj: —Toc'anab' ayto hunujxa con̈ob' haca' hune' niman con̈ob' ti'. 19Xaniatoj heb'naj pojoj xol xil swi', ẍtac sc'ul heb'naj, ch'ok' heb'naj, ch'awi heb'naj, chalni heb'naj: —¡Ay! ¡C'antaj ich con̈ob' ti'! Yu sk'alomal, xk'alomb'i hantaj heb'naj ay sbarco yul ha' mar, yaja' yin̈n̈e hunip k'inanil ẍtan̈iloj. 20Walex hex ayex yul satcan̈, hex apóstol, hex schejab'lom Comam Dios, b'oj mac hex hex yet-xa Comam, tzalaan̈wej, haxca xc'ayiloj con̈ob' tu', haxca xa' Comam sya'tajil spajoj tet. 21Lawitu' xinican̈ hune' ángel caw ay yip hune' ch'en niman ch'en sb'ejniaytoj ch'en yul ha' mar, xalni: —Hactu' chu yalaxojayoj con̈ob' Babilonia caw ay smay, matxa b'ak'in̈ ch'il-laxoj yin̈. 22Matxa b'ak'in̈ ch'ab'elaxoj b'it yulaj calle, matxaca mac sonloj yin̈ te' arpa, b'oj te' flauta, b'oj ch'en trompeta. Matxaca hunuj munlawom yin̈ tzantzet munilal ch'il-laxoj b'etu'. Matxa ninoj ch'ab'elaxoj sb'iloj ch'en ca'. 23Matxaca hunuj tzetet ẍmujluj, matxaca b'ak'in̈ ch'ab'elaxoj x'aychaoj anma yin̈ hej mohilal. X'ay Babilonia haxca heb'naj comerciante xtxon̈ni tet caw ay smay heb'naj satyib'an̈k'inal ti'. Sub'cha sunil hej nación yu snawalil. 24X'a'lax sya'tajil yila' con̈ob' Babilonia haxca hat xmaltoj schiq'uil heb'ya' schejab'lom Comam Dios, mac yet-xa Comam b'oj sunil mac xpotx'lax satyib'an̈k'inal ti'.


Copyright
Learn More

will be added

X\