APOCALIPSIS 15

1Xwilni pax hujwan̈ ángel satcan̈an, syeb'anil hune' tzet caw ay yelapnoj yeyi, caw c'ayb'alc'ule. Ha' hujwan̈ ángel tu' i'n̈e hujeb' slahub'al huchan, hunk'aan tu' b'ay chijcan sb'a showal Comam Dios. 2Xwilni pax hune' haca' ha' mar liantojan, yaxc'an̈c'on̈e, calan ye b'oj xaj k'a' k'a'. Hat lin̈ancan̈ heb'ya' x'ay ich Nok' yu. Heb'ya' tu' mach xhak'en yechel no', machca xcha snúmeroal sb'ih no' yin̈. Ib'il yarpa heb'ya' yu, hunk'aan tu' Comam Dios xa'ni tet heb'ya'. 3Chanitoj heb'ya' sb'it ya' Moisés schejab' Comam Dios, b'oj sb'it Comam Canelu sb'ih. Chalni yin̈ hacti': Caw ay yelapnoj ye hunk'aan c'ayb'alc'ule chawu, Dios Jahaw, Dios Sunil Chu Yu. Stoholal b'oj st'in̈anil ye tzet haweyi, hach Sreyal sunil hej con̈ob'. 4Mam Jahaw, mach hunuj mac ta mach ẍnanon tawet. ¿Mac hunuj ta mach'anicoj ha may? Mach hunuj mac chu slahb'ancoj sb'a tawin̈. Yuxin chuluj sunil hej con̈ob' hach shak'e', haxca lan̈an yiẍtan̈wi stoholal chawu. 5Lawitu' xwilni shajni sb'a yatut Comam Dios satcan̈an, hune' b'ay c'uan sley Comam. 6Yul yatut Comam tu' x'eliloj hujwan̈ ángel i'n̈e hujeb' huchan. Caw saj jilni lino aycoj xiloj sk'ap b'oj caw ẍchaw jilni. Nab'a' oro cincho aycoj yictaj, nimejal spawi sat ch'ahapnoj yin̈ xtxam sc'ul. 7Yin̈n̈ena tu' xanic'oj hune' querubín tu' ch'en sec' nab'a' oro tet hunun ángel, nohnajaytoj showal Comam yul ch'en, Comam ayn̈etic'a yin̈ stohb'alk'inal. 8Xnohiloj sunil yul yatut Comam tu' yu sn̈ub'al smay sk'ak'al Comam b'oj scan̈il yeyi. Mach mac chu yoctoj b'etu' masanto ẍhamlaxojaytij hujeb' sec' b'ay ayaytoj showal sc'ul Comam, ib'il yu hunun ángel tu'.


Copyright
Learn More

will be added

X\